Установа адукацыі «Хараўская сярэдняя школа» далучылася да рэспубліканскай прафсаюзнай акцыі «Павіншуем матулю разам». Кожны жадаючы атрымаў магчымасць бясплатна запоўніць віншавальную паштоўку і адправіць яе сваёй маці #поздравиммамувместе#профсоюз#фпб
У кастрычніку 2018 года спаўняецца 100 гадоў з дня стварэння Усесаюзнага Ленінскага Камуністычнага Саюза Моладзі (УЛКСМ) — маладзёжнай грамадска палітычнай арганізацыи, створанай на І Усерасійскім з’ездзе саюзаў рабочай і сялянскай моладзі 29 кастрычніка — 4 лістапада 1918 года. З’езд аб’яднаў разрозненыя саюзы моладзі ў агульнарасійскую арганізацыю з адзіным цэнтрам, якая працававў пад кіраўніцтвам Расійскай Камуністычнай партыі. На з’ездзе былі прынятыя асноўныя прынцыпы праграмы і статут Расійскага камуністычнага саюза моладзі (РКСМ). У ліпені 1924 года РКСМ было прысвоена імя У.І. Леніна і ён стаў называцца Расійскі Ленінскі камуністычны саюз моладзі (Р
ЛКСМ). У сувязі з утварэннем Саюза ССР (1922) камсамол у сакавіку 1926 года быў перайменаваны ва Усесаюзны Ленінскі Камуністычны саюз моладзі (УЛКСМ). Згодна са Статутам УЛКСМ, у камсамол прымаліся юнакі і дзяўчаты ва ўзросце ад 14 да 28 гадоў. Пярвічныя арганізацыі УЛКСМ ствараліся на прадпрыемствах, у калгасах, саўгасах, навучальных установах, установах, частках Савецкай Арміі і флоту. Вышэйшы кіруючы орган УЛКСМ — Усесаюзны з’езд; усёй працай Саюза паміж з’ездамі кіраваў Цэнтральны Камітэт ВЛКСМ, выбіраюцца Бюро і Сакратарыят. Гісторыя ВЛКСМ непарыўна звязана з гісторыяй СССР і БССР. Беларускія камсамольцы былі актыўнымі ўдзельнікамі партызанскага руху і пасляваеннага аднаўлення народнай гаспадаркі, стварэння энергетычнага і нафтагазавага комплексаў рэспублікі. Дзясяткі тысяч маладых людзі ўдзельнічалі ў будаўніцтве Бярозаўскай і Лукомскай ГРЭС, Гродзенскага вытворчага аб’яднання «Азот» і Светлагорскага завода штучнага валакна, Полацкага і Мазырскага нафтаперапрацоўчых заводаў, Беларускага шыннага завода і Брэсцкага дыванова-суконнага камбінатг, трох Салігорскіх калійных камбінатаў, працавалі на меліярацыі зямель беларускага Палесся. Беларускія студэнцкія атрады выязджалі на будаўніцтва аб’ектаў жыллёвага і культурна-бытавога прызначэння Заходняй Сібіры, Уральскай вобласці, Карэліі і Якуціі. Студатрадаўцы Беларусі масава ўдзельнічалі ва ўборцы ўраджаю на цалінных і абложных землях, ударна працавалі на будоўлях Ваза, КамАЗа, БАМа.
Камсамольцы былі актыўнымі ўдзельнікамі Грамадзянскай вайны 1918-1920 гг у радах Чырвонай Арміі. За баявыя заслугі камсамол ў 1928 годзе быў узнагароджаны ордэнам Чырвонага Сцяга. За ініцыятыву ў сацыялістычным спаборніцтве УЛКСМ быў узнагароджаны ў 1931 годзе ордэнам Працоўнага Чырвонага Сцяга. За выдатныя заслугі перад Радзімай на фронце і ў тыле ў перыяд Вялікай Айчыннай вайны 3,5 тыс. камсамольцаў ўдастоены звання Героя Савецкага Саюза, 3,5 млн. камсамольцаў ўзнагароджаны ордэнамі і медалямі; УЛКСМ ў 1945 годзе быў узнагароджаны ордэнам Леніна. За працу, якая была праведзена камсамолам у аднаўленні разбуранага нямецка фашысцкіх захопнікаў народнай гаспадаркі, ў 1948 годзе ВЛКСМ года быў узнагароджаны другім ордэнам Леніна. За актыўны ўдзел у асваенні цалінных і абложных зямель ВЛКСМ ў 1956 годзе быў узнагароджаны трэцім ордэнам Леніна. У 1968 годзе ў сувязі з 50 гадовым юбілеем Ленінскага камсамола УЛКСМ быў узнагароджаны ордэнам Кастрычніцкай Рэвалюцыі. 
