З 14 па 18 сакавіка для вучняў V-VII класаў прайшла экалагічная гульня «Кліч беларускага лесу» ў рамках работы Школы Актыўнага Грамадзяніна. Актыўны грамадзянін усведамляе каштоўнасць і ўразлівасць прыроды, імкнецца да яе захавання і абароны. Вучні выпрацавалі законы экалогіі, паразважалі над тым, як кожны з іх можа зберагчы прыроду, а таксама правялі віктарыны пра беларускі лес.

24 лютага старшалкласнікі правялі адзіны дзень інфармавання «ШАГ» па тэме «Гонар за Беларусь. На варце нацыянальнай бяспекі і суверэнітэту» (аб Узброеных сілах, Пагранічнай службе, Мытнай службе, МНС). Падчас сустрэчы вучні абмеркавалі наступныя тэмы «Узброеныя Сілы Беларусі — гарант нацыянальнай бяспекі краіны», «Межы Беларусі пад надзейнай абаронай», «Міністэрства па надзвычайных сітуацыях Рэспублікі Беларусь: дапамога побач».

На апошнім тыдні лютага ў V-VII класах прайшлі ў рамках работы інфармацыйна-адукацыйнага праекта «ШАГ» вусныя часопісы «Ведаем і любім Беларусь». Вучні здзейснілі падарожжа знакамітых мясцінах Беларусі, даведаліся, што ў нашай краіне 104 гарады, праводзілі PR-кампанію па запрашэнні турыстаў у нашу краіну, і самае галоўнае яшчэ раз упэўніліся, што актыўны грамадзянін сацыяльна актыўны, ганарыцца народам сваёй краіны, ўсведамляе сябе яго прадстаўніком, імкнецца рэалізаваць сябе ў прафесіі, каб працаваць на карысць грамадства.

На апошнім тыдні студзеня ў V-VII класах у рамках работы праекта «Школа Актыўнага Грамадзяніна» прайшлі гадзіны зносін «Закон — твой сябар». Актыўны грамадзянін не толькі ведае, але паважае і выконвае Закон. Вучні пагутарылі пра Канвенцыю аб правах дзіцяці, Канстытуцыю Рэспублікі Беларусь, зазірнулі на дзіцячы прававы сайт mir.pravo.by, абмеркавалі сітуацыі, якія яшчэ раз запэўнілі, што закон — сябар для чалавека, а таксама правялі віктарыны на лепшага знаўца правоў чалавека.

27 студзеня для старшакласнікаў прайшоў адзіны дзень інфармавання па тэме «Гонар за Беларусь. Свет міжканфесійны, міжнацыянальны свет» (аб прыярытэтах канфесійнай палітыкі Рэспублікі Беларусь). Сустрэча пачалася з інфармацыйнага блока «Прыярытэты канфесійнай палітыкі Рэспублікі Беларусь», дзе прайшло знаёмства з асаблівасцямі канфесійнай палітыкі Рэспублікі Беларусь; абмяркоўваліся гуманныя адносіны паміж людзьмі незалежна ад іх нацыянальнасці, міжнацыянальныя і міжканфесійныя адносіны, дзейнасць рэлігійных арганізацый на тэрыторыі краіны.

23 снежня старшакласнікі сустрэліся на адзіным дні інфармаванні «Гонар за Беларусь. Хутчэй. Вышэй. Мацней». Падчас мерапрыемства вучні пазнаёміліся з апошнімі дасягненнямі ў галіне спорту і турызму, а таксама здзейснілі віртуальнае падарожжа па турыстычнай Беларусі.