Навіны лагера «Сонейка»…Дзень 7 «Вяртаемся дадому, ці сёмы цуд Беларусі — Белавежская пушча»
Апошні дзень лагера пачаўся са спартландыі, а пасля ўсіх чакала свята закрыцця лагера, на якім старэйшы атрад прэзентаваў праект «7 цудаў Беларусі ў мініяцюры». Таксама сёння выхванцы пабывалі на прагулцы «Фотаімгненне», падчас якой зрабілі запамінальныя фотаздымкі зімовага лагера.
Навіны лагера «Сонейка»…Дзень 6 «Падарожжа ў Гродзенскую вобласць, ці шосты цуд Беларусі — Мірскі замак»
У апошні дзень 2018 года выхаванцы наведалі замак Радзівілаў, які зназодзіцца ў г.п.Мір Гродзенскай вобласці. Пасля круглага стала «Замак роду Радзівілаў» усе дружна адправіліся на конкурс малюнкаў і майстар-клас «Мая правільная асанка», пасля пагулялі на свежым паветры. Напрыканцы дня ў лагер завітаў сам Дзед Мароз разам з унучкай Снягуркай і пакінуў пад елачкай кожнаму падарунак. Дзень завяршыўся майстар-класам «Навагодняя паштоўка».
Навіны лагера «Сонейка»…Дзень 5 «Сустракай нас, Магілёўская вобласць, або пяты цуд Беларусі — Бабруйская крэпасць»
На пяты дзень змены хлопчыкі і дзяўчынкі апынуліся ў Магілёўскай вобласці і пазнаёміліся з Бабруйскай крэпасцю. Таксама сёння прайшлі малыя алімпійскія гульні і інтэлектуальны турнір «Разумнікі і разумніцы», старэйшы атрад паспеў прыняць удзел у акцыі «Абеліск» і наведаць помнік воінам Вялікай Айчыннай вайны.
Навіны лагера «Сонейка»…Дзень 4 «Ператвараемся ў пілігрымаў, або чацвёрты цуд Беларусі — Сафійскі сабор у Полацку»
Дзень пачаўся з віктарыны «Ў», прысвечанай помніку літары «Ў», які знаходзіцца ў Полацку, а працягнуўся работай праекту «7 цудаў Беларусі ў мініяцюры». Таксама сёння прайшлі спаборніцтвы па шашках і шахматах і конкурс пазлаў «Славутасці маёй малой радзімы».
Да сустрэчы, 2018 год! Добры дзень, год 2019!
28 снежня Дзед Мароз і Снягурка прыходзілі ў школу ажно тры разы! З самай раніцы іх паклікалі вучні пачатковых класаў і яны ўсе разам шукалі Новы год. На гэтым прыгоды Дзеда Мароза і Снягуркі не скончыліся, і героі адправіліся разам з вучнямі 5 — 7 класаў за прыгодамі Новага года. Старшакласнікі запрасілі гэтых казачных герояў да сябе на вечар «За 5 хвілін да Новага года». Дзед Мароз і Снягурка прыходзілі не адны, а з гномамі, сімвалам 2018 года — Сабачкам і сімвалам 2019 года — Свінкай, Снежнай Каралевай, Снегавікамі. Не абышлося без карагодаў і чытання вершаў пад елачкай, таксама кожны ўдзельнік свята мог дакрануцца да чароўнага посаха Дзеда Мароза і загадаць жаданне.
Навіны лагера «Сонейка»…Дзень 3 «Добры дзень, родная Брэсцкая вобласць, або трэці цуд Беларусі — Брэсцкая крэпасць»
Трэці дзень лагера вярнуў усіх у Брэсцкую вобласць, а дакладней, у Брэсцкую крэпасць. Пасля завочнай экскурсіі па мемарыльнаму комплексу выхаванцы адправіліся на спартландыю «Марафон перамог». Пакуль малодшы атрад адказваў на пытанні віктарыны «Вітамінная краіна», старэйшыя сабраліся на прагляд кінафільма «Брэсцкая крэпасць». Дзень завяршыўся прагулкамі «Па сцежках малой радзімы».
