Рэспубліканскі акцябрацкі маршрут «Тэрыторыя дзяцінства». Лістапад. Тэрыторыя творчасці
З тэрыторыі творчасці пачалі сваё падарожжа атрад акцябрат «Летуценнікі» па рэспубліканскім акцябрацкім маршруце «Тэрыторыя дзяцінства». Хлопчыкі і дзяўчынкі пазнаёміліся з новай тэхнікай малявання «Дудлінг», а таксама склалі партрэт свайго атрада. Час прайшоў цікава і карысна, а яшчэ вельмі дружна, таму што акцябраты дапамаглі адзін аднаму, падказвалі, які ўзор лепш выбраць. Заданні лістапада паспяхова выкананы, а значыць наперадзе «Летуценнікаў» чакае новая тэррыторыя. Якая? Гэта пакуль што сакрэт.
Члены ГА «БРСМ» сумесна з піянерамі дружыны імя П.І.Клімука прынялі ўдзел у акцыі «Абеліск», мэта якой -добраўпарадкаванне тэрыторыі, прылеглай да помнікаў воінаў, якія загінулі ў гады Вялікай Айчыннай вайны.
17 лістапада акцябраты школы прынялі ўдзел у традыцыйнай гульні лістапада «Акцябрацкі квіз». Пяць кемлівых, спрытных, вясёлых каманд адказвалі на пытанні шасці тураў. Самым яскравым як заўсёды стаў «Риск-тур». Гульню праводзілі члены ГА «БРСМ» на чале з сакратаром Жур Ангелінай і актыў піянерскай дружыны на чале са старшынёй Ганнай Губарык. Акцябраты разам са старэйшымі памочнікамі цікава правялі час, паглядзелі, што ўжо ведаюць, і зразумелі, над чым неабходна яшчэ папрацаваць. У канцы гульні былі аб’яўлены лепшыя прадстаўнікі з кожнай каманды, якія будуць абараняць гонар піянерскай дружыны на раённым этапе гульні ў складзе школьнай піянерскай каманды «Ой, да ладненько».
12 лістапада піянеры дружыны імя П.І.Клімука прынялі ўдзел у традыцыйнай і доўгачаканай гульні «Піянерскі квіз». Чатыры каманды адказвалі на пытанні, спрачаліся, згаджаліся, зноў спрачаліся, але часцей за ўсе правільна адказвалі на пытанні гульні. Членамі журы выступілі члены ГА «БРСМ», якія ўважліва сачылі за ўсім ходам гульні. У выніку перамога была за камандай «Непаседы», адзін бал ім саступілі «Зорачкі». У канцы гульні былі аб’яўлены лепшыя прадстаўнікі з кожнай каманды, якія будуць абараняць гонар піянерскай дружыны на раённым этапе гульні ў складзе школьнай піянерскай каманды «Ой, да ладно».
29 кастрычніка ў шосты школьны дзень удзельнікі праекта «Цімураўцы.by» (цімураўскі атрад «Аліна і яе каманда») падрыхтавалі і правялі для хлопчыкаў і дзяўчынак 5-6 класаў настольную гульню» ЭкаЛэнд», а таксама расказалі пра праект і паказалі прэзентацыю атрада. 
У апошнюю суботу чвэрці традыцыйна прайшлі мерапрыемствы, накіраваныя на прафілактыку бяспечных паводзін падчас восеньскіх канікул. Вучні пачатковых класаў наведалі мультрок “Чароўная кніга МНС”, пазнавальную праграму “Я адзін дома”. Для вучняў 5 — 8 класаў прайшлі квэст “Маршрутамі бяспекі” і конкурс малюнкаў “Бяспека вачамі дзяцей”. А затым усё разам сустрэліся на спартыўнай шкаліядзе. Таксама сёння намеснік старшыні Савета дружыны Казачэнка Яна наведала раённую школу піянерскага актыву.
У трэцюю суботу месяца піянеры і іх мамы сустрэліся на ітэлектульна-забаўляльнай гульні «Квіз для дзяцей і іх бацькоў». У цікавай і вясёлай барацьбе перамогу святкала каманда «Матылькі» ў складзе Івана Усіка і маці Наталлі Аляксандраўны, Данііла Чуева і маці Святланы Мікалаеўны, Ільі Ігнацьева і маці Марыны Мікалаеўны. Другое месца заняла каманда «Лісточкі» ў складзе Матвея Андрусевіча і маці Таццяны Яўгеньеўны і Сяргея Новіка і маці Кацярыны Іванаўны. Таксама сёння школьная каманда старшакласнікаў «Ой, да ладно» прыняла ўдзел у раённым чэмпіянаце абласнога сінхроннага этапу па гульні “Што? Дзе? Калі?”, а вучні пачатковых класаў наведалі творчую майстэрню ў Палацы Культуры г.Пружаны.
На працягу тыдня акцябраты школы паўтаралі правілы акцябрат: паўдзельнічалі ў спартландыі, бо «Акцябраты — спартыўныя рабяты», правялі вясёлы танцавальны перапынак, бо «Акцябраты — дружныя і добрыя рабяты», шукалі самых творчых падчас конкурсу малюнкаў «Правілы акцябрят», бо «Акцябраты — актыўныя рабяты», праходзілі выпрабаванні ў квэсце «Па слядах Перамогі», бо «Акцябраты — таленавітыя рабяты», дапамаглі піянерам ў акцыі «Чысты школьны двор», бо «Акцябраты — руплівыя рабяты». Дзякуючы інтэлектуальна-забаўляльнай гульні «Акцябрацкі квіз», акцябраты цяпер дакладна ведаюць, што «Акцябраты — разумныя і вясёлыя рабяты», наведалі выставу «Генацыд на Пружаншчыне» і цяпер «Акцябраты -адважныя рабяты». І усімі сваімі паводзінамі, дасягеннямі, мерапрыемствамі даказалі, што «Акцябраты — будучыя піянеры».
Услед за акцябратамі школы «Па слядах Перамогі» пайшлі піянеры. У суботу 22 кастрычніка піянерскія атрады адправіліся ў падарожжа па кропках квэсту. Чат-боты (актывісты ГА «БРСМ) не паспявалі адпраўляць капітанам заданні новай кропкі і падказкі пазлаў, так хутка піянеры выйшлі на дарогу да Перамогі. У выніку на 3 месцы аказалаўся піянерскі атрад «Сузор’е» (5 клас), на другім месцы — піянерскі атрад «Камета» (8 клас), першае месца раздзялілі атрады «Нон-стоп» (6 клас) і «Юнацтва» (7 клас). Зборная дадзеных атрадаў прадставіць піянерскую дружыну школы на раённым этапе квэсту.