Другая субота месяца традыцыйна праводзіцца пад дэвізам «За здаровы лад жыцця». Не стала выключэннем і субота 9 лютага, якая пачалася з гульняў з мячом. Затым вучні наведалі віктарыну «Пра здароўе ад А да Я», а на праглядзе відэафільмаў на тэму “Быць здаровым вельмі здорава” абмяркоўвалі плюсы здаровага ладу жыцця. Каманда школы прыняла ўдзел у раённых спаборніцтвах па стральбе. Таксама вучні здзейснілі падарожжа у Белавежскую пушчу і пагутарылі з самім Дзедам Марозам.
24 студзеня старшакласнікі наведалі традыцыйны адзіны дзень інфармавання «Школа Актыўнага Грамадзяніна», які ў гэтым месяцы быў прысвечаны тэме «Беларусь сёння: захоўваючы і прымнажаючы добрыя традыцыі». Інфармацыйны блок складаўся з наступных частак «Рэспубліканскі навагодні баль для моладзі ў Палацы Незалежнасці», «XV Калядны міжнародны турнір аматараў хакея на прызы Прэзідэнта Беларусі», «XXIII рэспубліканскія спаборніцтвы сярод дзяцей і падлеткаў «Залатая шайба”, «Гульцы НХЛ правялі майстар-клас для ўдзельнікаў турніру «Залатая шайба». У рамках мерапрыемства перад навучэнцамі выступіў Чарняк Леанід Уладзіміравіч, галоўны аграном ААТ «Агра-Калядзічы», які быў узнагароджаны ў 2014 г. граматай Савета Мінстраў Рэспублікі Беларусь за дасягненне высокіх паказчыкаў па валавым зборы зернавых культур, у 2017 г. — дыпломам за 3 месца у абластных спаборніцтвах па уборцы зернавых і зернабабовых культур сярод галоўных аграномаў, і намеснік дырэктара па выхаваўчай рабоце Аляксандра Аляксандраўна Фядотава, якая была ўдзельніцай Рэспубліканскага балю выпускнікоў вышэйшых навучальных устаноў у 2011 годзе.
Суботні день беларускай навукі пачаўся са спартландыі «Алімпійскімі маршрутамі», а працягнуўся гадзінай зносін «Дасягненні беларускай навукі» і віртуальнай экскурсіяй па Нацыянальнай акадэміі навук Беларусі. Таксама вучні 3-7 класаў наведалі Пружанскі палацык, дзе змаглі праявіць свае здольнасці падчас квэста. Вучань 4 класа нашай школы Вахновіч Антон прыняў удзел у інтэлектуальным марафоне «Пазнайка – 2019».
24 студзеня пройдзе адзіны дзень інфармавання «ШАГ» – «Школа Актыўнага Грамадзяніна» па тэме «Беларусь сёння: захоўваючы і прымнажаючы добрыя традыцыі».
Падчас сустрэчы будуць разгледжаны наступныя інфармацыйныя блокі: «Рэспубліканскі навагодні баль для моладзі ў Палацы Незалежнасці»; «XV Калядны міжнародны турнір аматараў хакея на прыз Прэзідэнта Беларусі»; «XXIII рэспубліканскія спаборніцтвы сярод дзяцей і падлеткаў «Залатая шайба»; «Гульцы НХЛ правялі майстар-клас для ўдзельнікаў «Залатой шайбы».
Субота 19 студзеня прайшла ў рамках праекта «Мой выбар — жыць з пазітывам». Галоўным мерапрыествам дня стала забаўляльная праграма «На хвалі гумару», дзе пры дапамозе вясёлых конкурсаў, смешных заданняў і цікавых адказаў удзельнікі яшчэ раз даказалі сабе і ўсім прысутным «…як здорава на свеце жыць!». На працягу дня кожны жадаючы мог прыняць удзел у акцыі «Усміхнемся разам». Таксама прадстаўнікі 3 класа наведалі мерапрыемтсвы ў рамках занальнага цэнтра на базе Мокраўскага ВПК д/с-СШ, адкуль врянуліся з дыпломам ІІІ ступені.
18 студзеня на гадзіну зносін «Калядныя святкі» да вучняў пачатковых класаў завітаў настаяцель Свята-Пакроўскай царквы А.В.Кавальскі, які павіншаваў усіх прысутных з каляднымі святамі, а таксама расказаў пра адно з самых старажытных свят хрысціян — Хрышчэнні Гасподнім.
Трэці чацвер месяца ў школе традыцыйна прайшоў як адзіны дзень ведаў правілаў дарожнага руху. На гэты раз вучняў чакаў не толькі інфармацыйны экспрэс «Дарожныя знакі. Яшчэ раз аб галоўным». Вучні разам з класнымі кіраўнікамі разгадвалі крыжаванкі і паказвалі свае веды правіл дарожнага руху. Самыя хуткія і самыя правільныя адказы далі вучні 3 і 7 класаў.
