З мэтай развіцця ў дзяцей пачуцця асабістай адказнасці за сваё здароўе, фарміравання культуры здаровага ладу жыцця, выхавання негатыўнага стаўлення да шкодных звычак ва ўстанове адукацыі з 6 верасня па 11 верасня прайшоў Тыдзень спорту і здароўя. У рамках тыдня прайшоў круглы стол з удзелам трэнера па хакеі Клімаўца Дзмітрыя Ігаравіча. Падчас сустрэчы вучні пазнаёміліся з формай хакеіста, даведаліся больш пра сам хакей, а таксама ўзялі аўтографы.

Для вучняў пачатковай школы прайшоў конкурс малюнкаў «Мая Беларусь», старэйшыя сустрэліся на віктарыне “Сцяжынкамі роднага краю”. На працягу тыдня працавала інтэрактыўная выстава «Вядомыя месцы нашай краіны, якія абавязкова неабходна наведаць». Усе жадаючыя маглі наведаць кніжкую выставу  “Любі і ведай свой край”. Завяршыўся тыдзень майстар-класам «Юныя турысты».