Віншуем і ганарымся!
7-8 кастрычніка на гарадскім стадыёне праходзілі раённыя спаборніцтвы па восеньскім першынстве раёна па лёгкай атлетыцы ў праграме раённай спартакіяды школьнікаў. Каманда школы ў складзе Мелеш Валерыі, 6 клас; Ліштван Лізаветы і Крывашэевай Наталлі, 7 клас; Саўчука Яўгенія і Салагуб Алены, 8 клас; Марчыка Мікіты і Ліпіч Анастасіі, 9 клас, кіраўнік Карнялюк В.М. паказалі добры вынік і вярнуліся з пяццю дыпломамі: Марчык Мікіта — дыплом за ІІІ месца ў бегу на 400 м.; Крывашэева Наталля — дыплом за ІІ месца ў бегу на 100 м. і дыплом за ІІІ месца ў бегу на 3000 м.; Салагуб Алена — дыплом за ІІІ месца ў бегу на 100 м.; Саўчук Яўгеній — дыплом за ІІ месца ў бегу на 800 м.
Віншуем нашых спартсменаў і жадаем далейшых перамог!
8 кастрычніка ў школе прайшлі мерапрыемствы, галоўнай мэтай якіх стала прапаганда здаровага ладу жыцця. Хлопчыкі і дзяўчынкі наведалі мультурок “Таямніцы здароўя”, выставу кніг і часопісаў “Пра здароў на старонках кніг”, гадзіну зносін «Правільнае харчаванне – заклад здароўя» і інш.
Цэнтральным мерапрыемствам дня стала спартыўнае свята «Тата, мама, я — спартыўная сям’я». На старт выйшлі вучань 1 класа Халецкі Назар з мамай Аленай, вучань 1 класа Гарбар Максім з мамай Анастасіяй, вучаніца 2 класа Ігнацьева Валерыя з мамай Марынай, вучань 2 класа Новік Савелій з татам Віталіем, вучань 4 класа Рогаў Кірыл з мамай Любоўю, вучань 4 класа Кадука Арцём з татам Аляксандрам. Кожная сям’я атрымала дыплом у асобнай намінацыі, а агульную перамогу святкавалі спорт і сяброўства. Дзякуй арганізатарам за цікавыя конкурсы, удзельнікам за яскравыя моманты і кожнаму прысутнаму за атмасферу. 
У рамках акцыі прайшлі агульнашкольная ранішняя гімнастыка для ўсіх вучняў шолы. Вучні пачатковых класаў прынялі ўдзел у конкурсе малюнкаў “У гасцях у Вітамінкі” і спартыўных эстафетах “Да здароўя – напергонкі”. Старэйшыя класы праглядвалі і абмеркоўвалі відэаролікі “Бяспечныя паводзіны ў Інтэрнэце”, а таксама наведалі інфармацыйны веснік “Прафілактыка ўжывання наркатычных сродкаў і псіхатропных рэчываў, алкаголю, тытунёвай і нетытунёвай прадукцыі”. На занятках па асновах бяспекі жыццядзейнасці прайшлі майстар-класы “Як зберагчы сябе ад траўмы”.
У рамках тыдня прайшлі спартыўныя спаборніцтвы па піянерболу паміж 5 — 7 класамі, конкурс малюнкаў “Мой любімы від спорту” паміжвучнямі пачатковай школы, а старшакласнікі наведалі алімпійскі ўрок “Беларусы на Алімпійскіх гульнях”. На працягу тыдня працавала выстава, дзе можна было больш падрабязна пазнаёміцца з відамі спорту, а таксама пачытаць парады да здаровага ладу жыцця.
Вучні пачатковых класаў прынялі ўдзел у гадзіне зносін “Навошта чалавеку вітаміны?”, старэйшыя класы змагаліся ў квэсце “Падарожжа па краіне Здароўя”. Таксама жадаючыя прынялі ўдзел у майстар-класе “Як захаваць сваю асанку правільнай” і спартыўных спаборніцтвах па лёгкай атлетыцы. У рамках сусветнага дня прадухілення самагубстваў для вучняў 9 — 11 класаў прайшоў адкрыты мікрафон “Чалавеку даецца жыццё на добрыя справы”.