У пятніцу у госці да выпускнікоў 9 — 11 класаў завіталі прадстаўнікі Івацэвіцкага дзяржаўнага прафесійнага ліцэя сельскагаспадарчай вытворчасці, якія паказалі майстар-класы па прафесіям, што можна атрымаць у ліцэі, а таксама адказалі на пытанні старшакласнікаў.
11 красавіка ў 17.30 у спартыўнай зале адбудзецца адзіны інфармацыйны дзень для бацькоў навучэнцаў I-XI-х класаў «Прафілактыка правапарушэнняў і злачынстваў непаўналетніх. Адказнасць бацькоў за выхаванне непаўналетніх дзяцей».
У чацвер выпускнікі 9 — 11 класаў сустрэліся з прадстаўнікамі Слонімскага палітэхнічнага ліцэя, якія расказалі пра прафесіі, што можна атрымаць, калі выбраць дадзеную ўстанову адукацыі.
2 красавіка адзначаецца Дзень яднання народаў Расіі і Беларусі. Менавіта ў гэты дзень у 1996 годзе прэзідэнты Расіі і Беларусі Барыс Ельцын і Аляксандр Лукашэнка падпісалі ў Маскве Дагавор «Аб стварэнні Супольнасці Расіі і Беларусі». Роўна праз год, 2 красавіка 1997 года, быў падпісаны Дагавор «Аб Саюзе Беларусі і Расіяй», які даў новы імпульс працэсу ўсёабдымнай інтэграцыі дзвюх дзяржаў. 23 мая 1997 года быў прыняты Статут Саюза Беларусі і Расіі, а 25 снежня 1998 года прэзідэнты Расіі і Беларусі падпісваюць Дэкларацыю «Аб далейшым яднанні Расіі і Беларусі».
Калектыў вучняў школы (кіраўнікі — настаўнікі замежнай мовы Скобля Ю.М. і Плеска А.В.) на раённым фестывалі вучнёўскіх тэатральных калектываў на замежнай мове “Assorti-2018” заняў ІІІ месца. Віншуем і жадаем далейшых поспехаў!
У суботу школьная каманда КВЗ «Школьны дэсант» (Паўлюковіч Іван і Вашчук Уладзіслаў, вучні 11 класа; Губарык Павел і Зыбін Арцём, вучні 6 класа; Губарык Ганна, вучаніца 2 класа) заняла першае месца на раённым этапе абласнога фестывалю школьных каманд КВЗ. Віншуем і жадаем поспехаў на абласным фестывалі, які адбудзецца 13 і 14 сакавіка ў г.Брэсце.
Намеснік дырэктара па выхаваўчай рабоце А.А.Фядотава заняла ІІ месца ў абласным дыстанцыйным інтэрнэт-конкурсе на лепшую мадэль вучнёўскага самакіравання «Мастацтва цікава жыць» у намінацыі «Школа актыву вучнеўскага самакіравання». Віншуем!
Вучні нашай школы Усік Міхаіл (9 клас) і Басак Марыя (5 клас) на другім этапе абласной алімпіяды па асновах бяспекі жыццядзейнасці занялі другія месцы ў сваіх узроставых падгрупах! Вішуем іх і жадаем поспехаў на трэцім этапе.
Вучаніца 6 класа Кавальская Таццяна заняла ІІІ месца на раённам этапе рэспубліканскага конкурсу «Энергія і асяроддзе пражывання» з відаэролікам «Дарослыя, беражыце энергію!» Віншуем і жадаем далейшых поспехаў!
