Праект «Цімураўцы.by». Лістапад. Медыцынскае цімураўства
У лістападзе ўдзельнікі рэспубліканскага піянерскага праекта «Цімураўцы.by» паспрабавалі сабе ў ролі «медыкаў». Спачатку дружная каманда акцябрат, піянераў і членаў ГА «БРСМ» распрацавала «Лістоўкі здароўя», падрыхтавалі стэнд «Будзь здаровы разам з БРПА!» і выступіла ў класах з хвілінкамі здароўя, яшчэ раз нагадаўшы вучням школы пра правілы здаровага ладу жыцця. А пасля запрасіла ўсіх на «Народную зарадку» ад ГА «БРСМ». Дзякуючы заданням лістапада цяпер удзельнікі праекта ведаюць, што такое медыцынскае цімураўства, і могуць працаваць далей у дадзеным накірунку, таму што здаровым важна быць заўсёды!
З 14 лістапада па 19 лістапада ў школе праходзіў Тыдзень барацьбы з курэннем
Тыдзень пачаўся з дыскусійнай пляцоўкі для старшакласнікаў “Курэнне – фактар рызыкі”. Для вучняў пачатковых класаў прайшла гадзіна зносін “Не пачынайце курыць!”. Вучні 5 — 8 класаў наведалі пазнавальную праграму “Курыць – здароўю шкодзіць”. 17 лістапада, у Сусветны дзень адмовы ад курэння вучні 6 — 11 класаў наведалі кіналекторый «Здаровы ты — здаровая нацыя». На працягу тыдны прайшлі тэматычныя класныя і інфармацыйныя гадзіны, а таксама выстава літаратуры “За свет без тытунёвага дыму”.
Суботні дзень прапаганды здаровага ладу жыцця
Першая субота ІІ чвэрці прайшла насычана і цікава. У суботні дзень здароўя вучні пачатковых класаў наведалі мультурок “Здароўе на градцы”, а а таксама гадзіну зносін “Каб быць здаровым” і спартландыю. Вучні 5 — 8 класаў прынялі ўдзел у пазнавальнае праграме “Дзе жыве здароўе?” і конкурсе малюнкаў “Які цудоўны гэты свет”. Таксама сёння каманда вучняў 7 класа прыняла ўдзел у квэсце “Калі мы адзіныя – мы непераможныя”, які прайшоў у рамках работы занальных цэнтраў у Кляпацкай сярэдняй школе. Старшакласнікі працягваюць актыўную падрыхтоўку да выпускных экзаменаў.
Віншуем і ганарымся!
7-8 кастрычніка на гарадскім стадыёне праходзілі раённыя спаборніцтвы па восеньскім першынстве раёна па лёгкай атлетыцы ў праграме раённай спартакіяды школьнікаў. Каманда школы ў складзе Мелеш Валерыі, 6 клас; Ліштван Лізаветы і Крывашэевай Наталлі, 7 клас; Саўчука Яўгенія і Салагуб Алены, 8 клас; Марчыка Мікіты і Ліпіч Анастасіі, 9 клас, кіраўнік Карнялюк В.М. паказалі добры вынік і вярнуліся з пяццю дыпломамі: Марчык Мікіта — дыплом за ІІІ месца ў бегу на 400 м.; Крывашэева Наталля — дыплом за ІІ месца ў бегу на 100 м. і дыплом за ІІІ месца ў бегу на 3000 м.; Салагуб Алена — дыплом за ІІІ месца ў бегу на 100 м.; Саўчук Яўгеній — дыплом за ІІ месца ў бегу на 800 м.
Віншуем нашых спартсменаў і жадаем далейшых перамог!
Суботні дзень прапаганды здаровага ладу жыцця
8 кастрычніка ў школе прайшлі мерапрыемствы, галоўнай мэтай якіх стала прапаганда здаровага ладу жыцця. Хлопчыкі і дзяўчынкі наведалі мультурок “Таямніцы здароўя”, выставу кніг і часопісаў “Пра здароў на старонках кніг”, гадзіну зносін «Правільнае харчаванне – заклад здароўя» і інш.