Суботні дзень юных інтэлектуалаў
Субота 30 красавіка была прысвечана інтэлектуальным гульням. У гэты дзень прайшлі віктарына “Веру ці не веру”, інтэлектуальная гульня “Што? Дзе? Калі?”, інтэлектуальная гульня “Свая гульня”, чэмпіянат па настольных гульнях, мультурок “Што? Для чаго? Навошта?”. Таксама сёння Давідзенка Вадзім, Яблонскі Раман і Дзяцук Андрэй вярнуліся з граматамі з першынства раёна па лёгкай атлетыцы.
Суботні дзень прафесій
23 красавіка вучні сустрэліся на дне прафесій. У рамках шостага школьнага дня прайшлі гадзіна загадак і крыжаванак “Усе прафесіі важныя”, пазнавальная праграма “Я і свет прафесій”. Таксама сёння вучні школы прынялі ўдзел у раённых спаборніцтвах па плаванні.
Экскурсія ў Косаўскі палаца-паркавы комплекс
У суботу вучні 6-11 класаў наведалі з экскурсійнай праграмай Косаўскі палаца-паркавы комплекс. Яны пазнаёміліся з палацам Пуслоўскіх, які складаецца з некалькіх частак: цэнтральнага корпуса ў два паверхі, а таксама двух крылаў, якія прымыкаюць збоку, а таксама здзейснілі цікавае падарожжа па тэрыторыі комплексу.
Суботні дзень здароўя
9 красавіка ў школе прайшоў Дзень здароўя. Вучні пачатковых класаў прынялі ўдзел у майстар-класе «Правільная асанка — залог здароўя», пазнавальнай праграме “У краіне здароўя”, вучні 5 — 8 класаў сустрэліся на дыскусіі “Здаровы лад жыцця – мода або неабходнасць?”, віктарыне “Я і маё здароўе”. Для ўсіх жадаючых прайшла спартландыя «Вясёлы мяч». Таксама сёння спартыўная каманда школы прыняла ўдзел у вясновым першынстве раёна па лёгкаатлетычным кросе, а творчая каманда — у раённым этапе конкурсу «Хвіліна славы».
