Урок памяці «Нам гэты свет завешчана берагчы», прысвечаны 77-годдзю Вялікай Перамогі
21 красавіка для вучняў 5 — 7 класаў прайшоў урок памяці «Нам гэты свет завешчана берагчы», прысвечаны 77-годдзю Вялікай Перамогі. Урок прайшоў па наступных тэматычных блоках «Пачатак вайны», «Акупацыя», «Партызанскі рух і падпольная барацьба», «Вызваленне». Падчас урока вучні пазнаёміліся з работай інтэрактыўнай пляцоўкі «ПАТРЫЁТ.BY». Перад прысутнымі выступіла старшыня Хараўскога сельскага выканаўчага камітэта Алена Рыгораўна Пстыга. У якасці эпіграфа да ўрока абраныя словы Васіля Быкава: «Памяць аб крывавых выпрабаваннях у мінулай вайне ёсць найлепшы гарант міру і існавання розных народаў на нашай зямлі».
Гадзіна Памяці, прысвечаная Міжнароднаму Дню вызвалення вязняў канцлагераў
Па рашэнні Арганізацыі Аб’яднаных Нацый 11 красавіка ва ўсім свеце адзначаецца Міжнародны дзень вызвалення вязняў фашысцкіх канцлагераў. Ён усталяваны ў памяць аб інтэрнацыянальным паўстанні ў Бухенвальдзе. 11 красавіка ў класах прайшлі гадзіны Памяці. Вучні пазнаёміліся з трагічнымі лёсамі вязняў канцлагераў, здзейснілі віртуальныя падарожжа па помніках, якія ўсталяваны на месцы канцлагераў у Рэспубліцы Беларусь, і яшчэ раз успомнілі пра трагічнае мінулае Беларусі ў гады Вялікай Айчыннай вайны.
Экскурсія ў Музей гісторыі Вялікай Айчыннай вайны і Нацыянальную бібліятэку
У апошні дзень канікул старшакласнікі наведалі Музей гісторыі Вялікай Айчыннай вайны і Нацыянальную бібліятэку. У музеі вучняў чакала 10 залаў з першага дня вайны да вялікай Перамогі. Сапраўдныя дакументы ваенных гадоў, вялікая экспазіцыя ваеннай тэхнікі і зброі, мультымедыйныя экспанаты, асабістыя рэчы і ўзнагароды ўдзельнікаў Вялікай Айчыннай вайны…і многае іншае дапамаглі яшчэ раз адчуць увесь жах той вайны і задумацца над тым, як добра, што сёння мы жывем пад мірным небам.
Наведванне выстаў «Генацыд на Пружаншчыне: па матэрыялах даследавання» і «Дзіцячы погляд з вечнасці»
26 сакавіка ў рамках Года гістарычнай памяці вучні 6-8 класаў наведалі выставы «Генацыд на Пружаншчыне: па матэрыялах даследавання» і «Дзіцячы погляд з вечнасці». На выставе «Генацыд на Пружаншчыне: па матэрыялах даследавання» вучням расказалі пра тэму генацыду беларускага і яўрэйскага насельніцтва на Пружаншчыне ў гады Вялікай Айчыннай вайны, пра гета, якое знаходзілася ў Пружанах, пра трагічны лёс яго вязняў.
Адзіны ўрок «Аб чым звоняць званы Хатыні»
Аўторак 22 сакавіка ў школе пачаўся з адзінага ўрока «Аб чым звоняць званы Хатыні» ў рамках патрыятычнай акцыі «Памяці Хатыні». Менавіта ў гэты дзень 79 гадоў назад беларуская вёска Хатынь была сцёртая з твару зямлі. Разам з вёскай былі спалены або расстраляны 149 чалавек, з іх 75 дзяцей ва ўзросце да 16 гадоў. І Хатынь не адна такая… але менавіта яна стала сімвалам найвялікшай нацыянальнай трагедыі і вечнай смутку.
Наведванне выстаў «Генацыд на Пружаншчыне: па матэрыялах даследавання» і «Дзіцячы погляд з вечнасці»
У шосты школьны дзень старшакласнікі наведалі выставы «Генацыд на Пружаншчыне: па матэрыялах даследавання» і «Дзіцячы погляд з вечнасці», якія знаходзяцца ў музеі «Пружанскі палацык». Выставы прымеркаваныя да Года гістарычнай памяці і паказваюць работу па даследаванні фактаў генацыду насельніцтва Беларусі у гады Вялікай Айчыннай вайны.
Да дня юнага героя-антыфашыста
8 лютага — Дзень памяці ўсіх дзяцей, якія змагаліся за мір не толькі ў мірны час, але і ў гады Вялікай Айчыннай вайны. Юныя героі-антыфашысты такія ж самыя дзеці. Яны змагаліся за тое, каб мір быў ва ўсім свеце. Вялікая Айчынная вайна стала цяжкім выпрабаваннем для савецкіх людзей. Яна прайшла праз лёсы многіх сем’яў, дакрануўшыся да кожнага — ад самага маленькага да самага вялікага. Сёння піянеры школы запрасілі акцябрат на вусны часопіс «Юныя героі вялікай вайны». Піянеры расказалі аб юных героях-антыфашыстах, іх нялёгкіх лёсах і адважных учынках.
Экскурсія ў Брэсцкую крэпасць і на фестываль робатаў
28 студзеня вучні наведалі музей «Вайна — тэрыторыя міру» ў МК «Брэсцкая крэпасці». Па сваёй тэматыцы экспазіцыя з’яўляецца дадаткам існуючага Музея абароны, яна прасочвае вобраз Брэсцкай крэпасці і звязаных з ёй персаналій на дарогах вайны і пасляваеннага прызнання. Таксама хлопчыкі і дзяўчынкі пабывалі на фестывалі робатаў, дзе змаглі пазнаёміцца з робатамі і прыняць удзел у розных майстар-класах.