10 верасня члены ГА «БРСМ» сабраліся за круглым сталом, каб абсудзіць планы на новы навучальны год. Пасля прайшла гульнёвая праграма «Моладзевы квіз», дзе перамогу святкавалі вучні 11 класа. Завяршылася сустрэча прыемным салодкім сталом для ўсіх удзельнікаў свята.
З мэтай фарміравання жыццяўстойлівых пазіцый у падлеткаў, падахвочванне да разважанняў аб каштоўнасці чалавечага жыцця і непаўторнасці свайго ўласнага жыцця ў школе прайшоў Тыдзень «Мастацтва жыць». Вучні прынялі ўдзел у занятку з элементамі трэнінгу «Вучымся думаць пазітыўна”, малявалі свае шчаслівыя мары. Завяршыўся тыдзень акцыяй “Усмешка на дзень – усмешка на ўсё жыццё”.
У рамках тыдня прайшлі спартыўныя спаборніцтвы па піянерболу паміж 5 — 7 класамі, конкурс малюнкаў “Мой любімы від спорту” паміжвучнямі пачатковай школы, а старшакласнікі наведалі алімпійскі ўрок “Беларусы на Алімпійскіх гульнях”. На працягу тыдня працавала выстава, дзе можна было больш падрабязна пазнаёміцца з відамі спорту, а таксама пачытаць парады да здаровага ладу жыцця.
Дзень беларускага пісьменства ў нашай краіне з’яўляецца нацыянальным святам і адзначаецца кожны год у першую нядзелю верасня. Таму традыцыйна ў школе першы тыдзень верасня праводзіцця тыдзень беларускай пісьменнасці. У новым навучальным годзе вучні наведалі інфармацыйны веснік “Добруш сустракае Дзень беларускага пісьменства”. Пачатковая школа прыняла ўдзел у віктарыне «Зямля пад белымі крыламі”, для 5 — 7 класаў прашла пазнавальная праграма “Па-беларуску слухаць і чытаць – мову нашу спасцігаць”, с таршакласнікі наведалі літаратурную гасцёўню “Пявучая, дзіўная, родная мова”. На працягу тыдня працавала інтэрактыўная пляцоўка «Родныя словы на роднай мове».
Першы ўрок «Гістарычная памяць — дарога ў будучыню» ў новым навучальным годзе быў прысвечаны Году гістарычнай памяці. Гістарычная памяць – гэта захаванне і перадача нашчадкам ведаў аб гісторыі сваёй Айчыны, культуры, веры, гераізме продкаў, традыцыях і нацыянальных каштоўнасцях. Толькі дзякуючы памяці можна пераадолець час, злучыць мінулае і будучыню. Гістарычная памяць – гэта тое, што яднае кожнага з нас з іншымі беларусамі. Захоўваць памяць, берагчы памяць (гістарычную памяць!) нашага беларускага народа — абавязак кожнага з нас. Давайце будзем годнымі грамадзянамі сваёй Радзімы, будзем любіць, абараняць, берагчы нашу Радзіму, Рэспубліку Беларусь!
1 верасня ў 9.00 Хараўская сярэдняя школа па традыцыі сабрала вучняў, бацькоў, гасцей на свята, прысвечанае пачатку новага навучальнага года. Са словамі віншавання да ўсіх прысутных звярнуўся намеснік старшыні Пружанскага райвыканкама Сяргей Міхайлавіч Гук, які ўручыў школе спартыўны інвентар і камп’ютар. Таксама са словамі віншавання выступілі старшыня Хараўскога сельскага выканаўчага камітэта Алена Рыгораўна Пстыга і старшыня прафсаюзнага камітэта ААТ «Белавежскі» філіяла «Айчына» Алена Маркаўна Міхалевіч.
Дзяржаўная ўстанова адукацыі «Хараўская сярэдняя школа» запрашае навучэнцаў і іх бацькоў на ўрачыстае мерапрыемства «Першы званок», прысвечанае пачатку 2022/2023 навучальнага года, якое адбудзецца 1 верасня 2022 года ў 09.00.
У рамках рэспубліканскай акцыі «Мары нараджаюцца — мары спраўджваюцца!» з 17 па 19 жніўня 2022 года ва ўстанове адукацыі “Нацыянальны дзіцячы адукацыйна-аздараўленчы цэнтр “Зубронак» адбыўся заключны этап рэспубліканскага конкурсу педагагічнага майстэрства спецыялістаў выхаваўча-аздараўленчых устаноў адукацыі “Мар! Дзейнічай! Перамагай!». Брэсцкую вобласць прадстаўляла педагагічная каманда выхаваўча-аздараўленчай установы адукацыі «Сонейка» дзяржаўнай установы адукацыі «Хараўская сярэдняя школа». У намінацыі «Лепшы педагог выхаваўча-аздараўленчай установы адукацыі» дыпломам 1 ступені ўзнагароджана Фядотава Аляксандра Аляксандраўна, кіраўнік каманды аздараўленчага лагера «Сонейка». Педагагічная каманда аздараўленчага лагера «Сонейка» ўзнагароджана дыпломам «За актыўны ўдзел у конкурсе педагагічнага майстэрства спецыялістаў выхаваўча-аздараўленчых устаноў адукацыі». Віншуем і ганарымся!
