31 мая вучні наведалі ваенна-гістарычны музей імя А.В.Суворава, які знаходзіцца ў г.Кобрыне. Вучні пазнаёміліся не толькі з жыццём і дзейнасцю знакамітага палкаводца, але і даведаліся пра гісторыю горада ад старажытных дзён да дзён сённяшніх. Уразілі прысутных багатая калекцыя ўзбраення, якое прымянялася у войнах на тэрыторыі Беларусі, пачынаючы з Сярэднявечча і да Вялікай Айчыннай вайны.
31 мая, у Сусветны дзень без тытуню, вучні школы адправіліся ў турыстычны паход, яшчэ раз даказваючы, што для здаровага ладу жыцця непатрэбны не толькі тытунь, але і астатнія шкодныя звычкі. Быць здаровым сёння — гэта не толькі модна, але і карысна. Вучні Хараўской сярэдняй школы за свет без тытунёвага дыму!
Вось і падышлі да завяршэння прыгоды каманды «Дзьмухаўцы» і іх сябра Рабінзона Круза. Акцябраты адказна падыходзілі да выканання ўсіх заданняў на працягу года, таму фінальнае майскае заданне стала сапраўдным турыстычным святам. Пасля выбару маршруту руху юныя рабінзоны разбілі ўласны лагер, па дарозе назбіраўшы «Прыродную аптэку». Цэнтральнай падзеяй стала вогнішча, бо вогнішча-гэта больш, чым агонь. Гэта цэнтр турыстычнага лагера. Гэта сухое адзенне і гарачая вада. Гэта месца зносін, цяпло і ўтульнасць. Але вогнішча-гэта яшчэ і акумулятар бадзёрасці і энергіі. Ні адно падарожжа, ні адзін паход не абыходзіцца без вогнішча. Калі ёсць вогнішча, значыць будзе і турыстычная кухня. Акцябраты выканалі ўсе заданні мая, атрымалі апошні пазл карты рабінзонаў і, склаўшы іх, прачыталі пасланне пра далейшы лёс Рабінзона Круза. Гульня пройдзена, а наперадзе акцябрат чакаюць новыя прыгоды ў краіне Піянерыі, але гэта ўжо зусім іншая гісторыя…
30 мая прайшла ўрачыстая лінейка, прысвечаная заканчэнню навучальнага года. Свята пачалося з віншавання ад гасцей: першага намесніка старшыні Пружанскага райвыканкама Таццяны Анатольеўны Вараб’ёвай, старшыні Хараўскога выканаўчага камітэта Алены Рыгораўны Пстыгі, намесніка дырэктара па ідэалагічнай рабоце ААТ «Агра-Калядзічы» Аляксандра Васільевіча Гука. Свята працягнулася ўручэннем лепшым вучням дыпломаў раённых і абласных творчых і інтэлектуальных конкурсаў, спартыўных спаборніцтваў. Напрыканцы сустрэчы выпускнікі перадалі ключ ведаў дзесяцікласнікам, выдатнікам вучобы, і пажадалі ўсім прысутным добрага лета.
28 мая вучні школы наведалі рэканструкцыю бою на гісторыка-культурным комлексе «Лінія Сталіна» і з экскусійнай праграмай прайшліся па залах Беларускага дзяржаўнага музея гісторыі Вялікай Айчыннай вайны. Юным экскурсантам правялі аглядную экскурсію па музею, у выніку якой яны змаглі больш даведацца аб трагічных старонках гісторыі нашай краіны і гераічным подзвігу беларускага народа. Цікава было ўбачыць ваенную тэхніку і збудаванні часоў Вялікай Айчыннай вайны, даведацца пра падзеі і абарончыя баі ў першыя месяцы вайны, адчуць неймаверныя цяжкасці, з якімі сутыкнуліся нашы воіны ў бітвах з фашысцкімі захопнікамі.
Да года гістарычнай памяці і з мэтай грамадзянска-патрыятычнага выхавання навучэнцы школы наведалі музей–сядзібу» Пружанскі палацык», дзе пазнаёміліся з выставамі «Генацыд на Пружаншчыне: па матэрыялах раследавання» і «Дзіцячы погляд з вечнасці». Падчас агляднай экскурсіі дзеці пазнаёміліся з матэрыяламі, прадстаўленымі генеральнай пракуратурай у ходзе расследавання крымінальнай справы аб генацыдзе беларускага народа.
У апошнюю суботу навучальнага года вучні сустрэліся на Дне бяспечных паводзін. У гэты дзень прайшлі віктарына “Азбука дарожнай бяспекі”, круглы стол “Прававая адказнасць за парушэнне ПДР”, кіналекторый “Дзеці. Бяспека.Канікулы”.
Паўсюднае ўкараненне і выкарыстанне камп’ютарных інфармацыйных тэхналогій, безумоўна, стварае магчымасці для больш эфектыўнага развіцця эканомікі, палітыкі, грамадства і дзяржавы ў цэлым. Аднак удасканаленне і прымяненне высокіх тэхналогій прыводзіць не толькі да ўмацавання інфармацыйнага грамадства, але і да з’яўлення новых пагроз, адной з якіх з’яўляецца камп’ютарная злачыннасць. Экспанентна паток інфармацыі і перавага лічбавай інфармацыі ў адукацыйным асяроддзі сучаснай школы актуалізуюць праблему прафілактыкі лічбавай бяспекі сучасных школьнікаў. Адмысловае месца ў дадзеным пытанні належыць прафілактыцы лічбавай залежнасці школьнікаў, бо дзеці праводзяць у інтэрнэце даволі шмат часу.
26 мая старшакласнікі з прафарынтацыйнай праграмай наведалі г.Кобрын, дзе праходзіў конкурсаў прафесійнага майстэрства «WorldSkills», з мэтай фарміравання станоўчага іміджу прафесійнай адукацыі, павышэнне прэстыжу рабочых прафесій і ўзроўню інфармаванасці прафесійнага майстэрства сярод навучэнцаў Брэсцкай вобласці. Вучні наведалі інтэрактыўныя пляцоўкі і майстар-класы, арганізаваныя ўстановамі сярэдне-спецыяльнай і прафесійна-тэхнічнай адукацыі Брэсцкай вобласці.
