Небяспечныя прыгоды Карлсана
У пачатку мая да вучняў пачатковых класаў завітаў сам Карлсан. Гульнёва-пазнавальная праграма «Небяспечныя прыгоды Карлсана» была прысвечана прафілактыцы пажарнай бяспекі.
9 мая. 12.00 . «Несмяротны полк»
9 мая ў 12.00 гадзін у г. Пружаны, ад будынка райвыканкама, будзе арганізавана шэсце калоны «Несмяротны полк». Вы можаце стаць удзельнікам акцыі. Для гэтага неабходна ўзяць фатаграфію свайго сваяка — удзельніка Вялікай Айчыннай вайны, працаўніка тылу, партызана, вязня канцлагера, які сам ужо ніколі не прыйдзе на мітынг. Патрабаванні да фатаграфіі: фармат А4, пад здымкам указваецца прозвішча, імя, імя па бацьку, гады жыцця і вайсковае званне або тыя дадзеныя, якімі вы валодаеце. Запрашаюцца ўсе жадаючыя.
Тыдзень прафарыентацыі
З 23 красавіка па 28 красавіка ў школу праходзіў Тыдзень прафарыентацыі, падчас якога вучні 1 — 4 класаў наведалі пазнавальную праграму «Калейдаскоп прафесій», вучні 5 — 8 класаў — гульнёвую праграму «Усе прафесіі важныя», а для старшакласнікаў прайшоў урок-прэзентацыя «Куды пайсці вучыцца», таксама ў класах прайшлі тэматычныя класныя гадзіны.
Экскурсія ў Пружанскі дзяржаўны аграрна-тэхнічны каледж і Пружанскі раённы аддзел па надзвычайных сітуацыях
У суботу старшакласнікі ў рамках Тыдня прафарыентацыі наведалі Пружанскі дзяржаўны аграрна-тэхнічны каледж і Пружанскі раённы аддзел па надзвычайных сітуацыях.
Суботні дзень прафесій
28 красавіка адбылася конкурсная праграма «Свет прафесій», дзе лепшым у намінацыі «Вершы» стаў Антон Вахновіч з 3 класа, першае месца ў намінацыі «Песні» занялі Ганна Губарык і Лізавета Ліштван (2 клас), а ў намінацыі «Мініяцюры» лепшымі сталі вучаніцы 5 класа з мініяцюрай «У стаматолага». Таксама прайшоў мультурок «Калейдаскоп прафесій» і конкурс малюнкаў «Усе прафесіі важныя».
Усміхайцеся, сябры!
Пад такім дэвізам у суботу прайшла гульня па станцыях «Час добрага настрою» ў рамках акцыі «Мой выбар — жыць з пазітывам». Хлопчыкі і дзяўчынкі дарылі адзін аднаму рамонкі добрых эмоцый, шукалі пяць прычын жыць з усмешкай, гулялі ў вяселыя гульні, весела і пазітыўна праводзілі свой час.
Віншуем і ганарымся!
Работа вучаніцы 9 класа Кулік Ангеліны (малюнак «Брэсцкая зорка») па выніках раённага этапа абласной выставы дзіцячага малюнка «Брэсцкая крэпасць — сімвал мужнасці і славы» будзе адпраўлена ў г.Брэст для ўдзелу ў абласной выставе. Жадаем поспехаў! 
Прышчэпка — сябар у барацьбе з хваробай
27 красавіка сярод вучняў пачатковых класаў у рамках Еўрапейскага тыдня імунізацыі прайшоў конкурс малюнкаў «Прышчэпка — сябар у барацьбе з хваробай».
