Майстар-клас ад народнага майстра Рэспублікі Беларусь Марыі Кулецкай
У пятніцу вучні пачатковай школы наведалі майстар-клас ад народнага майстра Рэспублікі Беларусь Марыі Кулецкай, а таксама пазнаёміліся з яе працамі.
Адзіны дзень прафілактыкі «Падлетак і закон: вывучаем, ведаем, выконваем!»
Вучні 8-11 класаў сталі ўдзельнікамі прафілактычнай гутаркі “Бяспечныя паводзіны падлетка на дарозе” ў рамках Адзінага дня прафілактыкі “Падлетак і закон: вывучаем, ведаем, выконваем!”. Намеснік дырэктара па выхаваўчай рабоце А.А.Фядотава пазнаёміла прысутных з правіламі бяспечных паводзін падлеткаў на дарозе, засяродзіўшы ўвагу на немагчымасці кіравання транспартнымі сродкамі без дакументаў, якія гэта дазваляюць, а пасля ўсе разам разгледзелі пункты Правілаў дарожнага руху, якія датычацца веласіпедыстаў.
Адзіны дзень ведаў Правілаў дарожнага руху “Катайся на веласіпедзе бяспечна!»
У трэці чацвер месяца ў класах у рамках адзінага дня ведаў Правілаў дарожнага руху прайшлі інфармацыйныя веснікі «Катайся на веласіпедзе бяспечна».
Адзіны дзень інфармавання ў сакавіку «Школа Актыўнага Грамадзяніна» (ШАГ-7)
21 сакавіка старшакласнікі ўжо традыцыйна сабраліся на адзіны дзень інфармавання ў рамках працы Школы Актыўнага Грамадзяніна». Тэма сакавіка «Я — грамадзянін Рэспублікі Беларусь» была прысвечана 25-годдзю Канстытуцыі Рэспублікі Беларусь. Таксама на сустрэчы перад вучнямі выступіла Астудзіна Галіна, якая расказала аб наведванні Музея сучаснай беларускай дзяржаўнасці і аб цырымоніі ўзнагароджання пераможцаў рэспубліканскага конкурса фатаграфій-матыватараў «Я — грамадзянін Рэспублікі Беларусь».
Віншуем і ганарымся!
Сарока Кірыл, вучань 10 класа, у раённым конкурсе «Твая хвіліна славы» заняў ІІІ месца ў намінацыі «Мастацкае слова». Віншуем і жадаем далейшых перамог!
Пазнавальная праграма «Беражыце птушак»
Удзельнікі аб’яднання па інтарэсах «Ясельда» для вучняў 1 — 7 класаў правялі пазнавальную праграму «Беражыце птушак», дзе расказалі пра птушку года — вялікага падворліка, а таксама правязлі ўсіх гледачоў па станцыях горада «Птушкаград».
Прафесія — інжынер-электрамеханік
Вучыўся я ў Беларускім дзяржаўным універсітэце транспарту па спецыяльнасці інжынер-электрамеханік. Спачатку вучыцца было складана, але напрыканцы 2 курса стала лягчэй. Вучоба праляцела настолькі хутка, што прыйшоў час ісці на працу. Працую я брыгадзірам чыгуначнага транспарту і метрапалітэна ў Маторавагонным дэпо Мінск УП «Мінскае аддзяленне Беларускай чыгункі” (дэпо, дзе новыя электрацягнікі Stadler) на ўчастку па рамонту і абслугоўванню абсталявання. На дадзены момант выконваю абавязкі інжынера-тэхнолага. У мае абавязкі ўваходзіць праца з падначаленымі. Іх у мяне 20 чалавек. Таксама – абслугоўванне абсталявання дэпо: станкі, тэхналагічнае абсталяванне і г.д. Як інжынер, я выконваю дагаворную работу па рамонту інструмента і, увогуле займаюся забеспячэннем рамонтных цэхаў усім неабходным для бесперапыннага рамонту электрацягнікоў. Канечне, без 5 гадоў ва ўніверсітэце, працаваць на такой рабоце было б цяжка. Пра ўніверсітэт я хачу сказаць адно: нам, студэнтам, напрацягу ўсіх гадоў навучання дапамагалі ўсвядоміць, што такое чыгунка, як функцыянуе чыгуначная вытворчасць, як рухаецца цягнік па рэльсах, хто і чым у ім кіруе. Пары, лекцыі, практычныя заняткі, семінары, курсавыя праекты… Лёгка было тады, калі ты карыстаўся не толькі літаратурай, але і галавой: думаў, разважаў, прывучаў сябе да дысцыпліны і адказнасці за свае словы і ўчынкі. Для кожнага студэнта менавіта ўстанова адукацыі, у якой ён вучыўся, з’яўляецца самай лепшай. Так і ў маім выпадку. А сесія… А сесія два разы на год!
Васюковіч Дзмітрый Сяргеевіч, інжынер-электрамеханік
Установа адукацыі «Беларускі дзяржаўны ўніверсітэт траспарту», 2018 г.