6 снежня прайшоў урок духоўнасці «Асновы для хрысціян» з удзелам настаяцеля царквы «Спорительница хлебов» Кавальскага А.В.. Настаяцель пазнаёміў вучняў з адной з царкоўных кніг, накіраваў прысутных на асноўныя правілы хрысціян і запрасіў на экскурсію ў храм.
3 снежня ў рамках тыдня прафарыентацыі і факультатываў «Мая прафесійная мара» і «Уводзіны ў аграрныя прафесіі» навучэнцы старэйшых класаў наведалі ААТ «Агра-Калядзічы». Вучням расказалі пра спецыфіку працы ў гаспадарцы, правялі па адміністрацыйным будынку гаспадаркі, а некаторыя і пасядзелі ў крэсле дырэктара. Святлана Мікалаеўна Ляўковіч расказала аб магчымасцях атрымання мэтавага накіравання для паступлення на сельскагаспадарчыя спецыяльнасці. А таксама вучні наведалі МТК у аг.Калядзічы і камбікормавы завод, на якім пазнаёміліся з асаблівасцямі вытворчасці камбікорму.
3 снежня ў рамках шэфскай работы было праведзена мерапрыемства «У краіне Піянерыі». Вучні 8 класа (шэфы) запрасілі да сябе на гадзіну зносін 5 клас, дзе ўспомнілі пра гісторыю піянерскага руху, аб атрыбутыцы, якая была раней. Педагог прадэманстравала гучанне горна і барабана. Вучні былі захопленыя і змаглі самі дакрануцца да гісторыі. А ў канцы мерапрыемства, шэфы правялі віктарыну. Мерапрыемства атрымалася яркім і запамінальным.
3 снежня навучэнцы ДУА» Хараўская сярэдняя школа» прынялі актыўны ўдзел у XII раённым інклюзіўным фестывалі #ВЫДАТНАЕ ДЗЯЦІНСТВА. Свята было прымеркавана да Міжнароднага Дня інваліда. Гэты фестываль нагадаў усім, што кожны чалавек унікальны, а творчасць, дабрыня і паразуменне — гэта вялікая сіла. Школьнікі глядзелі выступленні, натхняліся сілай духу ўдзельнікаў і вучыліся бачыць свет з розных бакоў.
У рамках тыдня «Мы за здаровае жыццё» (да Сусветнага дня прафілактыкі СНІДу) былі праведзены наступныя мерапрыемствы: свая гульня “Здароўе – гэта багацце!”, спартыўная гульня “Здаровым быць здорава”, акцыя «Дзеці супраць злачынстваў, наркотыкаў і СНІДу”, тэматычныя інфармацыйныя гадзіны.
З мэтай развіцця ў вучняў навыкаў бяспечных паводзін і бяспечнай камунікацыі ў сетцы Інтэрнэт, фарміравання інфармацыйнай культуры вучняў, папулярызацыі дыстанцыйных форм навучання ў школе прайшоў Тыдзень бяспекі ў сетцы Інтэрнэт.
З 11 лістапада па 16 лістапада ў школе прайшоў Тыдзень барацьбы з курэннем. Мэта тыдня: прафілактыка курэння сярод выхаванцаў; стварэнне ў падлеткавым асяроддзі менталітэту, заснаванага на патрэбы ў здаровым ладзе жыцця. На працягу тыдня прайшлі тэматычныя класныя і інфармацыйныя гадзіны, гадзіна зносін «Не пачынайце курыць!».
