Гісторыя № 5 «У царстве залатой восені». Апошні дзень у прышкольным лагеры падарыў выхаванцам масу эмоцый ад творчай майстэрні «Асенні вернісаж», спартыўнай гульні «Асенні марафон», экскурсіі ў Хараўскі СКБ і конкурснай праграмы «Міс і Містэр лагера». Да сусрэчы ў наступнай лагернай змене!
Восеньскія гісторыі працягваюцца. Гісторыя № 4 «Здароўю — так, фізкультуры — УРА». Гэтая гісторыя падрыхтавала для вучняў спартыўнае свята «Пружаншчына спартыўная», экскурсію ў Калядзіцкі СДК, гульню па ПДР, пазнавальную праграму «Шкодныя звычкі або здароўе – выбірайце самі!».
31.10.2024 з добрым настроем у добрае надвор’е работнікі ўстановы адукацыі прынялі ўдзел у адзіным санітарным дні па навядзенні парадку на школьнай і прышкольнай тэрыторыі. Вынік работы ўсіх парадаваў.
30 кастрычніка для выхаванцаў прышкольнага лагера «Сонейка» адбылася гісторыя № 3 «Падарожжа па Беларусі». Выхаванцы наведалі Кобрынскі ваенна-гістарычны музей імя А.В. Суворава. Падчас экскурсіі рабят пазнаёмілі з біяграфіяй палкаводца, які не прайграў ніводнай бітвы, даведаліся пра ролю А.У. Суворава ў гісторыі Беларусі і Кобрыншчыны. А таксама наведалі гульнёвую пляцоўку»Дискавери». Дзеці атрымалі масу станоўчых эмоцый і з добрым настроем вярнуліся дадому.
28 кастрычніка прышкольны лагер «Сонейка» расчыніў свае дзверы для 20 навучэнцаў нашай школы. Тэма лагернай змены «Восеньскія гісторыі». І гісторыя № 1 » Бяспечныя канікулы » прайшла хутка і насычана. Дзеці аформілі атрадныя вугалкі, наведалі спартыўную гадзіну, адправіліся на майстар-клас у ЦТДМ г.Пружаны, схадзілі да помніка спаленым вёскам.
25 кастрычніка каманда «Ой, да ладно!» нашай школы прыняла ўдзел у абласным сінхронным турніры «Што? Дзе? Калі?». Гульня атрымалася цікавай і пазнавальнай.
26 кастрычніка у рамках работы занальнага цэнтра «Адпачываем з карысцю» у шосты школьны дзень на базе ДУА «Кляпачская сярэдняя школа» прайшла інтеллектуальная гульня «Піянерскі рынг». Ва ўпартай барацьбе перамогу атрымалі піянеры нашай школы. Віншуем і ганарымся!
26 кастрычніка 2024 года на базе дзяржаўнай установы дадатковай адукацыі «Цэнтр творчасці дзяцей моладзі г.Пружаны» адбыўся раённы этап рэспубліканскага агляду-конкурсу Дзедаў Марозаў і Снягурак «ЁЛКА-фэст — 2024». Нашы Дзед Мароз і Снягурка па выніках конкурсу атрымалі дыплом ІІІ ступені. Віншуем ганарымся!
