Рэспубліканскі акцябрацкі маршрут «Тэрыторыя дзяцінства». Студзень. Тэрыторыя здароўя
Падтрымліваць сваё здароўе — адна з асноўных абавязкаў кожнага чалавека! Таму самы час акцябратам успомніць пра тое, як гэта можна рабіць у паўсядзённым жыцці і выканаць трэцяе заданне акцябрацкага маршруту. 21 студзеня акцябраты школы прынялі ўдзел у квэсце «Здароўе — гэта здорава», які падрыхтавалі піянеры сумесна з членамі ГА «БРСМ». За парадак падчас правядзення гульні адказвалі члены школьнага атраду аховы правапарадку «Віцязі». Тры каманды акцябрат адправіліся ў падарожжа па станцыях, дзе іх чакалі Эрудыт, сустрэча з трыма Клавамі, «здаровыя» склады слоў і многае іншае. Каманда, якая атрымала больш за ўсіх здаравячкоў, хутчэй сабрала пазл і стала пераможцай гульні. Кожны ўдзельнік атрымаў карысны для здароўя і для вучобы падарункі.
Аб’яднанне па інтарэсах «Займальная інфарматыка»
Вучні 2-3 класаў працягваюць заняткі ў аб’яднанні па інтарэсах «Займальная інфарматыка» і цяпер могуць вам расказаць і паказаць некаторыя сакрэты кампьютара, а таксама з лёгкасцю рашыць задачы на логіку і матэматыку.
Выстава тэматычнай літаратуры “У гасцях у Святлафора” ў рамках Адзіных дзён ведаў Правілаў дарожнага руху
19 студзеня ў школе была арганізавана выстава тэматычнай літаратуры “У гасцях у Святлафора” ў рамках Адзіных дзён ведаў Правілаў дарожнага руху. Падчас выставы вучні пазнаёміліся з кнігамі, у якіх можна знайсці цікавую інфармацыю аб паводзінах на дарозе і ўвогуле аб бяспечных паводзінах. У класах у гэты дзень таксама прайшлі гутаркі «Зімовым забавам на дарозе не месца».
Суботні дзень прапаганды здаровага ладу жыцця
Другая субота месяца традыцыйна ў школе прысвечана здароваму ладу жыцця. Таму сёння для вучняў прайшлі віктарына “Некалькі пытанняў пра здаровы лад жыцця”, конкурс малюнкаў “Спорт для мяне – гэта…”, спартыўныя спаборніцтвы па піянерболу. Таксама вучні школы прынялі ўдзел у раённых спаборніцтвах “Снежны снайпер” і раённым этапе конкурсу “Добры дзень, свет!”.
Аб’яднанне па інтарэсах «Чароўны мікрафон»
Удзельнікі аб’яднання па інтарэсах «Чароўны мікрафон» 14 студзеня прынялі ўдзел у раённым этапе конкурсу “Добры дзень, свет!”, які праходзіў на базе гімназіі г.Пружаны. Са сцэны ў выкананні юных вакалістаў прагучалі песні «Беларуская мова», «Беларускія зоркі», «Усміхайся» і «Салдату».