У мэтах прафілактыкі надзвычайных сітуацый, правапарушэнняў і злачынстваў, навучання паводзінам ва ўмовах пажараў і іншых надзвычайных сітуацый 21 верасня 2023 года ва ўстанове адукацыі праходзіць Адзіны дзень бяспекі. У рамках гэтага мерапрыемства ў школе прайшла трэніровачная эвакуацыя дзяцей і работнікаў на школьны стадыён з будынка школы, а таксама члены ГА «БРСМ» сумесна з ГА «БРПА» правялі агітацыйную работу па распаўсюджванні інфармацыі аб бяспечных паводзінах пры ўзнікненні надзвычайных сітуацый.
У ходзе гутаркі з навучэнцамі 5 — 6 класаў інспектар ІСН нагадаў дзецям аб правілах бяспечных паводзін на вуліцы і ў школе, расказаў навучэнцам аб недапушчэнні крадзяжоў, пашкоджанні і пранікненні ў чужое жыллё. Асаблівую ўвагу звярнуў на правілы дарожнага руху, правілы паводзін у сетцы Інтэрнэт.
У рамках экалагічнай акцыі «Дзень без аўтамабіля» ва ўстанове адукацыі прайшлі прэс-канферэнцыя «Аўтамабіль. Дарога. Пешаход», экалагічная акцыя «Дзень без аўтамабіля», конкурс дзіцячых сачыненняў «Бяспечны транспарт будучага». Вучні Кучын Міхаіл і Губарык Маргарыта сталі прызерамі конкурсу дзіцячых сачыненняў і атрымалі памятны падарунак ад прадстаўнікоў Пружанскай раённай інспекцыіі прыродных рэсурсаў і аховы навакольнага асяроддзя. Віншуем і ганарымся.
14 верасня ва ўстанове адукацыі прайшоў агульнашкольны бацькоўскі сход «Арганізацыя адукацыйнага працэсу ў 2023/2024 навучальным годзе». Значная ўвага ўдзялялася пытанню бяспекі вучняў. У рабоце сходу прыняў удзел начальнік штаба Пружанскага РАУС маёр міліцыі Заянчкоўскі М.М.
У рамках рэспубліканскай акцыі «Пасябруй з электратокам» у школе 12 верасня былі праведзены інфармацыйныя гадзіны «Пасябруй з электратокам».
У сувязі з павылічэннем колькасці няшчасных выпадкаў з паразай электрычным токам у 2023 годзе і з мэтай узмацнення прафілактычнай работы па прадухіленні падобных выпадкаў электратраўматызму, ў перыяд з 4 па 25 верасня праводзіцца акцыя па прафілактыцы электратраўматызму сярод непаўналетніх «Пасябруй з электратокам».
У рамках Тыдня ведаў Правіл дарожнага руху «Ведай правілы — кроч бяспечна» для вучняў пачатковых класаў прайшоў конкурс малюнкаў «Дзеці. Дарога. Бяспека.», для вучняў 5 — 8 класаў былі праведзены практычныя заняткі на пляцоўцы па вывучэнні ПДР «Ведаем правілы дарожнага руху», а для вучняў 9 — 11 класаў — інтэрактыўная гутарка «Я — адказны веласіпедыст».