20 чэрвеня актывісты піянерскай дружыны імя П.і. Клімука разам з актывам ГА «БРСМ» прынялі ўдзел у раённай інклюзійнай спартыўнай акцыі «Інклюзійны пікнік», якая праходзіла ў рамках Тыдня моладзі. Актывісты парадавалі ўсіх танцам «Тэрыторыя дзяцінства», а затым выступілі валанцёрамі на пляцоўках. Свята прайшло ярка, цікава, весела і разам з БРПА.
10 чэрвеня ва ўстанове адукацыі выпускнікам былі ўручаны атэстаты аб агульнай сярэдняй адукацыі, сярод якіх залаты медаліст Зыбін Арцём. Пасля ўрачыстай часткі выпускнікі запрасілі ўсіх гасцей у падарожжа па школьным жыцці выпуску-2023. Дамавічок і Апошні званок увесь вечар намагаліся выправадзіць выпуснікоў са школы. Але ўсе ж напрыканцы вечара самі ўручылі былым адзіннаццацікласнікам «ключыкі» і запрашэнне на вечар сустрэчы з выпускнікамі. Завяршыўся вечар сумеснай песняй выпускнікоў і вучняў школы «А ведаеш, усё яшчэ будзе..»
Летнія канікулы пачынаюцца з Міжнароднага дня абароны дзяцей. Сёння хлопчыкі і дзяўчынкі прынялі ўдзел у конкурсе малюнкаў на асфальце “Маё шчаслівае дзяцінства”, а рухомыя гульні на свежым паветры праходзілі пад матывы любімых песен пра лета. Жадаючыя змаглі не проста пагуляць з мячом, а яшчэ і патанчыць на свежым паветры.
31 мая вучні 5-6 класаў здзейснілі паход. Загаддзя хлопчыкі і дзяўчынкі падрыхтавалі схему маршрута, вызначылі кропкі прыпынку. Падчас паходу вучні наведалі царкву ў аг.Харава, успомнілі правілы паводзін у лесе, назбіралі лекавых раслін і добра адпачылі.
Савет старшакласнікаў 31 мая правёў інфармацыйную кампанію да Суственага дня без тытуню. Актывісты школьнага самакіравання яшчэ раз нагадалі пра ток, што курэнне шкодзіць здароўю. А яшчэ нагадалі пра правілы здаровага ладу жыцця.
31 мая для вучняў І-VІІІ і ІХ класаў прайшла святочная лінейка, якая абвясціла пра пачатак летніх канікул. Пасля слоў віншавання ад дырэктара школы Сідарук Ніны Міхайлаўны на мерапрыемства завіталі выпускнікі 11 класса, якія разам з актывам школы і правялі лінейку. Выдатнікі і самыя актыўныя вучні былі ўзнагароджаны дыпломамі ўстановы адукацыі.
25 мая для выпускнікоў ІХ і ХІ класаў прагучаў апошні званок. Словы віншавання бацькам, выпускнікам, педагагічнаму калектыву прагучалі ад Пстыга Алены Грыгор’еўны, старшыні Хараўскога сельскага выканаўчага камітэта, і дырэктара школы Сідарук Ніны Міхайлаўны. Творчы падарунак падрыхтавалі вучні пачатковых класаў, а таксама актыў піянерскай дружыны і актыў пярвічнай арганізацыі ГА «БРСМ».
20 мая ўпершыню прайшоў фінал раённага конкурсу на лепшую піянерскую дружыну «Мы выбіраем БРПА». Сёння нашы акцябраты і піянеры разам са старэйшым важатым Фядотавай Аляксандрай Аляксандраўнай годна прадставілі дружыну і павезлі дадому пераходны кубак «Правафлангавая піянерская дружына Пружанскага раёна». Акцябраты і піянеры ўсёй дружынай як заўсёды актыўна правялі гэты навучальны год, прынялі ўдзел і атрымалі перамогі ў многіх конкурсах БРПА… і яшчэ раз даказалі, што лепшая дружына Пружанскага раёна-дружына імя П.І.Клімука.
19 мая ў піянерскай дружыне імя П.І. Клімука прайшло традыцыйнае вялікае піянерскае свята, прысвечанае Дню піянерскай дружбы. На свяце прагучалі словы віншавання ад дырэктара школы Сідарук Ніны Міхайлаўны, сакратара п/а ГА «БРСМ» Жур Ангеліны, старшыні Савета дружыны Губарык Ганны. Лепшыя акцябраты і піянеры былі ўзнагароджаны дыпломамі. Галоўнай падзеяй стаў урачысты прыём у піянеры акцябрат 4 класа. У канцы свята рысёнак Вогнік пажадаў усім: «Яркага лета» і ўручыў невялікія падарункі.
Каманда школы (Давідзенка Вадзім, Скобля Максім, Баландзіна Міраслава,вучні 10 класа; Кавальскі Уладзіслаў, Ліпіч Вераніка, Мірзаеў Рустам, Марчык Мікіта, вучні 9 класа; Крохмаль Максім, Салагуб Алёна, вучні 8 класа; Крывашэева Наталля, вучаніца 7 класа) прынялі ўдзел у раённым этапе ваенна-патрыятычнай гульні «Арлёнак-2023», дзе занялі 1 месца ў конкурсе «Візітная картка».