На пяты дзень змены хлопчыкі і дзяўчынкі апынуліся ў Магілёўскай вобласці і пазнаёміліся з Бабруйскай крэпасцю. Таксама сёння прайшлі малыя алімпійскія гульні і інтэлектуальны турнір «Разумнікі і разумніцы», старэйшы атрад паспеў прыняць удзел у акцыі «Абеліск» і наведаць помнік воінам Вялікай Айчыннай вайны.
Дзень пачаўся з віктарыны «Ў», прысвечанай помніку літары «Ў», які знаходзіцца ў Полацку, а працягнуўся работай праекту «7 цудаў Беларусі ў мініяцюры». Таксама сёння прайшлі спаборніцтвы па шашках і шахматах і конкурс пазлаў «Славутасці маёй малой радзімы».
28 снежня Дзед Мароз і Снягурка прыходзілі ў школу ажно тры разы! З самай раніцы іх паклікалі вучні пачатковых класаў і яны ўсе разам шукалі Новы год. На гэтым прыгоды Дзеда Мароза і Снягуркі не скончыліся, і героі адправіліся разам з вучнямі 5 — 7 класаў за прыгодамі Новага года. Старшакласнікі запрасілі гэтых казачных герояў да сябе на вечар «За 5 хвілін да Новага года». Дзед Мароз і Снягурка прыходзілі не адны, а з гномамі, сімвалам 2018 года — Сабачкам і сімвалам 2019 года — Свінкай, Снежнай Каралевай, Снегавікамі. Не абышлося без карагодаў і чытання вершаў пад елачкай, таксама кожны ўдзельнік свята мог дакрануцца да чароўнага посаха Дзеда Мароза і загадаць жаданне.
Трэці дзень лагера вярнуў усіх у Брэсцкую вобласць, а дакладней, у Брэсцкую крэпасць. Пасля завочнай экскурсіі па мемарыльнаму комплексу выхаванцы адправіліся на спартландыю «Марафон перамог». Пакуль малодшы атрад адказваў на пытанні віктарыны «Вітамінная краіна», старэйшыя сабраліся на прагляд кінафільма «Брэсцкая крэпасць». Дзень завяршыўся прагулкамі «Па сцежках малой радзімы».
На другі дзень лагера выхаванцы працягнулі падарожжа па Мінскай вобласці і завіталі ў в.Будслаў, дзе знаходзіцца знакаміты касцёл. Хлопчыкі і дзяўчынкі наведалі гадзіну зносін «Храмы і касцёлы Беларусі», спартыўныя спаборніцтвы «Скок-шоу», і пакуль малодшы атрад наведваў віктарыну «Навошта быць здаровым?», старэйшыя гулялі ў інтэлектуальную версію гульні «Марскі бой».
У панядзелак 24 снежня адчыніў свае дзверы прышкольны лагер «Сонейка». На гэты раз хлопчыкі і дзяўчынкі адправіліся на сем дзен у падарожжа па цудах Беларусі. У першы дзень выхаванцы лагера пазнаёміліся з першым цудам нашай краіны — возерам Нарач, прынялі ўдзел конкурсе малюнкаў, наведалі гульнёвую праграму «7 цудаў Беларусі», шукалі самых спартыўных падчас спартландыі «Хутчэй! Вышэй! Мацней!, здзейснілі прагулку ў зімовы лес, а таксама далі старт праекту «7 цудаў Беларусі ў мініяцюры».
Апошні дзень 2 чвэрці быў прысвечаны бяспечным паводзінам, таму пасля гульнёва-пазнавальнай праграмы “Гэтыя бяспечныя канікулы” ўсе адправіліся на онлайн-віктрыну па правілах дарожнага руху «Спадар дарожны знак», а завяршыўся дзень гульёвай праграмай «Мы — акцёры», дзе кожны жадаючы змог прыняць удзел у конкурсе малюнкаў на снезе, у спаборніцтвах на самую высокую снежную вежу і г.д., дэманструючы свае акцёрскія здольнасці. Члены піянерскай дружыны прынялі ўдзел у раённай інтэлектуальна-забаўляльнай гульні “Піянерскі квіз”, а вучні 6 — 8 класа наведалі з экскурсійнай праграмай Пружанскі дом рамёстваў.
20 снежня старшакласнікі наведалі адзіны дзень інфармавання «Школа Актыўнага Грамадзяніна», які ў гэтым месяцы быў прысвечаны тэме «Будучыня Беларусі — гэта мы!». Падчас мерапрыемства абмяркоўваліся пытанні , прысвечаныя наступным тэмам: «Дабрачынная акцыя «Нашы дзеці», «Дзіцячае «Еўрабачанне-2018», «Республіканскі семінар-нарада аб павышэнні эфектыўнасці будаўнічага комплексу Беларусі».
У трэці чацвер месяца — 20 снежня — у школе прайшоў адзіны дзень ведаў Правілаў дарожнага руху. Члены атрада юных інспектараў дарожнага руху правялі акцыю «Зімовым забавам на дарозе не месца» і расказалі, як трэба сябе паводзіць паблізу дарогі ў дваровых тэрыторыях, каб зімовыя гульні заўсёды былі вясёлыя і прыносілі толькі радасць і смех. Таксама 19 снежня перад вучнямі выступіў участковы інспектар Інспекцыі па справах непаўналетніх Анур’еў Я.В., які яшчэ раз засяродзіў увагу на паводзінах дзяцей на дарозе, выкананне правілаў дарожнага руху і наяўнасць флікераў.
Настаўнікам нямецкай мовы, і ўвогуле настаўнікам я працую з верасня 2018 года. У чэрвені 2018 года я атрымала дыплом у сценах установы адукацыі “Баранавіцкі дзяржаўны ўніверсітэт”. Хараўская сярэдняя школа – гэта маё першае месца працы. І на дадзены момант я з’яўляюся маладым спецыялістам. Навучалася я на факультэце славянскіх і германскіх моў. Мая спецыяльнасць “Нямецкая мова. Англійская мова”. Хочацца адзначыць, што на факультэце ёсць усе неабходныя ўмовы для атрымання названай спецыяльнасці: лінгафонныя кабінеты, абсталяваныя неабходнымі сродкамі навучання, бібліятэка з крыніцамі інфармацыі па спецыяльнасці і не толькі, а таксама чытальная зала з вядомымі нямецкімі і англійскімі слоўнікамі. Варта адзначыць, што навучанне вядзецца высокакваліфікаванымі выкладчыкамі. Я неаднаразова прымала ўдзел у профільных семінарах і канферэнцыях. І галоўнае – мела ўнікальную магчымасць камунікаваць з носьбітамі мовы (яны выкладаюць ва ўніверсітэце). Я лічу, што галоўнае ў маёй прафесіі – любоў да дзяцей. Гэта і стала вырашальным фактарам пры выбары прафесіі.
Ляшчук Марына Ігараўна, настаўнік нямецкай і англійскай моў
Установа адукацыі «Баранавіцкі дзяржаўны ўніверсітэт», 2018 г.
