У рамках месячніка па добраўпарадкаванні актывісты ГА «БРПА» прынялі ўдзел у акцыі «Абеліск», якую прысвяцілі 80-годдзю вызвалення Беларусі ад нямецка-фашысцкіх захопнікаў, а таксама хвілінай маўчання ўшанавалі памяць загінуўшых ля помніка ў аг.Харава, аг.Калядзічы і в.Вашчынічы.
У першы дзень канікул навучэнцы наведалі яшчэ і Нясвіжскі замак з наведваннем выставы аб генацыдзе беларускага народа. Нясвіжскі замак — палацава-замкавы комплекс, які знаходзіцца ў паўночна—ўсходняй частцы горада Нясвіжа ў Мінскай вобласці Беларусі, помнік архітэктуры XVI—XVIII стагоддзяў, закладзены князем Радзівілам Сіроткам у 1583 г.Інтэр’еры Нясвіжскага замка ўражваюць сваёй прыгажосцю і раскошай. Вучням вельмі даспадобы прыйшліся бальная, камінная, малая сталовая, гетманская залы і тэатральная залы замка, дзе дамы ў старажытных сукенках сустракалі гасцей.
24 сакавіка, ў першы дзень канікул, навучэнцы Хараўской сярэдняй школы наведалі Мірскі замак з наведваннем выставы аб генацыдзе беларускага народа.
Мірскі замак — абарончае ўмацаванне і рэзідэнцыя ў гарадскім пасёлку Мір Карэліцкага раёна Гродзенскай вобласці Беларусі. Помнік архітэктуры, унесены ў спіс Сусветнай спадчыны ЮНЕСКА. Навучэнцы засталіся пад добрым уражаннем ад убачанага і з задавальненнем хацелі б вярнуцца яшчэ.
22 сакавіка — Дзень памяці ахвяр Хатынскай трагедыі. Штогод праходзяць памятныя мерапрыемствы, накіраваныя на ўвекавечванне памяці мірных грамадзян, якія загінулі ад рук фашыстаў пры знішчэнні населеных пунктаў. Так, у нашай установе адукацыі прайшоў адзіны ўрок, прысвечаны 81 -ай гадавіне трагедыі ў Хатыні.
15 сакавіка 9 вучняў нашай установы адукацыіі атрымалі членскія білеты ГА «БРСМ». Супрацоўнік сельскага выканаўчага камітэта Корсікава Э.К. звярнулася да моладзі са словамі віншавання і ўручыла білеты. Уручэнне членскіх білетаў ажыццявілася ў рамках правядзення мерапрыемства «Да Дня Канстытуцыі Рэспублікі Беларусь», якое праводзілася сумесна з Хараўскім СКБ.
14 сакавіка ў рамках святкавання 80-й гадавіны вызвалення Рэспублікі Беларусь ад нямецка-фашысціх захопнікаў і Перамогі савецкага народа ў Вялікай Айчыннай вайне для вучняў старэйшых класаў быў прадэманстравны фільм «Гаворыць нямая памяць».
1 сакавіка ў мэтах адукацыйнага працэсу, фарміравання ў вучняў павагі да культурна-гістарычнай спадчыны народа, а таксама выхавання патрыятызму і актыўнай грамадзянскай пазіцыі з навучэнцамі 9-11 класаў адбылася цікавая экскурсія ў палац Пуслоўскіх з наведваннем выставы «Генацыд беларускага народа» і музей-сядзібу Тадэвуша Касцюшкі.
Мэтай грамадзянска-патрыятычнага выхавання выступае выхаванне асобы, якая валодае якасцямі грамадзяніна і патрыёта сваёй краіны. І гэта субота не стала выключэннем. Вучні чыталі вершы пра Беларусь, наведалі пазнавальную праграму “Пісьменнікі Беларусі”, прынялі удзел у раенным этапе рэспубліканскага конкурса “Я патрыёт сваёй краіны” у рамках беларуска-расійскага праекта “Цягнік памяці”.
2 сакавіка адбыўся раённы этап рэспубліканскага конкурсу «Я патрыёт сваёй краіны» у рамках беларуска-расійскага праекта «Цягнік Памяці». Нашу ўстанову адукацыі прадставіў Новік Кірыл, навучэнец 10 класа і група падтрымкі: Скобля Максім, Лаўраш Аляксей, Белаш Ганна, Баландзіна Міраслава, Аліферук Арцём. Па выніках трох конкурсаў: Эсэ «Аб той вясне…», партфоліо і візітная картка — Кірыл заняў 3 месца. Віншуем і ганарымся!
29 лютага навучэнцы школы наведалі палац Пуслоўскіх, які многія прывыклі называць Косаўскім замкам, з’яўляецца помнікам архітэктуры XIX стагоддзя, а таксама наведалі выставу аб генацыдзе беларускага народа. Насупраць палаца Пуслоўскіх, на беразе возера знаходзіцца дом-музей знакамітага польскага ваенна-палітычнага дзеяча Тадэвуша Касцюшкі, які таксама з задавальненнем наведалі навучэнцы. Па дарозе дадому зрабілі прыпынак у в. Байкі ля помніка расстраляным фашыстамі ў 1943 годзе.
