Суботні дзень бяспечных паводзін
18 снежня вучні школы адправіліся ў падарожжа па краіне бяпсечных паводзін. Спачатку прайшла гадзіна зносін “Асцярожна! Выхад на лёд забаронены”, а затым развіваючая гульня “Твае сябры – дарожныя знакі” і конкурс малюнкаў “Маё бяспечнае дзяцінства”. Таксама сёння ў рамках Тыдня прафарыентацыі прайшла экскурсія «Людзі розных прафесій:бібліятэкар, прадавец» і пазнавальная праграма “У свеце прафесій”.
Суботні дзень правоў чалавека
11 снежня прайшлі мерапрыемствы ў рамках Тыдня прававых ведаў. Вучні пачатковых класаў прынялі ўдзел у гульні-віктарыне «Мае правы», а вучні 5- 8 класаў падарожнічалі па дзіцячым прававым сайце mir.pravo.by. Усе жадаючыя маглі прыняць удзел у конкурсе малюнкаў «Я і мае правы» і спартыўных гульнях.
Cуботні дзень здароўя
Сёння для вучняў прайшлі конкурс малюнкаў “Наркотыкі не мой выбар”, спартландыя «За здаровы лад жыцця», а таксама мультурок “Як зберагчы сваё здароўе”.
Суботні дзень барацьбы са шкоднымі звычкамі
27 лістапада ў школе прайшоў суботні дзень барацьбы са шкоднымі звычкамі. Вучні пачатковай школы адкрывалі сакрэты здаровага ладу жыцця падчас мультурока, а таксама прынялі ўдзел у конкурсе малюнкаў “Скажы шкодным звычкам “НЕ!”. Вучні 5 — 8 класаў сталі ўдзельнікамі ток-шоу «Не спрабаваць – не пачынаць!”. У рамках акцыі «Дэкада кібербяспекі» прашлі кіналекторыі «Як не стаць ахвярай кіберзлачынцаў”. Для ўсіх жадаючых прайшоў чэмпіянат па разгадванню крыжаванак “Маё здароўе ў маіх руках” .
Суботні дзень малой радзімы
20 лістапада вучні школы наведалі Дзень малой радзімы. Для 5-8 класаў прайшла пазнавальная праграма “Загадкі Пружанскай зямлі”, кіналекторый “Пружанскі край з вышыні палёту птушак”. Вучні пачатковых класаў чыталі вершы, малявалі малюнкі пра малую радзіму, пра Беларусь. Таксама прайшлі спаборніцтвы па піянерболу. Старашакласнікі тым часам плённа працавалі на факультатывах. А каманда школы «Дзьмухаўцы» працавала над заданнямі лістапада для праекта «Палескія рабінзоны».