Спартыўна-патрыятычная гульня «Зарнічка-2024»
Удзел нашай каманды у раённай спартыўна-патрыятычная гульні «Зарнічка-2024».
Удзел у раённым конкурсе інсцэніроўкі ваенна-патрыятычнай песні «Мы памятаем Ваш подзвіг»
3 мая члены ГА «БРСМ» прынялі ўдзел у конкурсе ваенна-патрыятычнай песні «Мы памятаем Ваш подзвіг». Конкурс праводзіўся з мэтай фарміравання ў моладзі грамадзянска-патрыятычнай пазіцыі, захавання гістарычнай памяці аб гераічным подзвігу беларускага народа ў гады Вялікай Айчыннай вайны.
Экскурсія ў Мінск
30 красавіка ў рамках адукацыйных экскурсій навучэнцы нашай школы наведалі адукацыйны цэнтр бяспекі МНС Беларусі і нацыянальную кінастудыю Беларусьфільм у г.Мінску.
“Адпачываем з карысцю”
У суботні дзень вучні пачатковых класаў прынялі ўдзел у мерапрыемстве занальнага цэнтра “Адпачываем з карысцю” на базе ДУА “Кляпачская сярэдняя школа”. У мерарыемстве «Экалагічнае асарці» прынялі ўдзел каманды Мокраўскай, Хараўской, Кляпачскай сярэдніх школ, якое правяла Насытка С.У. Каманды ўдзельнічалі з вялікім захапленнем. Перамогу атрымала наша каманда.
Віншуем і ганарымся!
Школа Актыўнага Грамадзяніна для V- VII класаў. Красавік 2024 г.
У рамках праекта «ШАГ» у 5-7 класах прайшлі класныя гадзіны па тэме «Я і Культура». Вучні 5 — 7 класаў прынялі ўдзел у пазнавальнай праграмме «7 цудаў Беларусі».
Адукацыйная экскурсія ў Ружаны
26 красавіка вучні 1 і 5 класаў наведалі ДУК «Ружанскі палацавы комплекс Сапегаў» з наведваннем выставы аб генацыдзе беларускага народа. У рамках марафона патрыятычных спраў, па дарозе дадому, вучні таксама наведалі помнікі ў вёсцы Байкі Пружанскага раёна, пастаўленыя ў памяць аб аднавяскоўцах, якія былі знішчаны нямецка-фашысцкімі захопнікамі.
Школа Актыўнага Грамадзяніна для VIII-XI класаў. Красавік 2024 г.
У рамках інфармацыйна-адукацыйнага праекта ШАГ «Радзіма мая Беларусь у асобах. Клопат пра сваё здароўе » для вучняў 8-11 класаў была запрошана ўрач агульнай практыкі Хараўскай амбулаторыі Сакалоўская А.А., якая расказала пра штодзённую нялёгкую працу ўрача. Анастасія Андрэеўна ўспомніла аб сваім першым месцы працы, якія навучальныя ўстановы можна скончыць, каб працаваць у сістэме аховы здароўя і якімі якасцямі павінен валодаць медыцынскі работнік.