Лепшая дружына Пружанскага раёна — наша!
20 мая ўпершыню прайшоў фінал раённага конкурсу на лепшую піянерскую дружыну «Мы выбіраем БРПА». Сёння нашы акцябраты і піянеры разам са старэйшым важатым Фядотавай Аляксандрай Аляксандраўнай годна прадставілі дружыну і павезлі дадому пераходны кубак «Правафлангавая піянерская дружына Пружанскага раёна». Акцябраты і піянеры ўсёй дружынай як заўсёды актыўна правялі гэты навучальны год, прынялі ўдзел і атрымалі перамогі ў многіх конкурсах БРПА… і яшчэ раз даказалі, што лепшая дружына Пружанскага раёна-дружына імя П.І.Клімука.
Піянерскае свята да Дня піянерскага сяброўства
19 мая ў піянерскай дружыне імя П.І. Клімука прайшло традыцыйнае вялікае піянерскае свята, прысвечанае Дню піянерскай дружбы. На свяце прагучалі словы віншавання ад дырэктара школы Сідарук Ніны Міхайлаўны, сакратара п/а ГА «БРСМ» Жур Ангеліны, старшыні Савета дружыны Губарык Ганны. Лепшыя акцябраты і піянеры былі ўзнагароджаны дыпломамі. Галоўнай падзеяй стаў урачысты прыём у піянеры акцябрат 4 класа. У канцы свята рысёнак Вогнік пажадаў усім: «Яркага лета» і ўручыў невялікія падарункі.
Удзел у раённай ваенна-патрыятычнай гульні «Арлёнак-2023»
Каманда школы (Давідзенка Вадзім, Скобля Максім, Баландзіна Міраслава,вучні 10 класа; Кавальскі Уладзіслаў, Ліпіч Вераніка, Мірзаеў Рустам, Марчык Мікіта, вучні 9 класа; Крохмаль Максім, Салагуб Алёна, вучні 8 класа; Крывашэева Наталля, вучаніца 7 класа) прынялі ўдзел у раённым этапе ваенна-патрыятычнай гульні «Арлёнак-2023», дзе занялі 1 месца ў конкурсе «Візітная картка».
Удзел у раённай ваенна-патрыятычнай гульні «Зарніца-2023»
Піянеры школы (Саўчук Яўгеній, вучань 8 класа; Губарык Ганна, Чуеў Данііл, Аліфірук Уладзіслаў, Ліштван Лізавета, вучні 7 класа; Усік Іван, Андрусевіч Мацвей, Цямчык Улляна, Ліпіч Вераніка, Кучын Міхаіл, вучні 5 класа) прынялі ўдзел у раённым этапе ваенна-патрыятычнай гульні «Зарніца-2023», дзе занялі 1 месца ў конкурсе «Візітная картка».
Мерапрыемствы да Дня сям’і
З 12 па 15 мая бацькі і дзеці прынялі ўдзел у фотавыставе «Сям’я ў аб’ектыве» і «Хоббі маіх бацькоў». Кожная сям’я атрымала лісты падзякі.
Адзіны ўрок «Лёс маёй сям’і ў гісторыі маёй краіны: сямейныя каштоўнасці», прысвечаны Дню сям’і
15 мая ва ўсіх класах з мэтай выхавання пачуцця любові і павагі да родных і блізкіх людзей прайшлі тэматычныя ўрокі «Лёс маёй сям’і ў гісторыі маёй краіны: сямейныя каштоўнасці», прысвечаныя Дню сям’і. Вучні і класныя кіраўнікі вялі гутарку пра ролю і значнасць сям’і не толькі ў жыцці кожнага чалавека, а нават у гісторыі краіны.
Агульнашкольная лінейка, прысвечаная дню Дзяржаўнага сцяга, Дзяржаўнага сцяга герба і Дзяржаўнага гімна Рэспублікі Беларусь
15 мая ва ўстанове адукацыі прайшла агульнашкольная лінейка, прысвечаная дню Дзяржаўнага сцяга, Дзяржаўнага сцяга герба і Дзяржаўнага гімна Рэспублікі Беларусь.
Суботні дзень сям’і
13 мая ва ўстанове адукацыі прайшлі мерапрыемствы, прысвечаныя Міжнароднаму дню сям’і. У шосты школьны дзень вучні пачатковых класаў разам з бацькамі наведалі займальную гадзіну “Калі ёсць сям’я – значыць шчаслівы я”, а для вучняў 5-8 класаў і іх бацькоў прайшла майстэрня зносін «Цяпло сямейнага ачага».