Выхавальнік дашкольнай групы Новік Таццяна Уладзіміраўна і настаўніца пачатковых класаў Новік Таццяна Аркадзьеўна абмеркавалі далейшую работу па забяспячэнню паспяховай адаптацыі выпускнікоў дашкольнай установы ў першым класе. Настаўніца пачатковых класаў падрыхтавала памяткі для бацькоў “Роля бацькоў у суправаджэнні дзіцяці на этапе пераходу з дзіцячага сада ў школу”.
Будучыя першакласнікі наведалі дзяржаўную ўстанову «Хараўская сярэдняя школа». Дзеці пазнаёміліся са школай, сваім класам,наведалі бібліятэку і музей. Дашкольнікі атрымалі новыя ўражанні ад зносін з дарослымі сябрамі.
5 сакавіка прайшоў бацькоўскі сход “Узаемадзеянне сям’і і школы па пытаннях прафілактыкі правапарушэнняў і безнагляднасці”. Перад законнымі прадстаўнікамі выступілі дырэктар установы адукацыі Сідарук Н.М. і педагог сацыяльны Калюта А.Я.
