Свята першага званка
1 верасня ў 9.00 Хараўская сярэдняя школа па традыцыі сабрала вучняў, бацькоў, гасцей на свята, прысвечанае пачатку новага навучальнага года. Са словамі віншавання да ўсіх прысутных звярнуўся намеснік старшыні Пружанскага райвыканкама Сяргей Міхайлавіч Гук, які ўручыў школе спартыўны інвентар і камп’ютар. Таксама са словамі віншавання выступілі старшыня Хараўскога сельскага выканаўчага камітэта Алена Рыгораўна Пстыга і старшыня прафсаюзнага камітэта ААТ «Белавежскі» філіяла «Айчына» Алена Маркаўна Міхалевіч.
Урачыстае мерапрыемства «Першы званок»
Дзяржаўная ўстанова адукацыі «Хараўская сярэдняя школа» запрашае навучэнцаў і іх бацькоў на ўрачыстае мерапрыемства «Першы званок», прысвечанае пачатку 2022/2023 навучальнага года, якое адбудзецца 1 верасня 2022 года ў 09.00.
Вынікі конкурсу педагагічнага майстэрства спецыялістаў выхаваўча-аздараўленчых устаноў адукацыі
У рамках рэспубліканскай акцыі «Мары нараджаюцца — мары спраўджваюцца!» з 17 па 19 жніўня 2022 года ва ўстанове адукацыі “Нацыянальны дзіцячы адукацыйна-аздараўленчы цэнтр “Зубронак» адбыўся заключны этап рэспубліканскага конкурсу педагагічнага майстэрства спецыялістаў выхаваўча-аздараўленчых устаноў адукацыі “Мар! Дзейнічай! Перамагай!». Брэсцкую вобласць прадстаўляла педагагічная каманда выхаваўча-аздараўленчай установы адукацыі «Сонейка» дзяржаўнай установы адукацыі «Хараўская сярэдняя школа». У намінацыі «Лепшы педагог выхаваўча-аздараўленчай установы адукацыі» дыпломам 1 ступені ўзнагароджана Фядотава Аляксандра Аляксандраўна, кіраўнік каманды аздараўленчага лагера «Сонейка». Педагагічная каманда аздараўленчага лагера «Сонейка» ўзнагароджана дыпломам «За актыўны ўдзел у конкурсе педагагічнага майстэрства спецыялістаў выхаваўча-аздараўленчых устаноў адукацыі». Віншуем і ганарымся!
Удзел у святочным канцэрце, прымеркаваным да жнівеньскай канферэнцыі педагагічных работнікаў раёна
Актывісты піянерскай дружыны імя П.І.Клімука прынялі ўдзел у святочным канцэрце, прымеркаваным да жнівеньскай канферэнцыі педагагічных работнікаў раёна.
Удзел у Летнім квэсце
23 чэрвеня школьная каманда прыняла ўдзел у гульні «Летні квэст», якая праходзіла на базе СШ №1 г.Пружаны ў рамках Комплекса мерапрыемстваў па рэалізацыі праграмы «Забота».
Экскурсія на выратавальную станцыю і ў музей
23 чэрвеня старэйшыя атрады лагера «Сонейка» наведалі выратавальную станцыю на Пружанскім возеры, дзе прынялі ўдзел у майстар-класе па ратаванні на вадзе, а таксама музей у сярэдняй школе №1 г.Пружаны, дзе даведаліся пра падзеі Вялікай Айчыннай вайны на тэрыторыі Пружаншчыны.
Лагер «Сонейка». Навіны алімпійскага дня
23 чэрвеня — Міжнародны Алімпійскі дзень, таму дэвізам дня сталі знакамітныя словы ўсіх спартсменаў «Хутчэй. Вышэй. Мацней». Сёння ў лагеры прайшлі алімпійскія ўрокі «Беларусы на Алімпійскіх гульнях», Малыя Алімпійскія гульні і выстава малюнкаў «Мой любімы від спорта».
Школа Актыўнага Грамадзяніна. Лета-час дзейнічаць. Памяці герояў будзем дастойныя!
23 чэрвеня выхаванцы лагера «Сонейка» наведалі Школу Актыўнага Грамадзяніна. Сустрэча «Памяці герояў будзем дастойныя» праводзілася з мэтай фарміравання пачуцця патрыятызму, любові да Радзімы, гонару за сваю краіну на прыкладзе гераічных учынкаў людзей у ваенны час. Члены ГА «БРСМ» прачыталі вершы пра вайну, піянеры расказалі пра подзвігі сваіх равеснікаў-герояў Вялікай Айчыннай вайны. Завяршылася мерапрыемства хвілінай маўчання.
Экскурсія ў г.Брэст
22 чэрвеня вучні наведалі з экскурсійнай праграмай Брэсцкую-крэпасць і і Музей чыгуначнай тэхнікі. Напрыканцы экскурсіі ўсіх чакаў вяровачны парк і батутны цэнтр.