Будучыя першакласнікі наведалі дзяржаўную ўстанову «Хараўская сярэдняя школа». Дзеці пазнаёміліся са школай, сваім класам,наведалі бібліятэку і музей. Дашкольнікі атрымалі новыя ўражанні ад зносін з дарослымі сябрамі.
02.04.2021 для нашай школы стаў насычаным днём. Акрамя выхаваўчых мерапрыемстваў, якія адбыліся ў гэты дзень, мы сустракалі гасцей. Госці прыйшлі да нас з дзіцячага садку. Да нас завіталі выхавацель Новік Таццяна Уладзіміраўна і яе выхаванцы, якія ў 2021 годзе прыдуць у 1 клас.
12 сакавіка вучні 4 класа разам са сваім класным кіраўніком Марчык Таццянай Пятроўнай наведалі выхаванцаў дзіцячага садка, дзе правялі для іх майстар-клас па вырабу віншавальных паштовак і кветак, а таксама расказалі пра свае школьныя будні.
Настаўніца пазнаёмілася з дзецьмі, пагутарыла з імі аб будучай вучобе ў школе і паабяцала завітаць у госці ў найбліжэйшы час.
У рамках выканання плана пераемнасці ў рабоце школы і дзіцячага сада 17 снежня выхавацелі дашкольнай адукацыі наведалі ўрок у 1 класе, які правяла Насытка Святлана Уладзіміраўна.
12 снежня выхаванцы Хараўскога дзіцячага саду здзейснілі экскурсію ў школу.
Перад дзецьмі адкрыўся новы свет дзіўнага школьнага жыцця з яго доўгімі калідорамі, светлымі ўтульнымі класамі, ветлівымі педагогамі. Выхаванцы змаглі пасядзець за сапраўднай партай, напісаць мелам на сапраўднай дошцы, пагутарыць з будучай настаўніцай, агледзіць спартыўную залу. Увогуле, уражанне аб школе ў дзяцей склалася выдатнае, яны атрымалі шмат станоўчых эмоцый.
“Пераемнасць дашкольнай установы і школы
— аснова садружнасці і партнерства
ў падрыхтоўцы будучых першакласнікаў”
8 мая настаўнікі школы наведалі Калядзіцкі ВПК дзіцячы сад — ПШ, дзе пазнаёміліся з будучымі пяцікласнікамі. Настаўнікі наведалі ўрок матэматыкі і літаратурна-музычную кампазіцыю «Перамога жыве ў сэрцы кожнага», а пасля за круглым сталом абмеркавалі працоўныя моманты.
