7 чэрвеня — Сонечны дзень знаёмстваў
7 чэрвеня прышкольны лагер «Сонейка» адчыніў свае дзверы для хлопчыкаў і дзяўчынак. Першы дзень быў прысвечаны знаёмствам: адзін з адным, з тэрыторыяй лагеря і выхавацелямі. Дзень прайшоў хутка і весела.
Суботні дзень бяспечнага лета
У апошнюю школьную суботу вучні школы яшчэ раз успомнілі правілы паводзін падчас летніх канікул, а таксама весела і карысна правялі час.
Бывай, пачатковая школа!
Пад такой назвай у 4 класе прайшоў ранішнік, на які сабраліся настаўнікі, вучні і бацькі. Падчас ранішніка лепшым вучням былі ўручаны дыпломы, бацькам — падзякі. Прыемным сюрпрызам стала песня, якую выканалі бацькі сваім вучням.
Бацькоўскі сход «Захаванне здароўя дзяцей і адказнасць бацькоў і іншых законных прадстаўнікоў за выхаванне і ўтрыманне дзяцей»
22 мая ў школе прайшоў бацькоўскі сход «Захаванне здароўя дзяцей і адказнасць бацькоў і іншых законных прадстаўнікоў за выхаванне і ўтрыманне дзяцей» з удзелам суб’ектаў прафілактыкі з Пружанскага РАНС, з дзяржаўнай аўтаінспекцыі. Таксама перад бацькамі выступіў участковы інспектар А.В.Сарока.
«Будзь гатоў!»
19 мая піянеры і акцябраты школы прынялі ўдзел у VІІІ раённым злеце прадстаўнікоў ГА «БРПА», падчас якога акцябраты былі прыняты ў піянеры. Пасля піянеры нашай школы ўсклалі кветкі ля помніка «Спаленым вёскам».
Да Сусветнага дня памяці ахвяр СНІДу
Да Сусветнага дня памяці ахвяр СНІДу старшакласнікі правялі гадзіну зносін «Жыць нягледзячы ні на што», вучні 5 — 8 класаў прынялі ўдзел у спартыўным мерапрыемствы «Займаючыся спортам, захаваем здароўе!», а таксама членамі БРСМ была праведзена акцыя «Трэцяя нядзеля мая», прысвечаная Міжнароднаму дню памяці людзей, якія памерлі ад СНІДу.
Суботні дзень сям’і і сяброўства
У гэту суботу хлопчыкі і дзяўчынкі наведалі круглы стол «На чым трымаецца сям’я», прынялі ўдзел у спартыўных спаборніцтвах “Займаючыся спортам, захаваем здароўе”, старшакласнікі сталі ўдзельнікамі дыспута “Сяброўства онлайн або“ўжывую”?”, а піянеры наведалі гасцёўню «БРПА-мая сям’я». Таксама членамі БРСМ была праведзена акцыя «Трэцяя нядзеля мая», прысвечаная Міжнароднаму дню памяці людзей, якія памерлі ад СНІДу.
Мерапрыемствы да Дня сям’і
З 15 па 19 мая вучні школы прынімалі ўдзел у мерапрыемствах, прысвечаных Дню сям’і. Сярод пачатковых класаў прайшоў конкурс малюнкаў «Мая дружная сям’я», піянеры школы сутсрэліся на гасцёўні «БРПА — мая сям’я», а старшакласнікі выказвалі свае меркаванні за круглым сталом «На чым трымаецца сям’я».
Дзякуй Салдатам Перамогі!
Пад такой назвай у школе прайшоў конкурс інсцэніраванай патрыятычнай песні, дзе першае месца раздзялілі кампазіцыі 8 і 9 класаў, а прыз глядацкіх сімпатый дастаўся дзяўчынкам 9 класа.