Першая субота новай чвэрці прайшла пад дэвізам «Вялікая любоў да малой радзімы». Вучні наведвалі гадзіну зносін «Землякі і Вялікая Айчынная вайна» і вусны часопіс «Славутыя імёны малой радзімы», пазнавальную гадзіну «Здароўе залежыць ад цябе», а таксама спартландыю «Будучыя алімпійцы». Старшакласнікі сталі ўдельнкіамі медыя-урока «Вялікая любоў да малой радзімы».
Вучні школы прынялі ўдзел у абласной акцыі «Берагчы — значыць захоўваць». На пачатку дня ўсіх чакаў інфармацыйны веснік «11 лістапада — Міжнародны дзень энергазберажэння», а затым акцыя «Берагчы — значыць захоўваць». Вучні пачатковай школы яшчэ прынялі ўдзел у конкурсе загадак «Каб эканомным быць», вучні, якія наведваюць групу падоўжанага дня, прынялі ўдзел у пазнавальнай праграме «Эканомім энергарэсурсы разам».
У раёне рэалізуецца дабрачынны марафон «Усе фарбы жыцця для цябе». Мэта марафону — папулярызацыя ідэй дабрачыннасці і міласэрнасці ў грамадстве, аказанне псіхалагічнай падтрымкі маладым людзям з асаблівасцямі псіхафізічнага развіцця, якія апынуліся ў цяжкай жыццёвай сітуацыі, а таксама маюць патрэбу ў дарагіх аперацыях і лячэнні. Заключным этапам марафону стане абласны дабрачынны канцэрт «Усе фарбы жыцця для цябе» з удзелам зорак беларускай эстрады, які адбудзецца 13 лістапада 2018 гадоў ў Міжнародны дзень дабра ў Пружанскім гарадскім Палацы культуры.
Пачатак у 18:00. Кошт білета: 5 руб. (дарослыя); 3 руб. (дзеці і пенсіянеры)
На восеньскіх канікулах вучні школы наведалі Пружанскі раённы Дом рамёстваў, а таксама Пружанскі льнозавод.
На восеньскіх канікулах хлопчыкі і дзяўчынкі цікава і карысна праводзілі вольны час: наведвалі аб’яднанні па інтарэсах, гадзіны зносін, спартыўныя спаборніцтвы, гульні і віктарыны. Для кожнага жадаючага працавалі спартыўная зала, камп’ютарны клас, бібліятэка. Члены БРСМ і БРПА далучыліся да агульнарэспубліканскага праекта «#ЗаДело!», які стартаваў у Беларусі 6 верасня ў Дзень нараджэння БРСМ. БРСМ гэтым праектам заклікае маладых людзей ўнесці свой уклад у навядзенне парадку на тэрыторыі сваёй малой радзімы. Месца для добраўпарадкавання і від работ кожны можа выбіраць самастойна. Члены ГА «БРСМ» і ГА «БРПА» нашай займаліся добраўпарадкаваннем тэрыторый помнікаў воінам Вялікай Айчыннай вайны, члены аб’яднання па інтарэсах «Усмешка» разам з настаўнікамі прынялі ўдзел у занальным этапе VІ Рэспубліканскага агляду-конкурсу Дзядоў Маразоў і Снягурак «ЕЛКА-ФЭСТ-2018». Час восеньскіх канікул праляцеў вельмі хутка і карысна.
На восеньскіх канікулах 5 лістапада адбылася сустрэча старшакласнікаў з начальнікам ІСН Пружанскага РАУС Віктарам Мікалаевічам Клімашэвічам на тэму «Мы ў адказе за свае ўчынкі».
Творчы калектыў вучняў (Губарык Ганна, Губарык Маргарыта, Усік Міхаіл, Жур Ангеліна, Басак Марыя, Марчык Яўген) і настаўнікаў (Фядотава Аляксандра Аляксандраўна, намеснік дырэктара па выхаваўчай рабоце, Насытка Святлана Уладзіміраўна, настаўнік пачатковых класаў, Чабацько Святлана Сцяпанаўна, настаўнік геаграфіі) школы занялі І месца ў раённым этапе VІ Рэспубліканскага агляду-конкурсу Дзядоў Маразоў і Снягурак «ЕЛКА-ФЭСТ-2018», які праходзіў у суботу, 26 кастрычніка, у ЦТДМ г.Пружаны. З конкурснай праграмай «Патрабуюцца памочнікі для Дзеда Мароза» яны будуць прадстаўляць Пружанскі раён на занальным этапе, які адбудзецца 3 лістапада ў г.Кобрыне. Віншуем і жадаем поспехаў.
Апошняя субота І чвэрці была прысвечана прафілактыцы бяспечных паводзін на восеньскіх канікулах: вучні 1-4 класаў наведалі гадзіну прафілактыкі “Бяспечныя паводзіны на канікулах”, а пасля шукалі самых кемлівых падчас віктарыны “Дзеці на дарозе”, для 5 -11 класаў прайшлі гадзіны зносін “Я дома і я на вуліцы. Мае правы і абавязкі” і “Мая бяспека ў маіх руках”, а таксама онлайн-віктарына “Знаўцы Правілаў дарожнага руху”. Пасля ўсе разам сустрэліся на круглым стале «Каштоўнасць жыцця — жыць» з удзелам настаяцеля Свята-Пакроўскай царквы А.В.Кавальскім. Таксама каманда настаўнікаў і вучняў школы прыняла ўдзел у раённым этапе рэспубліканскага конкурсу «ЕЛКА-ФЭСТ», які праходзіў у Цэнтры творчасці дзяцей і моладзі г. Пружаны.
