З 1 па 10 верасня ў школе прайшла Дэкада бяспечных паводзін у рамках акцыі «Адзіны дзень бяспекі»
Дэкада бяспечных паводзін у новым навучальным годзе пачалася з трэніровачнай эвакуацыі з будынка школы і вуснага часопіса «У новы навучальны год толькі з бяспечнымі паводзінамі». Падчас інфармацыйных гадзін “Бяспечныя паводзіны – адказныя паводзіны” вучні разам з класнымі кіраўнікамі прагаварылі правілы бяспечных паводзін у школе, дома, на дарозе.
Адзіны рэспубліканскі дзень бяспекі
2 верасня ва ўстанове адукацыі прайшлі мерапрыемствы ў рамках акцыі «Адзіны рэспубліканскі дзень бяспекі»: класныя кіраўнікі правялі вусныя часопісы «У новы навучальны год толькі з бяспечнымі паводзінамі». А у 13 гадзін 05 хвілін у школе была аб’яўлена планавая эвакуацыя.
Акцыя «У цэнтры ўвагі — дзеці»
Кожны будзе згодны са словамі: няма нічога больш важнага ў жыцці, чым здароўе уласных дзяцей. І вельмі шкада, што досыць часта здараюцца сітуацыі, у якіх гэта сцверджанне ставіцца пад пагрозу: большасць «вогненных» траўмаў, атрыманых дзецьмі, выклікана недаглядам з боку дарослых. З мэтай прыцягнення ўвагі дарослых да праблем траўматызму і гібелі дзяцей ад пажараў з прычыны пакідання іх без нагляду з 16 жніўня па 10 верасня ў Брэсцкай вобласці ў два этапы пройдзе прафілактычная акцыя «У цэнтры ўвагі – дзеці!».
МНС нагадвае:
Паважаныя бацькі! Захоўвайце запалкі, запальніцы ў недаступных для дзяцей месцах і не дазваляйце ім самастойна карыстацца газавымі і электрычнымі прыборамі. Растлумачце дзіцяці, што ў выпадку ўзнікнення пажару неабходна выбягаць на вуліцу і ні ў якім разе не хавацца. Вывучыце з малымі, як іх клічуць і як клічуць бацькоў, а таксама хатні адрас і тэлефон, пастаянна паўтарайце з імі правілы паводзін, ўладкоўвайце маленькія экзамены, разбірайце памылкі.
Экскурсія ў Пружанскі палацык і на станцыю Беларускага рэспубліканскага таварыства ратавання на водах
Сёння вучні школы наведалі з экскурсійнай праграмай музей-сядзібу «Пружанскі палацык», а таксама ўспомнілі пра паводзіны на вадзе падчаснаведвання станцыі Беларускага рэспубліканскага таварыства ратавання на водах.
