Акцыя «За бяспеку разам»
У ПЕРЫЯД З 10 ПА 28 КРАСАВІКА 2023 ГОДА ПРАВОДЗІЦЦА АКЦЫЯ «ЗА БЯСПЕКУ РАЗАМ»
У мэтах павышэння ўзроўню бяспекі насельніцтва Міністэрствам па надзвычайных сітуацыях у перыяд з 10 па 28 красавіка 2023 года арганізавана правядзенне рэспубліканскай пажарна-прафілактычнай акцыі па папярэджанні пажараў і гібелі людзей ад іх у жыллёвым фондзе «За бяспеку разам». Акцэнт пры правядзенні акцыі робіцца на абследаванні супрацьпажарнага стану домаўладанняў адзінокіх і адзінока пражываючых пажылых грамадзян, інвалідаў, сем’яў, у якіх дзеці знаходзяцца ў сацыяльна небяспечным становішчы, правядзенні з грамадзянамі інструктыўна-растлумачальнай работы па выкананні правіл пажарнай бяспекі, інфармаванні насельніцтва аб магчымасцях дзяржаўных арганізацый па аказанні паслуг па забеспячэнні іх бяспекі.Таксама ў рамках акцыі ў якасці кансультатыўнай дапамогі мы прапануем грамадзянам звярнуцца ў тэрытарыяльны органы і падраздзяленні па надзвычайных сітуацыях для правядзення абследавання супрацьпажарнага стану жылля.Запрашаем прыняць удзел у акцыі ўсіх грамадзян!Праверце на працаздольнасць аўтаномныя пажарныя апавяшчальнікі, у выпадкі іх адсутнасці ўсталюеце ў жылых памяшканнях домаўладання (кватэры). У перыяд ацяпляльнага сезона кантралюйце спраўнасць ацяпляльнага абсталявання ў сваіх домаўладаннях, электрычнай праводкі.Не забывайце аб родных і блізкіх, якія жывуць у вёсках! Памятайце, што ў адпаведнасці з заканадаўствам Рэспублікі Беларусь адказнасць за выкананне патрабаванняў пажарнай бяспекі ў жылых дамах, якія належаць грамадзянам на праве прыватнай уласнасці, ускладзена на іх уласнікаў.
8 красавіка каманда ЮІДаўцаў школы «Светлафор» (Губарык Маргарыта і Андрусевіч Мацвей, 5 клас; Губарык Ганна і Аліфірук Уладзіслаў, 7 клас; Кавальскі Уладзіслаў і Скобля Аліна, 9 клас; Жур Ангеліна і Зыбін Арцём, 11 клас; кіраўнік Фядотава А.А.) заняла 1 месца ў раённым конкурсе юных інспектараў дарожнага руху. ЮІДаўцам не было роўных у конкурсах «Пазнавальная праграма», «Аказанне першай медыцынскай дапамогі», «Плакат». Скобля Аліна стала лепшай у конкурсе «Фігурнае ваджэнне веласіпеда», Губарык Ганна і Зыбін Арцем — у конкурсе «Аказанне першай медыцынскай дапамогі», Андрусевіч Мацвей — «Тэарэтычны экзамен па ПДД». Каманда быдзе прадстаўляць Пружанскі раён на занальным этапе конкурсу. Пажадем ім поспехаў!
3-4 красавіка ва ўстанове адукацыі прайшлі мерапрыемствы, прысвечаныя Дню яднання народаў Беларусі і Расіі. Менавіта ў гэты дзень у 1996 годзе прэзідэнты дзвюх дзяржаў падпісалі дамову «Аб утварэнні Супольнасці Расіі і Беларусі». Факт падпісання паклаў пачатак працэсу ўзаемнай інтэграцыі краін.
Агульнашкольная лінейка 3 красавіка была прысвечана не толькі пачатку новай чвэрці. Дырэктар школы Сідарук Н.М. нагадала ўсім прысутным, што 2 красавіка ў Беларусі адзначаецца Дзень яднання народаў Беларусі і Расіі. Напрыканцы лінейкі самым актыўным удзельнікам мерапрыемстваў на канікулах, а таксама ўдзельнікам анлайн-канікул былі ўручаны дыпломы і сертыфікаты «Антыдвойка».
Дзень 31 сакавіка быў аб’яўлены Днём эканамічных канікул. Для вучняў прайшлі ралявая гульня “Мае першыя фінансы”, урок фінансавай граматнасці “Грошы. Для чаго яны патрэбныя.Бюджэт сям’і». Старшакласнікі распрацоўвалі практычныя саветы “Плацяжы ў Інтэрнэце. Як распазнаць махляра?». Удзельнікі анлайн-канікул сёння вывучалі правы дзіцяці.