29 кастрычніка ў шосты школьны дзень удзельнікі праекта «Цімураўцы.by» (цімураўскі атрад «Аліна і яе каманда») падрыхтавалі і правялі для хлопчыкаў і дзяўчынак 5-6 класаў настольную гульню» ЭкаЛэнд», а таксама расказалі пра праект і паказалі прэзентацыю атрада.
Для старшакласнікаў у 2022/2023 навучальным годзе арганізавана аб’яднанне па інтарэсах «Я-лідар. Хлопчыкі і дзяўчынкі развіваюць свае лідарскія ўменні і здольнасці, практыкуюцца рабоце ў камандзе і дапамагаюць у арганізацыі і правядзенні школьных мерапрыемтсваў.
У апошнюю суботу чвэрці традыцыйна прайшлі мерапрыемствы, накіраваныя на прафілактыку бяспечных паводзін падчас восеньскіх канікул. Вучні пачатковых класаў наведалі мультрок “Чароўная кніга МНС”, пазнавальную праграму “Я адзін дома”. Для вучняў 5 — 8 класаў прайшлі квэст “Маршрутамі бяспекі” і конкурс малюнкаў “Бяспека вачамі дзяцей”. А затым усё разам сустрэліся на спартыўнай шкаліядзе. Таксама сёння намеснік старшыні Савета дружыны Казачэнка Яна наведала раённую школу піянерскага актыву.
У трэцюю суботу месяца піянеры і іх мамы сустрэліся на ітэлектульна-забаўляльнай гульні «Квіз для дзяцей і іх бацькоў». У цікавай і вясёлай барацьбе перамогу святкала каманда «Матылькі» ў складзе Івана Усіка і маці Наталлі Аляксандраўны, Данііла Чуева і маці Святланы Мікалаеўны, Ільі Ігнацьева і маці Марыны Мікалаеўны. Другое месца заняла каманда «Лісточкі» ў складзе Матвея Андрусевіча і маці Таццяны Яўгеньеўны і Сяргея Новіка і маці Кацярыны Іванаўны. Таксама сёння школьная каманда старшакласнікаў «Ой, да ладно» прыняла ўдзел у раённым чэмпіянаце абласнога сінхроннага этапу па гульні “Што? Дзе? Калі?”, а вучні пачатковых класаў наведалі творчую майстэрню ў Палацы Культуры г.Пружаны.
Услед за акцябратамі школы «Па слядах Перамогі» пайшлі піянеры. У суботу 22 кастрычніка піянерскія атрады адправіліся ў падарожжа па кропках квэсту. Чат-боты (актывісты ГА «БРСМ) не паспявалі адпраўляць капітанам заданні новай кропкі і падказкі пазлаў, так хутка піянеры выйшлі на дарогу да Перамогі. У выніку на 3 месцы аказалаўся піянерскі атрад «Сузор’е» (5 клас), на другім месцы — піянерскі атрад «Камета» (8 клас), першае месца раздзялілі атрады «Нон-стоп» (6 клас) і «Юнацтва» (7 клас). Зборная дадзеных атрадаў прадставіць піянерскую дружыну школы на раённым этапе квэсту.
15 кастрычніка Губарык Маргарыта, вучаніца 5 класа, прыняла ўдзел у мерапрыемстве, прысвечаным узнагароджанню пераможцаў раённага этапу конкурсу «Выратавальнікі вачамі дзяцей», якое прайшло ў Цэнтры творчасці дзяцей і моладзі г.Пружаны.
Члены Савета старшакдаснікаў школы прынялі ўдзел у рэспубліканскай дабраахвотнай акцыі «Аднавім лясы разам» і наведалі Бярозаўскае лясніцтва, дзе з ахвотай папрацавалі.
15 кастрычніка вучні школы наведалі мерапрыемствы па прафесійнай арыентацыі, дзе кожны мог паспрабаваць на сабе розныя прафесіі, і магчыма, зрабіць вынік для свайго будучага прафесійнага жыцця.
