З 28 лістапада па 3 снежня ў школе праходзіў Тыдзень «Мы за здаровае жыццё!» (да Сусветнага дня прафілактыкі СНІДу)
Традыцыйна ў канцы лістападу — пачатку снежня ў школе праходзіць Тыдзень «Мы за здаровае жыццё!» (да Сусветнага дня прафілактыкі СНІДу). Вучні 5-7 класаў прынялі ўдзел у гульні “Здароўе – гэта багацце!”, для вучняў пачатковых класаў прайшлі гадзіны зносін “Правілы асабістай гігіены». Старшакласнікі сабраліся на кіналекторыі “Мы супраць наркотыкаў і ВІЧ-інфекцыі”. 1 снежня, у Сусветны дзень прафілактыкі СНІДУ прайшла акцыя «Дзеці супраць злачынстваў,наркотыкаў і СНІДу”.
28 лістапада члены пярвічнай арганізацыі ГА «БРСМ» прынялі ўдзел у інтэлектуальна-забаўляльнай гульні «Маладзёжны квіз». Пяць каманд спрачалася за званне самых кемлівых і хуткіх, а таксама самых дружных і разумных. У цікавай і шумнай барацьбе перамога засталася за камандай 10 класа. Арганізатарам квіза для старшакласнікаў сумесна з намеснікам дырэктара па выхаваўчай рабоце А.А.Фядотавай выступіў актыў піянерскай дружыны імя П.І.Клімука. Школьныя этапы «Акцябрацкага», «Піянерскага» і «Маладзёжнага» квізаў прайшлі, і надышоў час для падыхтоўкі на раённыя этапы. Пажадаем поспехаў усім прадстаўнікам каманд! 
Вучні на класных і інфармацыйных гадзінах нагадалі правілы паводзін у сетцы Інтэрнэт. Таксама для вучняў пачатковых класаў прайшоў конкурс загадак “Загадкі ад спадара Інтэрнэта”, вучні 5 — 7 класаў шукалі самых разумных падчас віктарыны «Бяспечны інтэрнэт», а вось старшакласнікі сустрэліся на прававой гасцёўні “Правапарушэнні і злачынствы ў сетцы Інтэрнэт. Прававая адказнасць”. У рамках урокаў інфарматыкі адбыліся прафілактычныя гутаркі “Твая інфармацыйная бяспека”.
У чацвёртую суботу месяца школу наведалі мамы старшакласнікаў, для якіх прайшла свая гульня «Дарослыя або дзеці». У выніку перамогу атрымала каманда дзяцей, якім дарослыя саступілі некалькі балаў. Таксама сёння прайшлі гадзіна зносін “Сям’я – гэта…”, мультурок “Пра сям’ю і дабрыню”. Школьная каманда па інтэлектуальных гульнях «Ой, да ладненько» прыняла удзел у абласным сінхронным турніры па гульні “Што? Дзе? Калі?”. 
На чацвёртым тыдні лістапада вучні V-VII класаў правялі адкрыты мікрафон «Наша школа праз 10 гадоў» у рамках работы праекта «Школа Актыўнага Грамадзяніна». Перад вучнямі выступілі настаўніца замежнай мовы Раіса Васільеўна Кананюк, якая ўжо многа гадоў выкладае ў Хараўское школе і яна расказала пра мінулае школы, Скобля Юлія Мікалаеўна, цяпер настаўніца, а раней вучаніца школы. А пасля ўсе разам склалі плакаты на тэму «Якой будзе мая школа праз 10 гадоў».
24 лістапада для вучняў VІІІ — ХІ класаў прайшоў адзіны дзень інфармавання па тэме «Гонар за Беларусь. Наша прамысловасць-надзейны падмурак незалежнасці». Старашкласнікі даведаліся пра развіццё машынабудавання, хімічнай і нафтахімічнай прамысловасці, вытворчасць калійных угнаенняў.
У лістападзе ўдзельнікі рэспубліканскага піянерскага праекта «Цімураўцы.by» паспрабавалі сабе ў ролі «медыкаў». Спачатку дружная каманда акцябрат, піянераў і членаў ГА «БРСМ» распрацавала «Лістоўкі здароўя», 
З тэрыторыі творчасці пачалі сваё падарожжа атрад акцябрат «Летуценнікі» па рэспубліканскім акцябрацкім маршруце «Тэрыторыя дзяцінства». Хлопчыкі і дзяўчынкі пазнаёміліся з новай тэхнікай малявання «Дудлінг», а таксама склалі партрэт свайго атрада. Час прайшоў цікава і карысна, а яшчэ вельмі дружна, таму што акцябраты дапамаглі адзін аднаму, падказвалі, які ўзор лепш выбраць. Заданні лістапада паспяхова выкананы, а значыць наперадзе «Летуценнікаў» чакае новая тэррыторыя. Якая? Гэта пакуль што сакрэт. 
Трэцяя субота месяца ў школе традыцыйна прысвечана працоўнаму выхаванню і прафесійнай арыентацыі. Сёння прайшоў конкурс малюнкаў “Мая будучая прафесія”, мультурок “Калейдаскоп прафесій”, а таксама гульнёвая праграма “У свеце прафесій” і акцыя «Мая дапамога кніжкам».
Члены ГА «БРСМ» сумесна з піянерамі дружыны імя П.І.Клімука прынялі ўдзел у акцыі «Абеліск», мэта якой -добраўпарадкаванне тэрыторыі, прылеглай да помнікаў воінаў, якія загінулі ў гады Вялікай Айчыннай вайны.