Сустрэча старшакласнікаў з начальнікам ІСН Пружанскага РАУС Віктарам Мікалаевічам Клімашэвічам
На восеньскіх канікулах 5 лістапада адбылася сустрэча старшакласнікаў з начальнікам ІСН Пружанскага РАУС Віктарам Мікалаевічам Клімашэвічам на тэму «Мы ў адказе за свае ўчынкі».
Віншуем і ганарымся
Творчы калектыў вучняў (Губарык Ганна, Губарык Маргарыта, Усік Міхаіл, Жур Ангеліна, Басак Марыя, Марчык Яўген) і настаўнікаў (Фядотава Аляксандра Аляксандраўна, намеснік дырэктара па выхаваўчай рабоце, Насытка Святлана Уладзіміраўна, настаўнік пачатковых класаў, Чабацько Святлана Сцяпанаўна, настаўнік геаграфіі) школы занялі І месца ў раённым этапе VІ Рэспубліканскага агляду-конкурсу Дзядоў Маразоў і Снягурак «ЕЛКА-ФЭСТ-2018», які праходзіў у суботу, 26 кастрычніка, у ЦТДМ г.Пружаны. З конкурснай праграмай «Патрабуюцца памочнікі для Дзеда Мароза» яны будуць прадстаўляць Пружанскі раён на занальным этапе, які адбудзецца 3 лістапада ў г.Кобрыне. Віншуем і жадаем поспехаў.
Суботні дзень прафілактыкі
Апошняя субота І чвэрці была прысвечана прафілактыцы бяспечных паводзін на восеньскіх канікулах: вучні 1-4 класаў наведалі гадзіну прафілактыкі “Бяспечныя паводзіны на канікулах”, а пасля шукалі самых кемлівых падчас віктарыны “Дзеці на дарозе”, для 5 -11 класаў прайшлі гадзіны зносін “Я дома і я на вуліцы. Мае правы і абавязкі” і “Мая бяспека ў маіх руках”, а таксама онлайн-віктарына “Знаўцы Правілаў дарожнага руху”. Пасля ўсе разам сустрэліся на круглым стале «Каштоўнасць жыцця — жыць» з удзелам настаяцеля Свята-Пакроўскай царквы А.В.Кавальскім. Таксама каманда настаўнікаў і вучняў школы прыняла ўдзел у раённым этапе рэспубліканскага конкурсу «ЕЛКА-ФЭСТ», які праходзіў у Цэнтры творчасці дзяцей і моладзі г. Пружаны.
Адзіны дзень інфармавання ў кастрычніку «Школа Актыўнага Грамадзяніна» (ШАГ-2)
У чацвёрты чацвер месяца — 25 кастрычніка — старшакласнікі сабраліся на адзіны дзень інфармавання «Школа Актыўнага Грамадзяніна», які ў гэтым месяцы быў прысвечаны тэме «Беларусь. Сацыяльна-эканамічныя і грамадска-палітычныя падзеі кастрычніка». Члены ГА «БРСМ» падрыхтавалі інфармацыйныя выступленні пра V Форум рэгіёнаў Беларусі і Расіі, а затым усе разам разважалі наконт асабістага ўкладу ў мерапрыемствы, прысвечаныя Году малой радзімы.
Тэматычны дзень «З Днём нараджэння, камсамол»
Серада 24 кастрычніка для старшакласнікаў школы прайшла пад дэвізам «З Днем нараджэння, УЛКСМ». Вучні 9 — 11 класаў наведалі кіналекторый «100 гадоў УЛКСМ», прынялі ўдзел у гадзіне зносін «Камсамолу 100 гадоў!». Завяршыўся дзень урачыстым уручэннем білетаў членам грамадскага аб’яднання «Беларускі рэспубліканскі саюз моладзі». Таксама напрацягу дня працавала інфармацыйная выстава «Старонкамі камсамольскага жыцця»
Героям спяваць лёгка, або «Чысціня НАШАЙ планеты ў НАШЫХ руках і ў НАШЫХ сэрцах»
Вучні 3 — 6 класаў наведалі інфармацыйныя гадзіны па папулярызацыі адказных адносін да адходаў, паасобнага збору адходаў, а таксама разам з намеснікам дырэктара па выхаваўчай рабоце Фядотавай А.А. і настаўнікам геаграфіі Чабацько С.С. прынялі ўдзел у рэспубліканскім конкурсе «Героям спяваць лёгка» на лепшы кліп пра паасобны збор адходаў на песню «Каб Планету нам ратаваць», стварыўшы кліп «Чысціня НАШАЙ планеты ў НАШЫХ руках і ў НАШЫХ сэрцах». Жадаем удзельнікам перамогі, а ўсім — адказна адносіцца да паасобнага збору адходаў.
Школа Актыўнага Грамадзяніна. Кастрычнік 2018 г.
25 кастрычніка пройдзе адзіны дзень інфармавання «ШАГ» – «Школа Актыўнага Грамадзяніна» па тэме «Беларусь. Сацыяльна-эканамічныя і грамадска-палітычныя падзеі кастрычніка».
