У суботу старшакласнікі ў рамках Тыдня прафарыентацыі наведалі Пружанскі дзяржаўны аграрна-тэхнічны каледж і Пружанскі раённы аддзел па надзвычайных сітуацыях.
28 красавіка адбылася конкурсная праграма «Свет прафесій», дзе лепшым у намінацыі «Вершы» стаў Антон Вахновіч з 3 класа, першае месца ў намінацыі «Песні» занялі Ганна Губарык і Лізавета Ліштван (2 клас), а ў намінацыі «Мініяцюры» лепшымі сталі вучаніцы 5 класа з мініяцюрай «У стаматолага». Таксама прайшоў мультурок «Калейдаскоп прафесій» і конкурс малюнкаў «Усе прафесіі важныя».
Выпускнікі школы сустрэліся з прадстаўніком Гродзенскага дзяржаўнага ўніверсітэта, які расказаў пра ўмовы паступлення і пражывання, а таксама пазнаёміў з прафесіямі, якія можна атрымаць ва ўніверсітэце.
У пятніцу у госці да выпускнікоў 9 — 11 класаў завіталі прадстаўнікі Івацэвіцкага дзяржаўнага прафесійнага ліцэя сельскагаспадарчай вытворчасці, якія паказалі майстар-класы па прафесіям, што можна атрымаць у ліцэі, а таксама адказалі на пытанні старшакласнікаў.
У чацвер выпускнікі 9 — 11 класаў сустрэліся з прадстаўнікамі Слонімскага палітэхнічнага ліцэя, якія расказалі пра прафесіі, што можна атрымаць, калі выбраць дадзеную ўстанову адукацыі.
