5 мая вучні 9 класа прынялі ўдзел у гадзіне памяці «Каханне і подзвіг», прысвечанай героям Вялікай Айчыннай вайны, у тым ліку Зінаідзе Тусналобавай і Іосіфу Марчанку. Старшакласнікі даведаліся пра лёсы Зінаіды і Іосіфа, пра выпрабаванні, якія ім падрыхтавала вайна. Завочная сустрэча з героямі Вялікай Айчыннай вайны дапамагла старшакласнікам задумацца над шматлікімі маральнымі паняццямі, над пачуццямі. І яшчэ раз усвядоміць, што мір-самае галоўнае на зямлі.
З 30 красавіка па 4 мая члены ГА «БРСМ» прынялі ўдзел у традыцыйнай акцыі «Абеліск», прысвечанай 77-годдзю Вялікай Перамогі. Старашкласнікі ачысцілі тэрыторыю помнікаў ад апалага лісця і галінак, сабралі смецце, высадзілі кветкі. Дзякуючы дружнай і зладжанай працы наведзены парадак. Добраўпарадкаванне помнікаў, воінскіх пахаванняў — гэта даніна мужнасці і стойкасці пакаленням, якія прайшлі вайну. Гэта клопат пра будучыню нашага горада, маладое пакаленне павінна ведаць гісторыю і шанаваць памяць продкаў, памятаць, якой цаной дасягнута Перамога.
Па рашэнні Арганізацыі Аб’яднаных Нацый 11 красавіка ва ўсім свеце адзначаецца Міжнародны дзень вызвалення вязняў фашысцкіх канцлагераў. Ён усталяваны ў памяць аб інтэрнацыянальным паўстанні ў Бухенвальдзе. 11 красавіка ў класах прайшлі гадзіны Памяці. Вучні пазнаёміліся з трагічнымі лёсамі вязняў канцлагераў, здзейснілі віртуальныя падарожжа па помніках, якія ўсталяваны на месцы канцлагераў у Рэспубліцы Беларусь, і яшчэ раз успомнілі пра трагічнае мінулае Беларусі ў гады Вялікай Айчыннай вайны.
У суботу вучні 6-11 класаў наведалі з экскурсійнай праграмай Косаўскі палаца-паркавы комплекс. Яны пазнаёміліся з палацам Пуслоўскіх, які складаецца з некалькіх частак: цэнтральнага корпуса ў два паверхі, а таксама двух крылаў, якія прымыкаюць збоку, а таксама здзейснілі цікавае падарожжа па тэрыторыі комплексу.
Аўторак 22 сакавіка ў школе пачаўся з адзінага ўрока «Аб чым звоняць званы Хатыні» ў рамках патрыятычнай акцыі «Памяці Хатыні». Менавіта ў гэты дзень 79 гадоў назад беларуская вёска Хатынь была сцёртая з твару зямлі. Разам з вёскай былі спалены або расстраляны 149 чалавек, з іх 75 дзяцей ва ўзросце да 16 гадоў. І Хатынь не адна такая… але менавіта яна стала сімвалам найвялікшай нацыянальнай трагедыі і вечнай смутку.
У шосты школьны дзень старшакласнікі наведалі выставы «Генацыд на Пружаншчыне: па матэрыялах даследавання» і «Дзіцячы погляд з вечнасці», якія знаходзяцца ў музеі «Пружанскі палацык». Выставы прымеркаваныя да Года гістарычнай памяці і паказваюць работу па даследаванні фактаў генацыду насельніцтва Беларусі у гады Вялікай Айчыннай вайны.
Пружанскі раённы савет ГА «БРПА» па ініцыятыве «Гарадскога дзіцячага парламента» ў Дзень Канстытуцыі Рэспублікі Беларусь запусціў тэтрыс-чэлендж з мэтай — паказаць у наборы простых рэчаў дзяржаўныя сімвалы як неад’емны атрыбут суверэнітэту нашай краіны. Піянеры школы сумесна з членамі ГА «БРСМ» таксама далучыліся да дадзенай акцыі.
Вучні школы прынялі ўдзел у раённым этапе абласнога адкрытага конкурсу “Боль маёй душы – Афганістан» і у раённым этапе рэспубліканскага конкурсу “У кожнага часу свае героі”. 15 лютага прайшлі інфармацыйныя гадзіны “Рэха вайны ў Афганістане”. Таксама вучні наведалі выставу “Героі Афганскай вайны”. Завяршылась дэкада наведваннем музея вайны ў Афганістане, які знаходзіцца пры Палацы культуры г.Пружаны.
З 14 па 19 лютага ў школе прайшлі мерапрыемствы ў рамках Тыдня грамадзянскасці і патрыятызму. Фарміраванню ў навучэнцаў грамадзянскасці, патрыятызму, любові і павагі да сваёй Айчыны, актыўнай жыццёвай пазіцыі, захаванню гістарычнай памяці і спадчыны малой радзімы спрыялі круглы стол “Подзвіг беларускіх партызан” з наведваннем інтэрнэтпартала “Партызаны Беларусі” для вучняў 8 — 11 класаў, завочнае падарожжа “Мінск – наша сталіца” для вучняў пачатковых класаў, інтэлектуальная гульня “Я ведаю Беларусь”, у якой прынялі ўдзел вучні 5 — 7 класаў. На працягу тыдня працавала выстава «Мой родны кут, як ты мне мілы». Завяршыўся тыдзень шостым школьным Днём гістарычнай памяці.
8 лютага — Дзень памяці ўсіх дзяцей, якія змагаліся за мір не толькі ў мірны час, але і ў гады Вялікай Айчыннай вайны. Юныя героі-антыфашысты такія ж самыя дзеці. Яны змагаліся за тое, каб мір быў ва ўсім свеце. Вялікая Айчынная вайна стала цяжкім выпрабаваннем для савецкіх людзей. Яна прайшла праз лёсы многіх сем’яў, дакрануўшыся да кожнага — ад самага маленькага да самага вялікага. Сёння піянеры школы запрасілі акцябрат на вусны часопіс «Юныя героі вялікай вайны». Піянеры расказалі аб юных героях-антыфашыстах, іх нялёгкіх лёсах і адважных учынках.