Акцыя «Упершыню ў свеце! Чалавек у космасе!»
12 красавіка піянеры школы разам з членамі ГА «БРСМ» правялі акцыю «Упершыню ў свеце! Чалавек у космасе!», прысвечанай Сусветнаму дню касманаўтыкі. Кожны ўдзельнік змог пазнаёміцца з інфармацыяй пад кодавай назвай «60», размаляваць сваю ракету або скласці пазл, каб даведацца новыя факты пра першы палёт Юрыя Гагарына ў космас.
Дзень касманаўтыкі. 60 гадоў з дня першага палёту чалавека ў космас
Дзень касманаўтыкі-свята, прымеркаванае да першага ў свеце палёту савецкага чалавека ў космас. 12 красавіка 1961 года быў здзейснены палёт першага чалавека ў космас на арбітальным караблі «Усход». Першым касманаўтам планеты стаў Юрый Гагарын! Спраўдзілася мара-чалавек паляцеў у космас! Звычайны дзень быў перапынены паведамленнем: «Працуюць усе радыёстанцыі Савецкага Саюза! Упершыню ў свеце! Чалавек у космасе!»
Рэспубліканская дабрачынная акцыя «Тыдзень лесу-2021»
У суботу ўдзельнікі экалагічнага аб’яднання па інтарэсах «Ясельда» прынялі ўдзел у рэспубліканскай дабрачыннай акцыі «Тыдзень лесу-2021», якая ў гэтым годзе прысвечана Году народнага адзінства. Хлопчыкі і дзяўчынкі пасадзілі лес на тэрыторыі Бярозаўскага лясніцтва.
Суботні дзень здароўя
Суботы красавіка пачаліся з Дня здароўя. Сёння прайшлі спаборніцтвы па лёгкай атлетыцы, гульнёвая праграма “Мы за здаровы лад жыцця” і гульня па станцыях “Маршруты здароўя”. Таксама вучні школы прынялі ўдзел у раённым легкаатлетычным кросе.
З 5 красавіка па 10 красавіка ў школе праходзіў Тыдзень дзіцячай і юнацкай кнігі
Тыдзень пачаўся з выставы кніг «Жывое слова мудрасці духоўнай». У рамках тыдня ў бібліятэцы на экскурсіі пабывалі першакласнікі. Гульня-віктарына «Успомні аўтара» сабрала вакол сябе кнігалюбаў 6 -7 класаў, а вучні пачатковых класаў наведалі пазнавальную гадзіну «Калі стукае капель». На працягу тыдня працавала акцыя «Падары кнігу бібліятэцы».
Адзіны дзень інфармавання для VIII-IX класаў у красавіку «Школа Актыўнага Грамадзяніна» (ШАГ-8)
8 красавіка для вучняў VIII-XI класаў прайшоў адзіны дзень інфармавання «ШАГ» – «Школа Актыўнага Грамадзяніна» па тэме «Аб духоўных і маральных каштоўнасцях: дыялог пакаленняў». На сустрэчу быў запрошаны настаяцель Свята-Пакроўскай царквы Анатолій Васільевіч Кавальскі.
Агульнашкольная ранішняя гімнастыка ў рамках Сусветнага дня здароўя
7 красавіка ва ўсім свеце адзначаецца Дзень здароўя. Сёння школьны дзень пачаўся з агульнашкольнай ранішняй гімнастыкі. Сусветны дзень здароўя-гэта глабальная кампанія, якая накіравана на прыцягненне ўвагі кожнага жыхара нашай планеты да праблем здароўя і аховы здароўя, з мэтай правядзення сумесных дзеянняў для абароны здароўя і дабрабыту людзей. У жыцці кожнага чалавека самае галоўнае гэта здароўе.