Адаптацыя да школы — гэта пераход дзіцяці да сістэматычнага школьнага навучання і прывыканне яго да школьных умоў. Гэты перыяд кожны першакласнік перажывае па-свойму. Да школы большасць дзяцей наведвалі дзіцячы сад, дзе кожны дзень быў напоўнены гульнямі і гульнявымі заняткамі, прагулкамі, а дзённы сон і размераны рэжым дня не давалі дзецям стамляцца. У школе ўсё інакш: новыя патрабаванні, інтэнсіўны рэжым, неабходнасць усё паспяваць. Як прыстасавацца да іх? Для гэтага патрэбны сілы і час, а галоўнае — разуменне бацькоў, што гэта неабходна.