У красавіку вучні 5-7 класаў здзейснілі эрудыт-круіз «Беларусь-мая краіна» ў рамках Школы Актыўнага Грамадзяніна. Удзельнікі не толькі завочна вандравалі па Беларусі, але і шукалі адказы на пытанні, збіралі пазлы славутасцяў краіны, а таксама малявалі сімвалы Беларусі.
28 красавіка для вучняў VІІІ — ХІ класаў прайшоў адзіны дзень інфармавання па тэме «Гонар за Беларусь. Вырашчана беларусамі» (аб развіцці сельскай гаспадаркі). Сустрэча складалася з тэматычных блокаў «Сельская гаспадарка Рэспублікі Беларусь – найважнейшая галіна эканомікі краіны» і «За моладдзю-будучыня сельскай гаспадаркі, будучыня краіны». Падчас першага блока удзельнікі пазнаёміліся з асаблівасцямі развіцця сельскай гаспадаркі ў краіне. Другі блок пачаўся з выступлення члегаў ГА «БРСМ», якія раскзалі пра герояў Беларусі А.І.Дубко, М.А.Карчміта, В.І.Крамко, В.А.Равяка і іх уклад у развіццё сельскай гаспадаркі нашай краіны, а затым у рабочых группах страшакласнікі прапаноўвалі свае бачанне развіцця сельскай гаспадаркі Пружанскага раёна.
Перадапошні месяц заданняў для акцябрат ад Рабінзона быў звязаны з экалогіяй. Акцябраты малявалі экалагічныя знакі, абмяркоўвалі мудрыя думкі аб прыродзе, шукалі жывёл сярод слоў і вырашалі скаргі лясных звяроў. Апошнім заданнем стаў відэазварот «Беражы сваю планету», у якім акцябраты заклікаюць усіх захоўваць і берагчы нашу планету Зямля.
27 красавіка школьная каманда «Святлафор» прыняла ўдзел у занальным этапе злёту атрадаў юных інспектараў дарожнага руху. Каманда стала лепшай у конкурсе «Агітацыйна-мастацкае выступленне», Скобля Аліна перамагла ў асабістым першынстве ў конкурсе «Фігурнае ваджэнне веласіпеда», Ганна Губарык — у конкурсе «Аказанне першай медыцынскай дапамогі», Маргарыта Губарык і Максім Лушчык адзначаны падарункамі як самыя юныя ўдзельнікі злёту. У выніку каманда заняла агульнае 4 месца, саступіўшы трэцяму толькі 1 бал. Віншуем з годным прадстаўленнем Пружанскага раёна і жадаем далейшых поспехаў!
26 красавіка ў школе пачалося ў вучняў пачатковых класаў з Велікоднага кірмашу. Як заўсёды — усё цікава, непрадказальна і проста выдатна. Дзякуй бацькам і дзецям за актыўны ўдзел!
25 красавіка старшакласнікі сабраліся на фестываль КВЗ, які ў гэтым навучальным годзе быў прысвечаны прафесіям. Каманды 8,9,10 і 11 класаў весела і знаходліва прэзентавалі прафесіі, адказвалі на пытанні «прафесійнай» віктарыны, капітаны каманд дэманстравалі сваё майстэрства і ў выніку лепшым стаў 8 клас.
21 красавіка для вучняў 5 — 7 класаў прайшоў урок памяці «Нам гэты свет завешчана берагчы», прысвечаны 77-годдзю Вялікай Перамогі. Урок прайшоў па наступных тэматычных блоках «Пачатак вайны», «Акупацыя», «Партызанскі рух і падпольная барацьба», «Вызваленне». Падчас урока вучні пазнаёміліся з работай інтэрактыўнай пляцоўкі «ПАТРЫЁТ.BY». Перад прысутнымі выступіла старшыня Хараўскога сельскага выканаўчага камітэта Алена Рыгораўна Пстыга. У якасці эпіграфа да ўрока абраныя словы Васіля Быкава: «Памяць аб крывавых выпрабаваннях у мінулай вайне ёсць найлепшы гарант міру і існавання розных народаў на нашай зямлі».
16 красавіка каманда юных інспектараў дарожнага руху «Святлафор» (Губарык Маргарыта, вучаніца 4 класа; Лушчык Максім, вучань 5 класа; Губарык Ганна і Аліфірук Уладзіслаў, вучні 6 класа; Салагуб Алена і Вахновіч Антон, вучні 7 класа; Кавальскі Уладзіслаў і Скобля Аліна, вучні 8 класа; кіраўнікі Фядотава Аляксандра Аляксандраўна і Вашчук Марына Мікалаеўна) заняла першае агульнакаманднае месца сярод 15 устаноў адукацыі на раённым конкурсе юных інспектараў дарожнага руху і будзе выступаць на занальным этапе конкурса, які пройдзе ў г.Баранавічы.
З мэтай выхавання прававой граматнасці навучэнцаў у адпаведнасці з заканадаўствам Рэспублікі Беларусь і павышэння матывацы да захавання «правоў» і «абавязкаў» з 11 па 16 красавіка ва ўстанове адукацыі прайшоў Тыдзень прававых ведаў. Вучні пачатковых класаў наведалі дзіцячы прававы сайт mir.pravo.by, вучні 5-7 класаў шукалі самага разумнага падчас правога брэйн-рынга, старшакласнікаў сабраў круглы стол «ВЕДАЕМ правы, РАЗУМЕЕМ абавязкі, УСВЕДАМЛЯЕМ адказнасць». Таксама прайшлі чэмпіянат па зборы пазлаў “Я і мае правы” і наведванне школьнага вугалка прававых ведаў. Тыдзень завяршыўся суботнім школьным днём правоў чалавека.
Космас заўсёды быў і застаецца адной з найбольш хвалюючых загадак чалавецтва. Яго глыбінныя далі нястомна цягнуць да сябе даследчыкаў ўсіх пакаленняў, зорнае неба зачароўвае сваёй прыгажосцю, а зоркі спрадвеку былі вернымі праваднікамі для падарожнікаў. 12 красавіка ў класах прайшлі інфармацыйныя гадзіны, прымеркаваныя да Дня касманаўтыкі.