Рэспубліканская дабрачынная акцыя «Тыдзень лесу-2021»
У суботу ўдзельнікі экалагічнага аб’яднання па інтарэсах «Ясельда» прынялі ўдзел у рэспубліканскай дабрачыннай акцыі «Тыдзень лесу-2021», якая ў гэтым годзе прысвечана Году народнага адзінства. Хлопчыкі і дзяўчынкі пасадзілі лес на тэрыторыі Бярозаўскага лясніцтва.
Суботні дзень здароўя
Суботы красавіка пачаліся з Дня здароўя. Сёння прайшлі спаборніцтвы па лёгкай атлетыцы, гульнёвая праграма “Мы за здаровы лад жыцця” і гульня па станцыях “Маршруты здароўя”. Таксама вучні школы прынялі ўдзел у раённым легкаатлетычным кросе.
Суботні дзень бяспечных паводзін
У апошнюю суботу ІІІ чвэрці каманда акцябрат школы «Дзьмухаўцы» прыняла ўдзел у раённым этапе ІІ рэспубліканскага конкурса членаў ГА «БРПА» «Суперзорачка». «Дзьмухаўцы» добра выступілі ў конкурсе «IQ-пракачка», дзе паспелі скласці ўсе неабходныя словы. Конкурс абароны КТД «Талент» і дамашняе заданне праходзілі на сцэне. Па выніках усёй праграмы каманда «Дзьмухаўцы» заняла І месца! Таксама сёння вучні школы наведалі з экскурсійнай праграмай музей-сядзібу «Пружанскі палацык».
Суботні дзень прафесій
Субота 20 сакавіка завяршыла Тыдзень прафесій. Спачатку вучні пачатковых класаў наведалі лабараторыю ведаў “Займальна пра прафесіі”, старшакласнікі размаўлялі пра прафесіі, якія патрэбны нашаму гораду, а пасля ўсе разам сустрэліся на парадзе прафесій «Мая будучая прафесія».
Суботні дзень здароўя
Другая субота сакавіка прайшла пад дэвізам «У здаровым целе — здаровы дух». Сёння вучні прынялі ўдзел у спартландыі “Здаровым быць модна!” і майстар-класе “Як захаваць сваю асанку правільнай”, а на круглых сталах абмеркавалі праблемы шкодных звычак і актуальнасць здаровага ладу жыцця.
