У студзені цімураўцы правялі «Сустрэчу на ўсе 100!» з кіраўніком аб’яднання па інтарэсах «Творчая майстэрня», а пасля распрацавалі майстар-клас па вырабу сувеніраў татам на Дзень абаронцаў Айчыны і правялі яго для акцябрат школы.
28 студзеня вучні наведалі музей «Вайна — тэрыторыя міру» ў МК «Брэсцкая крэпасці». Па сваёй тэматыцы экспазіцыя з’яўляецца дадаткам існуючага Музея абароны, яна прасочвае вобраз Брэсцкай крэпасці і звязаных з ёй персаналій на дарогах вайны і пасляваеннага прызнання. Таксама хлопчыкі і дзяўчынкі пабывалі на фестывалі робатаў, дзе змаглі пазнаёміцца з робатамі і прыняць удзел у розных майстар-класах.
На апошнім тыдні студзеня ў V-VII класах у рамках работы праекта «Школа Актыўнага Грамадзяніна» прайшлі гадзіны зносін «Закон — твой сябар». Актыўны грамадзянін не толькі ведае, але паважае і выконвае Закон. Вучні пагутарылі пра Канвенцыю аб правах дзіцяці, Канстытуцыю Рэспублікі Беларусь, зазірнулі на дзіцячы прававы сайт mir.pravo.by, абмеркавалі сітуацыі, якія яшчэ раз запэўнілі, што закон — сябар для чалавека, а таксама правялі віктарыны на лепшага знаўца правоў чалавека.
Настаяцель Свята-Пакроўскай царквы А.В.Кавальскім уручыў граматы пераможцам епархіяльнага этапа Міжнароднага конкурсу дзіцячага малюнка «Прыгажосць свету Божага»
Вучні 3 — 4 класаў сустрэліся з настаяцелем Свята-Пакроўскай царквы А.В.Кавальскім на пазнавальнай праграме «Прыйшлі Каляды — пачынайце свята», дзе пагутарылі пра традыцыі святкавання Каляд, расказалі, як сёння святкуюць Каляды ў іх сем’ях, а таксама задалі свае пытанні настаяцелю.
27 студзеня для старшакласнікаў прайшоў адзіны дзень інфармавання па тэме «Гонар за Беларусь. Свет міжканфесійны, міжнацыянальны свет» (аб прыярытэтах канфесійнай палітыкі Рэспублікі Беларусь). Сустрэча пачалася з інфармацыйнага блока «Прыярытэты канфесійнай палітыкі Рэспублікі Беларусь», дзе прайшло знаёмства з асаблівасцямі канфесійнай палітыкі Рэспублікі Беларусь; абмяркоўваліся гуманныя адносіны паміж людзьмі незалежна ад іх нацыянальнасці, міжнацыянальныя і міжканфесійныя адносіны, дзейнасць рэлігійных арганізацый на тэрыторыі краіны.
26 студзеня з вучнямі аграрных класаў сустрэўся прадстаўнік Віцебскай ордэна «Знак Пашаны» дзяржаўнай акадэміі ветэрынарнай медыцыны, які паказаў відэролік пра навучанне ў акадэміі, расказаў пра ўмовы паступлення і адказаў на пытанні вучняў.
23 студзеня каманда школы «Ой, да ладно» прыняла ўдзел у ХХІХ Рэспубліканскім чэмпіянаце па настольных гульнях, які праходзіў у Цэнтры моладзевай творчасці ў г.Брэсце. Таксама старшакласнікі наведалі з экскурсійнай праграмай Брэсцкі краязнаўчы музей.
Студзень падрыхтаваў для юных рабінзонаў новыя выпрабаванні пад кодавай назвай «Лясная аптэка». Усё пачалося з задання «Лекавыя расліны», дзе спачатку акцябраты адгадвалі лекавыя расліны, а затым размалёўвалі і размяшчалі іх у дзённіку. Падчас выканання занадння «Першая дапамога» ўсе разам аказвалі дапамогу хворым толькі пры дапамозе лекавых раслін. У сваіх дзённічках хлопчыкі і дзяўчынкі запісалі якімі лекавымі раслінамі і пры якой хваробе неабходна лячыцца. Каб лячыцца лекавымі раслінамі, трэба ўмець іх збіраць. Таму трэцім заданнем стала заданне «Правілы збору лекавых раслін».
22 студзеня ў рамках работы па праекту «Мой выбар — жыць з пазітывам» прайшлі конкурс малюнкаў “Свет, у якім мне хацелася б жыць”, мультурок “Запрашаем у краіну Ералаш”, круглы стол “Шануй сваё жыццё”, гадзіна зносін “Будзем добрымі і не будзем злоснымі”.