Падоўжаны тэрмін дзеяння даведак і іншых дакументаў
23 лістапада 2021 года Кіраўніком дзяржавы падпісаны Указ № 454, якім падоўжаны тэрмін дзеяння даведак і іншых дакументаў.
У сувязі з выданнем Указа выдадзеныя фізічным і юрыдычным асобам дакументы, тэрмін дзеяння якіх скончыўся або заканчваецца ў перыяд з 10 лістапада 2020 г. па 26 сакавіка 2022 г., будуць сапраўдныя яшчэ шэсць месяцаў ад даты заканчэння тэрміну кожнага канкрэтнага дакумента.
Пералік канкрэтных дакументаў і рашэнняў, тэрмін па якіх аўтаматычна падоўжаны, вызначаны ў пастанове Савета Міністраў Рэспублікі Беларусь ад 2 снежня 2020 г. № 687 «О документах, срок действия по которым продлевается». Названым рашэннем Урада тэрмін дзеяння падоўжаны па шэрагу найбольш запатрабаваных у насельніцтва дакументаў (пашпарт грамадзяніна Рэспублікі Беларусь, пасведчанне кіроўцы, даведкі, якія пацвярджаюць юрыдычна значныя факты ў сферы жыллёвых, працоўных праваадносін, архітэктуры, будаўніцтва, і іншыя).
Так, калі ў грамадзяніна тэрмін дзеяння даведкі аб стане здароўя скончыўся 20 лістапада 2021 г., то яна будзе сапраўдная яшчэ шэсць месяцаў – па 20 мая 2022 г.
Выданне Указа з’яўляецца адной з мер, што прымаюцца ў краіне ў мэтах мінімізацыі распаўсюджвання інфекцыі, выкліканай COVID-19. Прадаўжэнне тэрміну дзеяння раней выдадзеных дакументаў дае магчымасць многім грамадзянам звярнуцца ва ўпаўнаважаны орган па замену неабходных дакументаў у зручны для іх час на працягу шасцімесячнага тэрміну.
У Беларусі праходзіць інфармацыйна-адукацыйная акцыя “Беларусь-энергаэфектыўная краіна”
Данная акция приурочена
к Международному дню энергосбережения,
который ежегодно отмечается
11 ноября
Цяпер мы — школьнікі!
Увесь верасень першакласнікі вучыліся сядзець за партай, адказваць на ўроках, пасябравалі з многімі вучнямі. Пасля таго, як дзеці вывучылі ўсе правілы вучня, зладзілі свята. На ім першакласнікаў прысвяцілі ў вучні школы. Каб атрымаць медаль першакласніка, трэба было адправіцца ў падарожжа па краіне Ведаў на вясёлым паравозіку і годна прайсці ўсе выпрабаванні гэтага. І дзеці справіліся! Першакласнікі разгадвалі загадкі пра школу, вырашалі жартоўныя матэматычныя задачкі, падбіралі патрэбныя літары да малюначкаў з жывёламі. У перапынках паміж выпрабаваннямі гулялі ў вясёлыя гульні «Гэта ўсё мае сябры!» і «Гарачую бульбу», танцавалі, спявалі песню «Першаклашкі», выканалі жартоўныя прыпеўкі пра школу. Па заканчэнні падарожжа дзеці далі абяцанне добра вучыцца, быць паслухмянымі, выконваць парадак, вучыцца сябраваць і дапамагаць аднакласнікам. Увесь мой клас даў клятву вучня школы і ўрачыстым уручэннем медалёў першакласніка быў прыняты ў вучні.
