У гарадскім парку прайшоў раённы конкурс інсцэніроўкі ваенна-патрыятычнай песні «Памяць у песні жывая: 80-годдзю Вялікай Перамогі прысвячаецца». Навучэнцы нашай школы Новік Кірыл, Кудрэйка Вераніка, Новік Сяргей, Ліштван Лізавета выканалі песню «80 гадоў без вайны» і былі адзначаны журы сертыфікатам за ўдзел.
Урачысты мітынг, прысвечаны 80-годдзю Перамогі, прайшоў 9 мая каля помнікаў загінуўшым аднавяскоўцам ў аг. Харава і аг.Калядзічы. На ім прысутнічалі навучэнцы, педагогі і работнікі Хараўской СШ, жыхары вёскі Харава і Калядічы і сваякі ахвяр генацыду, прадстаўнікі мясцовай улады.
Актывісты ГА «БРПА» і ГА «БРСМ» арганізавалі ля помніка дзяжурства ганаровай варты і падрыхтавалі літаратурна-музычную кампазіцыю, падчас якой гучалі пранікнёныя словы пра вайну і Дзень Перамогі.
Урачысты мітынг, прысвечаны 80-годдзю Перамогі — уклад нашага пакалення ў стварэнні міру, захавання памяці аб гераічным мінулым малой Радзімы і нашай краіны.
Урок Мужнасці, прысвечаны 80-годдзю Перамогі савецкага народа ў Вялікай Айчыннай вайне прайшоў ва ўстанове адукацыі з мэтай паглыблення ведаў навучэнцаў аб гераізме нашых дзедаў і прадзедаў і вырашальным унёску народаў Савецкага Саюза ў перамогу над нацысцкай Германіяй; выхаванне грамадзянскасці і патрыятызму, пачуцця гонару за гераічнае мінулае Радзімы, гатоўнасці служыць на карысць свайго народа; садзейнічанне ўсведамленню вучнямі каштоўнасці міру на Зямлі, неабходнасці захавання гістарычнай памяці.
З мэтай павышэння эфектыўнай дзейнасці аб’яднанняў па інтарэсах ваенна-патрыятычнага профілю і дэманстрацыі іх дасягненняў, удасканалення форм і метадаў навучання і выхавання пры рэалізацыі адукацыйнай праграмы дадатковай адукацыі дзяцей і моладзі ваенна-патрыятычнага профілю, абмену вопытам работы ў дадзеным напрамку 7 мая прайшоў раённы этап рэспубліканскага агляду-конкурсу ваенна-патрыятычных аб’яднанняў ва ўстановах адукацыі Пружанскага раёна.
Лепшым пошукавым аб’яднаннем прызнана аб’яднанне па інтарэсах «Юны армеец» нашай установы адукацыі. Віншуем і ганарымся!
5 мая 2025 года, на тэрыторыі воінскай часці 57314 н.п. Слабудка прайшло раённае метадычнае аб’яднанне кіраўнікоў па ваенна-патрыятычным выхаванні. Мэта — умацаванне сувязей паміж адукацыяй і войскам, абмен педагагічным вопытам.
У цэнтры ўвагі аказаліся пытанні арганізацыі ваенна-патрыятычнага выхавання, турысцка-краязнаўчай работы і іншае. Экскурсію па вузле сувязі правёў ваеннаслужачы Уладзімір Дульчэўскі, падкрэсліўшы, што патрыятызм, любоў да Радзімы і гатоўнасць да яе абароны — важныя якасці кожнага грамадзяніна.
Завяршылася аб’яднанне важнай падзеяй: праглядам і абмеркаваннем дакументальных фільмаў пра генацыд беларускага народа, «Лагеры смерці» і «Спаленыя вёскі», у рамках рэспубліканскай акцыі «Гэта павінен бачыць кожны беларус». Цяжкія кадры, закліканыя не даць забыцца трагічныя старонкі гісторыі.
2 мая для навучэнцаў Хараўской сярэдняй школы была арганізавана адукацыйная экскурсія ў УК «Бярозаўскі гісторыка-краязнаўчы музей. Філіял «Галерэя мастацтваў». Навучэнцы наведалі экспазіцыі па такіх тэмах як «Вайна ў Афганістане», «Ад патэфона да Айфона», а таксама адной з экспазіцый быў «Канцлагер Бяроза-Картузская». Навучэнцам 7 — 8 класаў быў расказаны трагічны лёс людзей, якія адбывалі тут пакаранне.
80 гадоў адлучаюць наш народ ад тых трагічных падзей, калі пачалася Вялікая Айчынная вайна. Менавіта таму 30 красавіка напярэдадні Вялікай Перамогі, вучні ДУА «Хараўская сярэдняя школа» вырашылі здзейсніць паездку ў адзін з самых знакавых аб’ектаў Беларусі — ДУ «Мемарыяльны комплекс «Брэсцкая крэпасць-герой». Вучні 9-11 класаў наведалі экспазіцыю «Музей вайны — тэрыторыя міра». А таксама навучэнцы наведалі гістарычную экспазіцыю «Летапіс Брэсцкай крэпасці», якая размяшчаецца ў Паўднёва-ўсходняй казарме Цытадэлі і раскрывае старонкі мінулага і сучаснасць крэпасці. На фоне гістарычных падзей прадстаўлены вобразы людзей, якія адыгралі пэўную ролю ў гісторыі Брэсцкай крэпасці.
2 мая навучэнцы 7 — 8 класаў наведалі памятны знак на месцы масавых пакаранняў насельніцтва ў 1942 годзе ва урочышчы Бронная Гара. Урочышча Бронная Гара — месца масавага знішчэння савецкіх людзей.
У канцы лістапада 1942 г. нямецкімі акупацыйнымі ўладамі было знішчана больш за 50 тысяч мірнага насельніцтва, у пераважнай большасці яўрэяў.
7 ліпеня 1994 года на Броннай Гары адкрыты помнік ахвярам фашызму.
7 чэрвеня 2007 года на пастаменце помніка ўстаноўлена мемарыяльная дошка з надпісам на чатырох мовах — беларускай, англійскай, іўрыце і ідышы аб тым, што помнік устаноўлены ў памяць аб ахвярах нацызму.
У 2021 годзе месцу масавага знішчэння прысвоены статус гісторыка-мемаральнага месца пахавання.
30 красавіка прайшла раённая спартыўна-патрыятычная гульня «Зарніца-2025», прысвечаная 80-годдзю Вялікай Перамогі на базе ДУДА «Цэнтр дзіцяча-юнацкага турызму і краязнаўства Пружанскага раёна» ў аг.Руднікі.
Брацкаю магілу ў аг.Чарнаўчыцы наведалі навучэнцы нашай школы. У цэнтры вёскі стаіць манумент — скульптурная фігура смуткуючай маці на пастаменце. Пліта з чорнага мармуру з прозвішчамі 507 пахаваных. Побач шэсць стэл з імёнамі воінаў-землякоў, якія загінулі на фронце. Устаноўлены ў 1994 годзе.
Мы ніколі не забудзем тых, хто аддаў сваё жыццё, каб вызваліць нашу Радзіму ад нямецка-фашысцкіх захопнікаў.