Вечар сустрэчы з выпускнікамі
4 лютага школа сустракала сваіх выускнікоў у горадзе Дзяцінства. Пасля слоў мэра горада і па сумяшчальніцтву дырэктара школы Сідарук Ніны Міхайлаўны ўсе прысутныя адправіліся ў падарожжа па вуліцах і праспектах горада Дзяцінства. Выпускнікі добра справіліся з выпрабаваннямі, а вучні школы падарылі ім свае творчыя нумары. Прыемнай нечаканасцю стаў танцавальны батл «Вучні супраць настаўнікаў», дзе перамогу святкавала дружба. Завяршыўся вечар словамі фінальнай песні «Школа заўсёды чакае цябе…».
Дзень 24 студзеня для дзевяцікласнікаў школы запоўніцца назаўсёды. Сёння іх урачыста прымалі ў члены грамадскага аб’яднання «Беларускі рэспубліканскі саюз моладзі». Пасля стоў віншавання дырэктара школы перад старшакласнікамі выступілі начальнік аддзела ідэалагічнай работы і па справах моладзі Пружанскага раённага выканаўчага камітэта Момлік Аляксандр Канстанцінавіч і першы сакратар раённага камітэта грамадскай арганізацыі «Беларускі рэспубліканскі саюз моладзі» Апаляйчук Ульяна Васільеўна. Таксама словы віншавання гучалі ад сакратарам школьнай пярвічкі Ангеліны Жур і старшыні Савета дружыны імя П.І.Клімука Ганны Губарык. Таксама піянеры школы выступілі з канцэртнай праграмай. Пасля сустрэчы для вучняў 9 класа прайшла інтэлектуальная гульня «Мая Беларусь», а вучні 10-11 класаў сустрэліся на дыялогавай пляцоўцы, прысвечанай Міжнароднаму дню памяці ахвяр Халакосту, які адзначаецца 27 студзеня.
Падтрымліваць сваё здароўе — адна з асноўных абавязкаў кожнага чалавека! Таму самы час акцябратам успомніць пра тое, як гэта можна рабіць у паўсядзённым жыцці і выканаць трэцяе заданне акцябрацкага маршруту. 21 студзеня акцябраты школы прынялі ўдзел у квэсце «Здароўе — гэта здорава», які падрыхтавалі піянеры сумесна з членамі ГА «БРСМ». За парадак падчас правядзення гульні адказвалі члены школьнага атраду аховы правапарадку «Віцязі». Тры каманды акцябрат адправіліся ў падарожжа па станцыях, дзе іх чакалі Эрудыт, сустрэча з трыма Клавамі, «здаровыя» склады слоў і многае іншае. Каманда, якая атрымала больш за ўсіх здаравячкоў, хутчэй сабрала пазл і стала пераможцай гульні. Кожны ўдзельнік атрымаў карысны для здароўя і для вучобы падарункі. 
Піянеры і актывісты ГА «БРСМ» павіншавалі з навагоднімі святамі пажылых людзей у рамках рэспубліканскай дабрачыннай акцыі «Ад усёй душы».
Першыя інфармацыйныя гадзіны ў ІІІ чвэрці прайшлі па тэме «2023 год у Рэспубліцы Беларусь — год міру і стварэння». Старасты разам з класнымі кіраўнікамі пазнаёмілі вучняў з вытрымкамі Указа №1 ад 1 студзеня 2023 года, а таксама з ключавымі напрамкамі новага 2023 года. 
Зімовыя канікулы для вучняў школы выдаліся насычанымі на мерапрыемствы, конкурсы, віктарыны, акцыі. Вучні паспелі прыняць удзел у акцыі «Цуды на Каляды», выканаць заданнні снежня ў праекце «Цімураўцы.by», згуляць на раённых этапах квэстаў «Па слядах Перамогі», а таксама прыняць удзел у анлайн-праекце «Зімовы марафон». Ужо стала добрай традыцыяй самых актыўных удзельнікаў канікул, а таксама пераможцаў анлайн-праекта ўзнагароджваць дыпломамі і падарункамі падчас агульнашкольнай лінейкі, прысвечанай пачатку ІІІ чвэрці.
4 студзеня для ўдзельнікаў праекта быў абвешчаны Днём прагулак. Пасля знаёмства з памяткай «Правілы паводзін вучняў на дарозе зімой, або Навошта чалавеку флікер» удзельнікі абправіліся на прагулкі па сваіх вёсках і аграгарадках. Таксама сёння каманда акцябрат школы «Нашчадкі» (Наджафаў Давід, Кадука Арцём,вучні 4 класа і Імховік Вераніка, Гузарэвіч Андрэй, Рудзіч Мікалай, вучні 3 класа) заняла 4 месца раённым этапе квэста «Па слядах Перамогі».
29 снежня ў школе для вучняў прайшлі навагоднія святы. У гэты дзень акрамя Дзеда Мароза і Снягуркі да хлопчыкаў і дзяўчынак завіталі Бабуся Ягуся, Забавушка і Занудушка, вядомыя блогершы, а таксама жыхары казачнага лесу. Святы прайшлі цікава і весела. Няхай так жа пройдзе ўвесь надыходзячы 2023 год.
У апошнія дні ІІ чвэрці піянеры школы сумесна з членамі ГА «БРСМ» правялі акцыю «Піянеры запрашаюць у Новы год», дзякуючы якой у школе цяпер з’явілася 3 новых елачкі, а на іх 135 шарыкаў-пажаданняў — ад вучняў, настаўнікаў і работнікаў школы.