31 мая вучні наведалі ваенна-гістарычны музей імя А.В.Суворава, які знаходзіцца ў г.Кобрыне. Вучні пазнаёміліся не толькі з жыццём і дзейнасцю знакамітага палкаводца, але і даведаліся пра гісторыю горада ад старажытных дзён да дзён сённяшніх. Уразілі прысутных багатая калекцыя ўзбраення, якое прымянялася у войнах на тэрыторыі Беларусі, пачынаючы з Сярэднявечча і да Вялікай Айчыннай вайны.
28 мая вучні школы наведалі рэканструкцыю бою на гісторыка-культурным комлексе «Лінія Сталіна» і з экскусійнай праграмай прайшліся па залах Беларускага дзяржаўнага музея гісторыі Вялікай Айчыннай вайны. Юным экскурсантам правялі аглядную экскурсію па музею, у выніку якой яны змаглі больш даведацца аб трагічных старонках гісторыі нашай краіны і гераічным подзвігу беларускага народа. Цікава было ўбачыць ваенную тэхніку і збудаванні часоў Вялікай Айчыннай вайны, даведацца пра падзеі і абарончыя баі ў першыя месяцы вайны, адчуць неймаверныя цяжкасці, з якімі сутыкнуліся нашы воіны ў бітвах з фашысцкімі захопнікамі.
Да года гістарычнай памяці і з мэтай грамадзянска-патрыятычнага выхавання навучэнцы школы наведалі музей–сядзібу» Пружанскі палацык», дзе пазнаёміліся з выставамі «Генацыд на Пружаншчыне: па матэрыялах раследавання» і «Дзіцячы погляд з вечнасці». Падчас агляднай экскурсіі дзеці пазнаёміліся з матэрыяламі, прадстаўленымі генеральнай пракуратурай у ходзе расследавання крымінальнай справы аб генацыдзе беларускага народа.
У Рэспубліцы Беларусь 9 мая адзначаецца Дзень Перамогі — свята, здабытае ў цяжкіх баях за свабоду і незалежнасць Радзімы. Для жыхароў рэспублікі гэта не толькі святочны дзень,але яшчэ і Дзень памяці, глыбокай павагі і падзякі ўсім, хто набліжаў Вялікую Перамогу. З 2 па 9 мая ва ўстанове адукацыі прайшоў традыцыйны тыдзень «9 мая — Дзень Перамогі». Вучні прынялі ўдзел у акцыі “Салдацкая хусцінка” і новых 11 хусцінак дабавілася на «Палатно Перамогі». Таксама прайшлі конкурс газет “Піянеры-героі”, гадзіна памяці, прысвечаная Герою СССР З.Тусналобавай і камандзіру ЧА І.Марчанка, экскурсія ў школьны музей “Становіцца гісторыяй вайна…”… Завяршыўся тыдзень мітынгам да Дня Перамогі, які праходзіў каля помніка воінам Вялікай Айчыннай вайны ў аг.Харава.
Усенароднае свята 9 Мая стала сімвалам мужнасці і гераізму, вялікага патрыятызму салдат, якія цаною жыцця адстаялі свабоду. Гэта радасны і шчаслівы дзень для цяперашніх і будучых пакаленняў, для якіх дзяды і прадзеды заваёўвалі права на мірнае жыццё. 9 мая вучні і педагогі школы прынялі ўдзел ва ўрачыстым мітынгу да Дня Перамогі. Піянеры і акцябраты школы выступілі з рэпрызай «Няхай заўсёды будзе мір на свеце!».
7 мая вучні наведалі з экскурсійнай праграмай “Становіцца гісторыяй вайна…” школьны музей, а таксама прынялі ўдзел у конкурсе малюнкаў “Вялікай перамозе – 77!”. Таксама сёння прайшлі ўрокі памяці “Нам мір завешчана берагчы”.
Шмат гадоў прайшло з таго незабыўнага дня, калі змоўклі апошнія залпы бітваў, калі ў Берліне была пастаўлена пераможная кропка кровапралітнай вайны, якая доўжылася 1418 дзён і начэй. Вайна і песня, што можа быць супольнага? Здавалася б, нягоды і пакуты ваеннага часу не пакідаюць месца для песень. І, тым не менш, песня заўсёды суправаджала салдата! 6 мая ў школе прайшоў фестываль ваеннай песні «Дзякуй прадзеду за Перамогу». На фестывалі гучалі не толькі песні ваенных гадоў, але і песні, якія былі напісаны ў мірны час.
Вучні 10 класа Губарык Павел, Белаш Святлана, Зыбін Арцём і Кавальская Таццяна сталі ўдзельнікамі змены «Патрыятычны слёт моладзі», якія праходзіла ў нацыянальным дзіцячым цэнтры «Зубронак» з 15 красавіка па 5 мая. Змена праводзілася з мэтай стварэння ўмоў для фарміравання светапогляду як сістэмы поглядаў на навакольны свет, грамадства, іншых людзей і самога сябе, грамадзянскасці, патрыятызму, духоўна-маральных і сацыяльных каштоўнасцяў, станаўлення актыўнай жыццёвай пазіцыі моладзі праз уключэнне ў камунікатыўныя практыкі і рэалізацыю сацыяльных ініцыятыў. Цэнтральным мерапрыемствам стаў адкрыты Рэспубліканскі моладзевы конкурс «Ад думкі да светапогляду», з якога Белаш Святлана і Губарык Павел вярнуліся з граматамі Міністэрства адукацыі Рэспублікі Беларусь. Таксама па выніках змены Зыбін Арцём адзначаны дыпломам НДЦ «Зубронак», Кавальская Таццяна — сертыфікатам НДЦ «Зубронак».
5 мая вучні 9 класа прынялі ўдзел у гадзіне памяці «Каханне і подзвіг», прысвечанай героям Вялікай Айчыннай вайны, у тым ліку Зінаідзе Тусналобавай і Іосіфу Марчанку. Старшакласнікі даведаліся пра лёсы Зінаіды і Іосіфа, пра выпрабаванні, якія ім падрыхтавала вайна. Завочная сустрэча з героямі Вялікай Айчыннай вайны дапамагла старшакласнікам задумацца над шматлікімі маральнымі паняццямі, над пачуццямі. І яшчэ раз усвядоміць, што мір-самае галоўнае на зямлі.
З 30 красавіка па 4 мая члены ГА «БРСМ» прынялі ўдзел у традыцыйнай акцыі «Абеліск», прысвечанай 77-годдзю Вялікай Перамогі. Старашкласнікі ачысцілі тэрыторыю помнікаў ад апалага лісця і галінак, сабралі смецце, высадзілі кветкі. Дзякуючы дружнай і зладжанай працы наведзены парадак. Добраўпарадкаванне помнікаў, воінскіх пахаванняў — гэта даніна мужнасці і стойкасці пакаленням, якія прайшлі вайну. Гэта клопат пра будучыню нашага горада, маладое пакаленне павінна ведаць гісторыю і шанаваць памяць продкаў, памятаць, якой цаной дасягнута Перамога.