У шосты школьны дзень старшакласнікі наведалі выставы «Генацыд на Пружаншчыне: па матэрыялах даследавання» і «Дзіцячы погляд з вечнасці», якія знаходзяцца ў музеі «Пружанскі палацык». Выставы прымеркаваныя да Года гістарычнай памяці і паказваюць работу па даследаванні фактаў генацыду насельніцтва Беларусі у гады Вялікай Айчыннай вайны.
21 сакавіка ва ўсім свеце адзначаецца Міжнародны дзень лясоў, таму субота 19 сакавіка набыла экалагічную тэматыку і пачалася з экалагічнага ўрока “З тысячы планет за Зямлю выдатнейшай няма”. Таксама сёння прайшоў круглы стол «Людзі і смецце – хто каго?» і конкурс малюнкаў “Зямля – наша чыстая планета”. Удзельнікі аб’яднання па інтарэсах «Ясельда» правялі акцыю «Чысты лес». Кавальская Таццяна і Ліпіч Вераніка (кіраўнік Баран Іна Фёдараўна) прынялі ўдзел у VIII раённым фестывалі фальклорнага мастацтва «Радавод» у намінацыі «Бабуліна кухня».
Дзень здароўя у сакавіку, нягледзячы на марознае надвор’е, прайшоў па-вясенняму цёпла. Спачатку вучняў чакала спартландыя, а затым прагулка «100 крокаў здароўя». Усе жадаючыя змаглі зрабіць паштоўку на 8 сакавіка, наведаўшы творчую майстэрню “Паштоўка на 8 сакавіка”.
Сёння хлопчыкі і дзяўчынкі наведалі дзіцячы прававы сайт mir.pravo.by, дзе змаглі не толькі павысіць свой узровень прававых ведаў, але і пагуляць у цікавыя і карысныя гульні. Таксама сёння прайшлі спаборніцтвы па піянерболу. Вучняў 5-8 класаў чакаў круглы стол “Што трэба ведаць падлетку аб дзяржаве і праве”, а малодшыя школьнікі займаліся на майстар-класе “Бяспека ў сацыяльных сетках”. Усе жадаючыя здзейснілі прававы экскурс па інфармацынйм стэндзе «Вугалок прававых ведаў».
У апошнюю суботу лютага вучні наведалі Дзень абаронцаў Айчыны. Вучняў чакалі бібліятэчны ўрок “Наша беларуская армія”, выпуск газеты “Беларуская армія сёння”, прагляд і абмеркаванне мастацкага фільма “Негульня”.
19 лютага Скобля Аліна прыняла ўдзел у раённым этапе конкурса «Піянер-года». Конкурс уключаў у сабе чатыры этапы: візітка «Лідар будучыні», «TikTok-партфоліа», «IQ-прэзентацыя» і «Талент». Аліну на конкурсе падтрымлівалі Чарэшка Аляксандра, Губарык Маргарыта, Ліштван Лізавета, Губарык Ганна і Жур Ангеліна. З конкурсу дзяўчынкі вярнуліся з перамогай, а значыць лепшы піянер года знаходзіцца ў Хараўской сярэдняй школе і гэта — Скобля Аліна. Віншуем Аліну, яе групу падтрымкі і жадаем поспехаў на абласным этапе.
