Лагер «Сонейка». Навіны дня бяспекі
21 чэрвеня выхаванцы лагера правялі пад дэвізам «Бяспека вышэй за ўсё». Таксама сёння прайшла экскурсія ў храм іконы Божай Маці ў аг.Харава, якую правёў настаяцель А.В.Кавальскі.
Лагер «Сонейка». Навіны дня інтэлектуалаў
Панядзелак у лагеры пачаўся з дэвіза «Кемлівасць ва ўсякай справе выручыць». Сёння прайшлі інтэлектуальныя гульні «Што? Дзе? Калі?», а таксама спаборніцтвы па шашках і шахматах. Таксама сёння вучні прынялі ўдзел у майстар-класе «Як захаваць сваю асанку правільнай» і прагулцы «100 крокаў здароўя».
Дыялогавая пляцоўка да Года гістарычнай памяці “Урокі гісторыі. Высновы. Планы. Перспектывы»
18 чэрвеня прайшла яшчэ адна дыялогавая пляцоўка для старэйшых атрадаў па тэме «Урокі гісторыі. Высновы. Планы. Перспектывы». Выхаванцы звярнуліся да гістарычнага мінулага краіны, падумалі пра будучае, а таксама прынялі ўдзел у віктарыне «Шляхамі Вялікай Айчыннай вайны».
Лагер «Сонейка». Навіны дня добрых спраў
Сёння дэвізам дня сталі наступныя словы: «Ні дня без добрай справы», таму з самага ранку атрады адправіліся рабіць добрыя справы: старэйшыя дапамагалі малодшым апранацца, малодшыя дапамагалі старэйшым наводзіць парадак у кабінетах, кожны прыняў удзел у акцыі «Чысты школьны двор». Таксама сёння адбылася экскурсія ў Палац Культуры, дзе для выхаванцаў лагера правялі майстар-клас па малаяванні на дрэве, і таксама экскурсія ў Пружанскі адзел па надзвычайных сітуацыях, дзе хлопчыкаў і дзяўчынак пазнаёмілі з пажарнай тэхнікай і абсталяваннем.
Лагер «Сонейка». Навіны дня маёй Радзімы
17 чэрвеня ў лагеры быў прысвечаны Рэспубліцы Беларусь і прайшоў пад дэвізам «Родная зямля грэе і аберагае». Дзень пачаўся з урачыстай лінейкі «Нашы сімвалы — наш гонар», а працягнуўся спартландыямі «За спартыўную Беларусь». Таксама ў атрадах прайшлі гульні-конкурсы да 140-годдзя з дня нараджэння Я.Коласа і Я.Купалы «І сёння з намі Колас і Купала».
Урачыстая лінейка «Нашы сімвалы — наш гонар»
17 чэрвеня з мэтай выхавання ў дзяцей паважлівых адносін да дзяржаўных сімвалаў, фарміравання паняцця, што дзяржаўная сімволіка – гэта агульнаграмадзянская каштоўнасць у прышкольным лагеры «Сонейка» прайшла ўрачыстая лінейка «Нашы сімвалы — наш гонар». Падчас лінейкі прагучалі вершы пра дзяржаўныя сімвалы Рэспублікі Беларусь, камандзіры атрадаў атрымалі права падняць дзяржаўны сцяг Рэспублікі Беларусь. Завяршылася сустрэча сумесным выкананннем гімна нашай краіны.
Круглы стол «Аб брыдкаслоўі і культуры паводзін» з удзелам настаяцеля Свята-Пакроўскай царквы А.В.Кавальскага
Выхаванцы прышкольнага лагера «Сонейка» сустрэліся з настаяцелем Свята-Пакроўскай царквы А.В.Кавальскім на круглым стале «Аб брыдкаслоўі і культуры паводзін», дзе абмеркавалі правілы культурных паводзін у сучасным грамадстве, а таксама пытанне брыдкаслоўя сярод падлеткаў. Напрыканцы сустрэчы атрады змаглі задаць настаяцелю свае пытанні.
Лагер «Сонейка». Навіны дня турыста
Сапраўдныя турысты заўсёды ходзяць у паходы, таму выхаванцы лагера «Сонейка» адразу пасля сняданка адправіліся на р.Ясельда. Па дарозе атрады знаёміліся з лекавымі раслінамі, паглядзелі на славутасці аграгарадка, а на Ясельдзе разбілі лагер, падрыхтавалі турыстычнае меню, лавілі рыбу, праўда, пасля загадалі жаданні і выпусцілі ўлоў назад у раку. Сонечнае надвор’е і добры настрой суправаджалі выхаванцаў увесь дзень.
Школа Актыўнага Грамадзяніна. Лета-час дзейнічаць. Самакіраванне — гэта школа юнага лідара!
16 ліпеня ШАГ быў прысвечаны самакіраванню. Выхаванцы лагера вучыліся працаваць у камандзе, спрабавалі сябе ў ролі лідараў школьнага самакіравання, пазнаёміліся з дзейнасцю школьнага самакіравання і напрыканцы сустрэчы выпрацавалі 10 правіл сапраўднага лідара.
Лагер «Сонейка». Навіны дня экалогіі
15 ліпеня выхаванцы лагера жылі пад дэвізам «Беражы сваю планету, бо іншай у нас няма», а гэта значыць, што 15 ліпеня ў лагеры прайшоў дзень экалогіі. Атрады зрабілі выставы экалагічных знакаў, паўдзельнічалі ў пазнавальнай праграме «Экалогія і я», здзейснілі прагулку «Прырода нашага краю».