Суботнім днём барацьбы са шкоднымі звычкамі, а менавіта спартландыяй «Мы шкодным звычкам скажам: “Не!” і адкрытым мікрафонам “Жыццё без тытуню, алкаголю, наркотыкаў. Пагаворым пра перавагі” завяршыўся тэматычны школьны тыдзень барацьбы з курэннем.
19 лістапада 2020 года — Сусветны дзень некурэння і прафілактыкі анкалагічны захворванняў. Штогадова ў трэці чацвер лістапада ў шэрагу заходніх краін свету адзначаецца Дзень адмовы ад курэння (No Smoking Day). Ён быў усталяваны Амерыканскім анкалагічным таварыствам (American Cancer Society) у 1977 годзе. Па дадзеных Сусветнай арганізацыі аховы здароўя: у свеце 90% смерцяў ад раку лёгкіх, 75% — ад хранічнага бранхіту і 25% — ад ішэмічнай хваробы сэрца абумоўлены курэннем; кожныя дзесяць секунд на планеце памірае адзін заўзяты курэц (і гэты ўзровень з кожным годам павышаецца).
Другая субота месяца ў школе традыцыйна прысвечана здароваму ладу жыцця. Сёння вучні пачатковых класаў наведалі гадзіну зносін “Што такое здароўе?” і пазнаёміліся падчас мультурока з рознымі відамі спорту. Старэйшыя прынялі ўдзел у квэсце «Здароўе — выбар маладых».
Гісторыя №3 была прысвечана спорту і здароўю. Менавіта сёння прайшлі Малыя алімпійскія гульні, а таксама алімпійскія ўрокі. Чэмпіянат па разгадванні рэбусаў «Здароўе ў малюнках» завяршыў гісторыю №3.
У суботні дзень здароўя ў кастрычніку прайшлі спаборніцтвы па лёгкай атлетыцы. Конкурс малюнкаў “Здароўе на талерцы” паказаў, якія вітаміны любяць вучні.
