Здаецца, учарашнія першакласнікі, а сёння ўжо выпускнікі.

13 чэрвеня педагагічны калектыў, выпускнікі і бацькі сабраліся разам, каб адзначыць урачысты момант уручэння атэстатаў аб агульнай сярэдняй адукацыі, да якога нашы выпускнікі ішлі 11 гадоў.

З пажаданнем да выпускнікоў звярнулася Ніна Міхайлаўна Сідарук – дырэктар школы, якая падкрэсліла адзінства вучняў і настаўнікаў на працягу навучання. Кожны з вас пойдзе па сваёй непаўторнай жыццёвай сцежцы, па-рознаму складуцца вашы лёсы. Кожнага чакаюць узлёты і падзенні, але тыя веды, якія вы атрымалі ў школе, прывядуць вас толькі да перамог. Выпуснікам дырэктарам школы былі ўручаны атэстаты аб агульнай сярэдняй адукацыі, пахвальныя лісты.

12 чэрвеня адбылося ўрачыстае ўручэнне пасведчанняў аб агульнай базавай адукацыі вучням 9 класаў. З найлепшыми словами пажаданняў да выпускнікоў звярнулася дырэктар школы Сідарук Ніна Міхайлаўна, класны кіраўнік Імховік Наталля Аляксандраўна, бацькі выпускнікоў.

31 мая для навучэнцаў 1-8-х і 10-га класаў адбылася ўрачыстая лінейка, прысвечаная заканчэнню 2024/2025 навучальнага года. Па традыцыі ў гэты дзень у школе сабраліся госці, педагогі ўстановы, навучэнцы і іх бацькі. На лінейцы былі адзначаны дзеці, якія на працягу ўсяго навучальнага года актыўна заяўлялі пра сябе і дастойна прадстаўлялі школу ў конкурсах, спаборніцтвах і мерапрыемствах розных напрамкаў, прадметных алімпіядах, а таксам сем’і, якія актыўна прымалі ўдзел жыцці школы. Добрых канікул!

Сёння вучні першых класаў развітваліся з букваром. У жыцці ўсё пачынаецца з малога: хлеб — з зярнятка, сонейка — з праменьчыка, дом — з цаглінкі, а веды — з першай кніжкі, якую дзіця прачытала само. Гэта першая добрая кніжка для многіх нашых дзяцей — Буквар. Ён з 1 верасня вучыў нашых першаклашак добраму, светламу і добраму. І мы ўдзячныя яму, і прысвяцілі яму сёння нашае свята.

24 мая ў школе прайшла ўрачыстая лінейка, прысвечаная святу «Апошняга званка» для вучняў 9,11 класаў. Кожны на ўсё жыццё запамінае свой апошні званок у школе, а тыя, хто яго яшчэ не перажыў, мараць пра гэту жаданую і доўгачаканую падзею. З добрымі словамі  да выпускнікоў у гэты дзень звярнуліся дырэктар школы Сідарук Ніна Міхайлаўна, намеснік старшыні Пружанскага райвыканкама Супрыновіч Руслан Васільевіч, настаяцель храма «Спорительница хлебов» у аг.Харава іерэй Кавальскі Анатолій Васільевіч, Старшыня Хараўскога сельскага савета Пстыга Алёна Рыгораўна, намеснік дырэктара па ідэалагічнай рабоце ААТ «Агра-Калядзічы» Гук Аляксандр Васильевич, першая настаўніца Драздова Вольга Антонаўна, класны кіраўнік Баран Іна Фёдараўна, бацькі выпускнікоў. У добры шлях, выпускнікі!

З мэтай фарміравання ўяўлення аб сям’і і сямейных каштоўнасцях як аснове грамадства, выхавання павагі да родных і блізкіх людзей, як асновы сямейнага дабрабыту, фарміраванне разумення важнасці дзяржаўнай палітыкі Рэспублікі Беларусь, накіраванай на падтрымку і ўмацаванне інстытута сям’і, мацярынства, бацькоўства і дзяцінства ва ўстанове адукацыі «Хараўская сярэдняя школа» 15 мая прайшоў адзіны ўрок, прысвечаны Дню сям’і.