Суботні дзень узаемадзеяння з сям’ёй
25 лютага акцябраты разам з мамамі сустрэліся на спартыўным свяце «Мама і я — спартыўная сям’я». Гэта стала адным з заданняў лютага ў рэспубліканскім праекце «Тэрыторыя дзяцінства» ГА «БРПА». Таксама сёння прайшла пазнавальная праграма “Традыцыі сям’і – традыцыі краіны” і гадзіна сумесных чытанняў “Сямейныя гісторыі”.
Суботні дзень працоўнага выхавання і прафесійнай арыентацыі
Трэцяя субота месяца запрасіла вучняў па тэматычныя прафарыентацыйныя мерапрымествы. Сёння для вучняў пачатковай школы прайшлі конкурс малюнкаў “Мая будучая прафесія”, чэмпіянат па разгадванні загадак “Адгадай прафесію”, а старэйшыя класы наведалі адкрыты мікрафон “Мае бацькі працуюць…” і змаглі прайсці анлайн прафарыентацыйныя тэсты.
Суботні дзень здароўя
11 лютага мерапрыемствы ў школе былі прысвечаны здароваму ладу жыцця. Прайшлі гульня па станцыях “Дзеці.Спорт.Здароўе”, віктарына “Здароўе ад А да Я”, прагулка “Краявіды маёй мясцовасці”.
Вечар сустрэчы з выпускнікамі
4 лютага школа сустракала сваіх выускнікоў у горадзе Дзяцінства. Пасля слоў мэра горада і па сумяшчальніцтву дырэктара школы Сідарук Ніны Міхайлаўны ўсе прысутныя адправіліся ў падарожжа па вуліцах і праспектах горада Дзяцінства. Выпускнікі добра справіліся з выпрабаваннямі, а вучні школы падарылі ім свае творчыя нумары. Прыемнай нечаканасцю стаў танцавальны батл «Вучні супраць настаўнікаў», дзе перамогу святкавала дружба. Завяршыўся вечар словамі фінальнай песні «Школа заўсёды чакае цябе…».
Перамога ў раённым этапе конкурсу «Я — патрыёт сваёй краіны»
Рэспубліканскі конкурс праводзіцца з мэтай вызначэння ўдзельнікаў беларуска-расійскага праекта «Цягнік Памяці – 2023», а таксама выяўлення і распаўсюджвання вопыту паспяховай працы лідэраў, фарміравання ў грамадскай і індывідуальнай свядомасці пазітыўнага вобразу юнага лідэра. На раённым этапе конкурсу школу прадстаўляў Лаўраш Аляксей, вучань 10 класа. Конкурс складаўся з чатырох тураў: «Візітная картка», творчы конкурс «Я магу», конкурс відэаматэрыялаў » Мая краіна» і конкурс эсэ «Аб той вясне…». Па выніках усёй праграмы Аляксей стаў лепшым і прадставіць Пружанскі раён на абластным этапе конкурсу.