За ўсю гісторыю УЛКСМ праз яго шэрагі прайшло больш за 200 мільёнаў чалавек. У верасні 1991 г. XXII з’езд УЛКСМ палічыў вычарпанай палітычную ролю УЛКСМ як федэрацыі камуністычных саюзаў моладзі і заявіў аб самароспуску арганізацыі. Сёння пераемнікам УЛКСМ з’яўляецца БРСМ, грамадскія моладзевыя арганізацыі.
Скончыўся час, калі мы маглі падоўгу знаходзіцца на вуліцы і нічога не баяцца. Зараз цямнее намнога раней. І ў гэтай цемры вадзіцелям усё цяжэй заўважыць пешахода, які перабягае або пераходзіць дарогу. 
Флікер на вопратцы на сённяшні дзень з’яўляецца рэальным спосабам зберагчы дзіця ад траўмы на неасветленым участку дарогі. Калі фары аўтамабіля «выхопліваюць» нават маленькі святлоадбівальнік, вадзіцель здалёк бачыць яркую кропку святла. Таму варыянты, што пешаход або веласіпедыст будуць заўважаны, павялічваюцца ў шмат разоў. Напрыклад, калі ў машыны ўключана блізкае святло, то звычайнага пешахода вадзіцель заўважыць на адлегласці 25-40 метраў. А выкарыстанне флікера павялічвае гэтую лічбу да 130-240 метраў! Маленькая падвеска або значок замацоўваюцца на вопратцы, налепкі — на веласіпедзе, самакаце, заплечніку, сумцы. На першы погляд флікер выглядае як цацка. Але яго выкарыстанне зніжае дзіцячы траўматызм на дарозе ў шэсць з паловай разоў! Флікер не баіцца ні вільгаці, ні марозу — насіць яго можна ў любое надвор’е.
У панядзелак нашу навучальную ўстанову наведала Вольга Васільеўна Ляпко, старшы інспектар групы прапаганды і сувязі з грамадскасцю па Пружанскай раёну па надзвычайных сітуацыях, якая засяродзіла ўвагу старшакласнікаў на выкананні правілаў пажарнай бяспекі, а таксама адказала на хвалюючыя пытанні навучэнцаў.
Сотнік Багдана і Баландзіна Міраслава, навучэнцы 6 класа (кіраўнік Салавенюк Н.І.) увайшлі ў склад каманды ад Пружанскага раёна на абласным этапе рэспубліканскіх спаборніцтваў па лёгкай атлетыцы «Шкаліяда» сярод дзяцей і падлеткаў 5-6 класаў, якія праходзілі ў г. Брэсце! Жадаем дзяўчынкам далейшых спартыўных поспехаў!
Напярэдадні Суственага дня пошты вучні 3 — 4 класаў разам з класснымі кіраўнікамі наведалі з экскурсійнай праграмай аддзяленне паштовай сувязі, якое знаходзіцца ў аг.Харава, дзе пазнаёміліся з працай работнікаў пошты, а таксама набылі цікавыя газеты, часопісы і паштоўкі.
Вучань 10 класа Усік Міхаіл заняў І месца ў Чэмпіянаце Брэсцкай вобласці па эстафетнаму бегу сярод раёнаў ў праграме ХХХV Маларытскага Міжнароднага марафона. Віншуем і жадаем далейшых спартыўных перамог!
