30 лістапада вучні 8 — 11 класаў наведалі кіналекторый «Правілы дарожнага руху. Ведай і не парушай» у рамках адзінага дня прафілактыкі «Падлетак і закон:вывучаем, ведаем, выконваем!». Таксама перад вучнямі выступіла намеснік дырэктара па выхаваўчай рабоце Фядотава А.А., якая расказала аб адказнасці за парушэнне ПДР.
У апошні дзень восені прадстаўнікі піянерскіх атрадаў сабраліся на інтэлектуальна-забаўляльную гульню «Піянерскі квіз», каб знайсці самую кемлівую і спрытную каманду, бо падчас адказаў неабходна было хутка думаць і яшчэ хутчэй пазначаць свой адказ. У выніку перамогу атрымала каманда «Мара», якая і прадставіць нашу піянерскую дружыну на раённым этапе спаборніцтваў.
7 снежня ў адбудзецца адзіны інфармацыйны дзень для законных прадстаўнікоў навучэнцаў «Прафілактыка правапарушэнняў і злачынстваў непаўналетніх. Адказнасць бацькоў за выхаванне непаўналетніх дзяцей». Пачатак ў 17.30
Тыдзень пачаўся ў інфармацыйных гадзін «Колькі ў свеце прафесій?» і «Прафесіі бліжэйшых дзесяцігоддзяў», жадаючыя маглі прыняць удзел у конкурсе малюнкаў «Кім працуюць мае бацькі?» і конкурсе калажаў «Прафесіі будучыні». Напрацягу тыдня вучні паспелі наведаць конкурсную праграму «Размаўляем пра прафесіі», прэзентацыю-віктарыну «У свеце прафесій», а таксама для старшакласнікаў працавала інфармацыйная пляцоўка «Як выбраць прафесію. Парады і не толькі…».
Тыдзень прафарыентацыі ў школе завяршыўся суботнім днем прафесій, падчас якога вучні наведвалі гульнёва-пазнавальную праграму «Марафон прафесій», адказвалі на пытанні віктарыны «Пра прафесіі і не толькі», а калі малодшыя былі на мультуроку «Прафесій непатрэбных не бывае», старэйшыя сталі ўдзельнікамі гадзіны зносін «Куды пайсці вучыцца?». Таксама каманда школы «Ой, да ладно!» прыняла ўдзел абласным асінхронным турніры па гульні «Што? Дзе? Калі?».
У чацвёрты чацвер месяца — 22 лістапада — старшакласнікі зноў сабраліся на адзіны дзень інфармавання «Школа Актыўнага Грамадзяніна», які ў гэтым месяцы быў прысвечаны тэме «Беларусь. Сацыяльна-эканамічныя і грамадска-палітычныя падзеі лістапада». Падчас мерапрыемства абмяркоўваліся пытанні , прысвечаныя наступным тэмам: «100-годдзе ВЛКСМ. Сустрэча Прэзідэнта з актывам Беларускага рэспубліканскага саюза моладзі» і «Беларусь — адна з лепшых краін для жыцця людзей». Члены ГА «БРСМ» выступілі з паведамленнем аб сустрэчы А.Г.Лукашэнка з актывам БРСМ, а пасля прапанавалі ўсім віктарыну «Камсамол. Учора і сёння».
22 лістапада пройдзе адзіны дзень інфармавання «ШАГ» – «Школа Актыўнага Грамадзяніна» па тэме «Беларусь. Сацыяльна-эканамічныя і грамадска-палітычныя падзеі лістапада».
Падчас сустрэчы будуць разгледжаны наступныя інфармацыйныя блокі: «100-годдзе ВЛКСМ. Сустрэча Прэзідэнта з актывам Беларускага рэспубліканскага саюза моладзі»; «Беларусь — адна з лепшых краін для жыцця людзей».
У суботу, 17 лістапада, у школе сярод старшакласніц прайшла шоу-праграма «Міс Восень-2018». Кожная ўдзельніца прадстаўляла краіну свету, а клас павінен быў арганізаваць групу падтрымкі для сваёй удзельніцы і падрыхтаваць творчы нумар у стылі выбранай краіны. У выніку тытул «Міс Восень-2018» дастаўся Святлане Андрусевіч, вучаніцы 11 класа.
